MÜLANGPÜ 34:10 - DAÜLANGPÜ LAIHING (BSI)

¹⁰ Hahepak kü Shembüpai, “Ngei am mü vangpüshuwpü hük lingnyüpeih. Kahdok shak kü hatü mepa jat kao chemao mangdükpü yashanyale dou hük ngei nüngei nanglakthü tou kü dükhen, hatü am mü chemi shennyakthü peüi ngei, Shembüpalei dou eehen; mehenangkü ngei am kü nyembenüng dou dükhen.

MÜLANGPÜ 34:10 Referans Kwoze

SHAHKÜP 10:21

Büpayü ammei Kahvang, hatü büpai am shingvaishi longpü hatü nyembenüng yashanyale dükpü ammei müki eeteke.

MENVIH KESHO 77:14

Nüngü yashanpü dou dükpü Kahvang; jatthü kü nüngi nüngei wong huteke.

ISAIAH 64:3

Hami nedeihnelepü kü mechem nüngi nyempü hanpü dou dükpa, nüng yiüjajü kahshangthü nyemei nüng touei kheüteke.

MENVIH KESHO 66:5

Kahvangi mehe dük ha kü peiyei veituh: Büpalei douthü hangku touei nyemshi thamashi nyüke.

JEREMIAH 32:21

Nüngi Israel am Ijip leipü nyangeihepü, yashanyale, laklu wong longpai hatü nyempühanpü longpü hutü müei leipeih.

2 SAMUEL 7:23

Hatü nüngei nanglak Israel kei kahdoknyü kü jat hük Kahvangi laophü lompü nanglak vaihen angei leipü, hatü laophü shing men tuhhen, hatü laophülei nanglak touei lebü jatthü hatü jomei kahvangthü changtüktü jomphong shing longpü hatü nyempühanpü dou dükpü üpa nyüpa?

MENVIH KESHO 78:12

Chebü chepa ami eeshi Ijip kahdok, hatü Zoan shingmeijilei büpai yashanpü douthü dükpeih.

MENVIH KESHO 66:3

Kahvang kü, “Nüngei men mekei thamapüang!” shei etuh. Nüngei ngan longpai nüngei vepathü nüng kü khümnyüke.

SHAHKÜP 32:30

Mekei bahüki haja hük kü neüaokpa, nevaijü pa nyi moni haja an mü hokaokpa? Hapayü jomei Yaongi jom tuhphongpü nangkü, hatü Shembüpai jom yaktükpü nangkü khihma.

JOSHUA 6:20

Mechem ngongpathüi amit vüngpa, shennyakthüi amit ngeü mü wongmü len, hatü bham laamdai; hanangkü shennyak peüi jiüshangi mongei shü, hatü jomi chingnyü kaamei yah.

MÜLANGPÜ 34:27

Shembüpai Mosa kü, “Ha shahthü nyangtuh; mehenangkü ha shahthü aimü ngei nüng hatü Israel nanglakthü mü vangpüshuwpü lingpeih” shei eteke.

MENVIH KESHO 145:6

Nüngei wong kohpü douthü jung baonghen, hatü nüng longpü jung ngei baongeiyaühen.

MENVIH KESHO 106:22

Ham amei kahdokei thamapü dou longpü dükpü, hatü Hakla Yungchingei nyembenüng dou dükpü betük.

MENVIH KESHO 76:12

Büpai changmeipü ongthü maantüknyeih, hatü kahdoknyü ongthü kü nyempü peihünyeih.

MENVIH KESHO 65:5

Nüngi ham kü nüngei daülangpü nyempühanpü doui jangpeih, Oh ham yemleipü Kahvang. Nüngü kahdoknyü dohpü hatü taipü yungching thahshi monglemaokpüba.

MENVIH KESHO 147:20

Büpai hapakei lebü jatthü kü nedük; jomi büpalei vanglemthü nenyingnyih. Shembüpa men longtuh!

SHAHKÜP 4:13

Ammi dükhen shingvaishi büpai vangpüshuwpü shahkungnyüthü an yaongshung nyi kü nyangtü am kü shuohteke.

MENVIH KESHO 68:35

Nüng nyushingei Oh Kahvang, nüngü nyemshi nyüke. Israel Kahvangi laophülei nanglak kü nganhiwong shuohnyeih. Kahvang men longtuh!

MÜLANGPÜ 34:28

Mosai nehahneyingi hatouei Shembüpa mü nyih pinyi ya pinyi nyu, hatü büpai yaongshung kü vangpüshuwpü shahthü, Shahkungnyü An nyangteke.

SHAHKÜP 9:19

Shembüpa mongshih anpü nangkü ngei longi nyemteke; mehenangkü büpai am mahtükhen mü mongshihteke, shejao shao Shembüpai ngei epü kü bang.

MENVIH KESHO 72:18

Shembüpa, Israel Kahvang kü moihimantuh, büpai mon thamapü douthü düknyeih.

MENVIH KESHO 136:4

Büpa moni thamapü douthü düknyeih, büpa bampü den kü nyunyeih.

MIKA 7:15

Am Ijip kahdok kübü vamei daipü nyih kü kei ngei jom kü yashanpü douthü huhen.