MÜLANGPÜ 34:14 - DAÜLANGPÜ LAIHING (BSI)

¹⁴ “Ammi lebü kahvang mehe kao tekhüm; mehenangkü Shembüpa ngei, üpalei men Mükhühpü nyüpa, hayü mükhühpü Kahvang nyüke.

MÜLANGPÜ 34:14 Referans Kwoze

SHAHKÜP 4:24

Mehenangkü Shembüpa, ammei Kahvangü laiyeilungei hahpü aw, hatü mükhühpü Kahvang.

SHAHKÜP 32:21

Jomi kahvang nevaipü dou hüki ngei mükhühhüteke, jomei yahlak neshiüpü lajei-i ngei mongshihhüteke. Nanglak nevaipü jatthü ngei noteihen, hatü jomi ha kü mong yunghühen. Ngapa jatthü ngei noteihen, hatü ha kü jom mongshihhühen.

1 KORINT 10:22

Shembüpai mük nyemhühpha shei jeni deihnyu je? Jenü büpa mü wong kohpüba je?

MATHI 4:10

Jisui büpa kü, “Lüdaituh, Kahshih! Laihingi ha enyüke: ‘Shembüpa, nüngei Kahvang kü khümtuh, hatü büpa mon chongphotuh’ ” shei e.

NAHUM 1:2

Shembüpayü mükhakpü, bhüh yempü Kahvang nyüke; Shembüpai bhüh yemnyüpeih, hatü mongshih maei nyüpeih. Shembüpai büpalei vepathü khüei bhüh yemnyeih, hatü büpalei vepathü khüei mongshih jaoei tuhnyeih.

SHAHKÜP 29:20

Hapa keipü shennyak khüei nyukahen. Hapa laitap kü nyangei nyupü thaüvaü kemei büpa kü hethen, hatü vangsho phang kübü büpalei men thittükhen.

SHAHKÜP 6:15

Mehenangkü Shembüpa, am mü nyupü ammei Kahvangü mükhühpü Kahvang, hatü am khüei büpa mongshih vamkahen, hatü büpai hapa kahdok kübü am mahtükhen.

ISAIAH 57:15

Peü mü shopü hatü daülangpü Kahvang, üpa denden kü nyu, hatü büpalei men daülangpü, büpai hapakei enyüke: “Ngeiyü shaopü hatü daülangpü shingei nyuhen, shejao maanpü leipü shennyak jatonghühen, hatü mong leppüthü ja linghühen shingvaishi üpai mongmangei mong lepnya, ngeiyao büpa mü nyuhen.

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

SHAHKÜP 32:16

Jomi lebü kahvangthü homei Shembüpa mükhakhüteke, hatü jomei douteni büpa mongshih vamhüteke.

JOSHUA 24:19

Shejao Joshua-i nanglakthü kü, “Ammi Shembüpa chongphoei neaokpih. Büpayü daülangpü Kahvang; büpayü mükhühpü Kahvang. Büpai ammei mang netükphapih.

SHAHKÜP 5:7

Ngei mü lenei ammi lebü kahvang te-ang.

SHAHKÜP 5:24

hatü eteke, “Shembüpa, jenei Kahvangi jen kü büpalei müknyinshekhang hatü nganhilong huphüteke hatü jeni aw kübü büpalei ngeü danteke. Kahvangi shennyak kü shah elangmao hapa shennyak yemmü nyuaokhen khih shei shinnyih jeni nyingteke.”

MÜLANGPÜ 33:19

hatü Shembüpai, “Ngei nüng touei ngei meipü peü peih-ei deiphahen, hatü nüng touei ngelei menü, ‘Shembüpa’ shei baonghen, hatü ngei am kü phahjihen hatü shinshanghen.

1 ONGPATHÜ 14:15

Shembüpai Israel am kü bheihen, hatü yungei pingu jenlenpükei nyuhen. Büpai chebü chepa kü shuohpü hapa meipü kahdok kübü bhitükhen, hatü Euphrates yung homei haitükkemhen; mehenangkü jomi Asherah nyüha kahvangei lajeithü lingpü nangkü Shembüpa mongshih.

1 ONGPATHÜ 19:10

Büpai jangei, “Ngeiyü Shembüpa, Jeiyong Kahvangei men kü longi nyakeikenpü shennyak, shejao Israel ami nüng mü vangeishuwpü yaktük; nüngei moidüthü benei yaktük, hatü nüngei thibüthü peü jütük, shaangü ngei mon aopü khih, hatü shaang jomi ngeiyao jütüknüng yemnyüke” shei e.

EZEKIEL 23:25

Ngei mongshihpü nüng khüei shomhen, hatü jomi mongshih-ei nüng kü nohen. Jomi ammei shong hatü dhaong vettükhen, hatü am yangei nyupüthü yani mahhen. Jomi ammei hapeüthü yah-ei lüdaihen, hatü ha kübü yangei nyupüthü awi hahtükhen.

SHAHPHENBÜTHÜ 6:10

Ngeiyü Shembüpa, ammei Kahvang; shaang am nyupü kahdok kü nyupü Amor amei kahvangthü kü tekhüm shei ngei amphong kü etepih, shejao amphongi ngei epü nebangpeih’ ” shei eteke.