MÜLANGPÜ 33:9 - DAÜLANGPÜ LAIHING (BSI)

⁹ Mechem Mosa ashakshem mongei shüdaihenshang phum shemnyü yiüei ashakshem shadenei yaonghamteke, hatü Shembüpai Mosa mü etei.

MÜLANGPÜ 33:9 Referans Kwoze

MENVIH KESHO 99:7

Büpai jom kü phum shemnyüi shah e; jomi büpalei vanglemthü notei, hatü büpai jom kü shuohpü shahkungthü dükteke.

MÜLANGPÜ 31:18

Mechem Kahvangi Sinai Kahshangei Mosa mü shah eteiyei tempa, büpai büpa kü Kahvangei lakjaangi shüngei nyangpü Shahkungnyü Yaongshung nyi shuohteke.

EZEKIEL 3:22

Hapheikü Shembüpalei ngan ngei kü pei, hatü büpai ngei kü, “Yaongtuh, hatü kahjilei daituh, hatü halei ngei nüng kü ephahen” shei e.

BHEI-IE 11:17

Hatouei ngei yiükahen hatü nüng mü eteihen, hatü ngei nüng kü shuohpü laangha hanei yah-ei jom kü shuohhen. Nüng monhai hathü kemei nekohen; shaangü jomi nanglakthülei hanggovih kohen nüng kü sheühphahen.

MÜLANGPÜ 34:9

“Oh Shembüpa, nüngi ngei kü monghahjema, Shembüpa, nüng ham mü daikütuh shei khümnyüpeih. Hayü mong vaanpü nanglakthü vailangmao ham pungpü shaipü hatü hamei mang tükshih, hatü nüngei mükjüp yahhen nanglak leihüshih” shei büpai e.

MÜLANGPÜ 34:3

Nüng mü üpayao müei ne-ankahen hatü kahshangei üpayao te-eehü, hatü hapa kahshang touei mohoh nevaijü mithüi het dangkao tehahhü” shei eteke.

MÜLANGPÜ 33:11

Küphü hüki hük mü eteipükei Shembüpai Mosa mü dhe dhe gongei etei. Hapheikü büpa baümtapei leihamteke; shejao büpa mü sheühteipü nethepa, Nunei cheha Joshua ashakshem leipü mechemao nelüdai.

MÜLANGPÜ 25:22

Halei ngei am mü pongteihen, hatü shaküp shangkü cherubim nyi aa kü Israel nanglakthü shingvaishi ngei ngelei shahkungnyü yahphahen.

KAHBHAO 18:33

Mechem Shembüpai Abraham mü shah eteiyei kempa, büpa lüdai hatü Abrahamao shemei leidai.

KAHBHAO 17:22

Mechem büpai Abraham kü ha eyei kempa, Abraham toueipü Kahvang aongdai.

MÜLANGPÜ 33:8

Mechem Mosa hapa ashakshemei peihenshang, büpai hapa ashakshem mongei mangshüdai thahshi nanglakthüi laophü laophülei ashakshem shelei yaongshi veihamteke.

MÜLANGPÜ 33:10

Mechem nanglakthü ashakshem shadenei phum shemnyü yiüei yaongpü eehenshang, nanglakthü peü aümei shaei laophü laophülei ashakshem shatüngei khümhamteke.

MÜLANGPÜ 34:5

Shembüpai phum kü yiüei büpa touei yaongtü büpalei daülangpü men, “Shembüpa” shei eteke.

SHAHKÜP 31:14

Shembüpai Mosa kü, “Sheyü nüng didaihen nyih ngoikünyüke. Joshua kü nyüktuh hatü ngei büpa kü kangpü dousho shuohhen Ashakshemei müei deikei” shei e. Hanangkü Mosa hi Joshua nyi Ashakshemei peiteke.

SHAHKÜP 31:15

Hahepak kü Shembüpai Ashakshemei phum shemnyü hük kü peiyei hapa phum shemnyü Ashakshem shadenei yaongteke,

BHEI-IE 7:89

Mechem Mosai ashakshem mongei Shembüpa mü shah eteihen shüpa, büpai Vangpüshuwpü Pela shang kübü cherubim nyi aa kübü ngeü vamei Shembüpai büpa kü eshuohpü büpai dan, hatü büpai Shembüpa mü shah etei.