MÜLANGPÜ 34:12 - DAÜLANGPÜ LAIHING (BSI)

¹² Am daipü kahdokei nyupü shennyakthü mü meheyao vangpüshuwpü nelinghen lituh, hei nevaijema hapai am kü aethitai vaikahen.

MÜLANGPÜ 34:12 Referans Kwoze

SHAHKÜP 7:2

Mechem Shembüpa, ammei Kahvangi ammei lak kü hathü lanei shuohhen, hatü neühenshang, amphongi hathü chemjalak kü mahtükhen. Jom mü chingmei teling nevaijü phahji tehu.

SHAHKÜP 7:16

Shembüpa Kahvangi ammei lak kü shuohpü jatthü kemei mahtükkemtuh, hatü ammi jom kü yahyang shinshang tehu. Ammi jomei kahvang kü tekhüm; mehenangkü hapai am kü aethitai vaikahen.

MENVIH KESHO 106:36

Jomi lajeithü chongphoei khüm; hapai jom shing aethitai lei.

SHAHPHENBÜTHÜ 8:27

Gideoni hapa hon yah-ei yaongnaüya hük lingei jom ching Ophrahlei tuh. Israel am kemei Kahvang yakphongtü hapa kü khüm, hatü hapayü Gideon hatü jom shem shingvaishi hühhihang leiteke.

SHAHKÜP 20:18

Hei nevaijema, jomi jomei kahvangthü kü khümshing kü dükteipü jiühitbenüng douthü kemei am kü nyuhphahen, hatü ammi Shembüpa, ammei Kahvang khüei mang thahhen.

1 ONGPATHÜ 11:2

Jomphongü Shembüpai Israel am kü, “Ammi jom mü yiükyah lashompü tenyu; mehenangkü jomi ammei mong jomei kahvangthü lemei leplanghen” shei epüthü shiüteke. Shejao Solomoni hathü küang longi lüm.

2 ONGPATHÜ 17:10

Jomi shangtaothü hatü pünyü dhüm peü kü shemnyüthü hatü Asherah nyüha kahvangei lajeithü lingei tuh,

2 SHÜPPÜKENGPÜ 24:18

Jomi Shembüpa, chebü chepalei Kahvangei phopshemei khümpü dohdai, hatü Asherah nyüha kahvang hatü lajeithü kü khüm. Jomi mang thahpü nangkü Judah hatü Jerusalem kü Shembüpalei mongshih peiteke.

BHEI-IE 33:52

hapa kahdokei nyupü shennyakthü peü changtükkemtuh. Jomei lajeithü hatü yaongnaüyathü hatü jomei khümshing kemei bentüktuh.

SHAHKÜP 31:5

Shembüpai am jom shak kü aokpü danghühen hatü ngei am kü epü peü jom kü dükshuohhen.

JOSHUA 9:7

Shejao Israel shennyakthüi, “Mehekei hami am mü chingmei linghen? Üpai nyingpa, amü yopailei nyupü am vaihen aokpeih” shei e.

SHAHPHENBÜTHÜ 6:10

Ngeiyü Shembüpa, ammei Kahvang; shaang am nyupü kahdok kü nyupü Amor amei kahvangthü kü tekhüm shei ngei amphong kü etepih, shejao amphongi ngei epü nebangpeih’ ” shei eteke.