MÜLANGPÜ 33:7 - DAÜLANGPÜ LAIHING (BSI)

⁷ Shaang Mosai düngei vaishi baümtap shelei baümtap kübü kanja yanei ashakshem vehamteke; büpai hapa kü thaishing ashakshem shei men, hatü shennyak hanei-i Shembüpa mü shah eteihüjema halei peihamteke.

MÜLANGPÜ 33:7 Referans Kwoze

ISAIAH 59:2

Shejao ammi phoppü büpai nedanhen mü ammei mangi am Kahvang toueipü yandaipeih, hatü am pungpü homei büpalei dhe am toueipü jodaipeih.

KANDOK 15:29

Nemeipüthü toueipü Shembüpa taishi lüdaiteke, shejao daülangpüthüi phoppü büpai dannyeih.

2 SAMUEL 21:1

David vanglem lempü hepak kü nedoh-i bong jem thahshi münghishaü nyuteke, hatü Davidi Shembüpa kü ha nang phe. Shembüpai, “Saul hatü jomei shemong kü iy yenpü mang nyüke; mehenangkü büpai Gibeon am jütükpeih” shei e.

SHAHKÜP 4:29

Shejao ammi halei Shembüpa, ammei Kahvang kü veijema, hatü ammei mong kempai büpa yemjema, ammi büpa danghen.

HOSEA 9:12

Jomi hapeüthü bühlangmao, ngei jom hashih shihphonghen. Mechem ngei jom yakphonghen, jomü onyükei shei ponghen.

MENVIH KESHO 35:22

Shejao Shembüpa, nüngi ha eeteke, nüng nenmü tenyudai! Oh Shembüpa, nüngi ngei toueipü taishi telüdai.

MENVIH KESHO 27:8

Ngelei mongdangi, “Nüngei dhe yemtuh” shei enyüke. Shembüpa, nüngei dhe ngei yemhen.

MENVIH KESHO 10:1

Oh Shembüpa, mehekei nüng ngei toueipü taishi lüdainya? Shanghahpü nyih kü mehekei nüng jodainya?

HEBREW 8:2

shennyaki nevai, shejao Shembüpai lingpü daülangpü hatü hingshangpü ashakshemei chongphobü hük nyüpeih.

MÜLANGPÜ 18:7

Mosai büpa mü pongteinüng dai; büpa aümei sha hatü om kü jüp.

MÜLANGPÜ 18:12

hatü Jethro-i Kahvang kü jakpü moila koei pei; hatü Aaroni Israel am behethü peü müei peiyei Kahvang khümei hapa aan hahteke.

MÜLANGPÜ 33:6

Hanangkü Israel ami Sinai Kahshang hompheikü jomei owhiai nyiuktük.

MÜLANGPÜ 33:8

Mechem Mosa hapa ashakshemei peihenshang, büpai hapa ashakshem mongei mangshüdai thahshi nanglakthüi laophü laophülei ashakshem shelei yaongshi veihamteke.