MÜLANGPÜ 33:13 - DAÜLANGPÜ LAIHING (BSI)

¹³ Shaang nüngi ngei kü monghahjema, nüngei lemthü ngei kü nyuhshih; shejüang ngei nüng chongphohen hatü nedoh-i ngei nüng monghahhühen. Hapa jatliyü nüngei nanglakthü shei deihtuh” shei eteke.

MÜLANGPÜ 33:13 Referans Kwoze

MENVIH KESHO 119:33

Nüngei shahkungnyü lem nyuhshih, Oh Shembüpa, hatü ngei ha kü dohpü thahshi mühen.

MENVIH KESHO 25:4

Nüngei lemthü ngei kü nyinghütuh, Oh Shembüpa, nüngei lemthü ngei kü nyuhshihma.

MENVIH KESHO 27:11

Nüngei lem hushih, Oh Shembüpa; vepathü longi nyupü nangkü ngei yanglemei mülangtuh.

MENVIH KESHO 86:11

Nüngei lem nyuhshih, Oh Shembüpa, hatü ngei nüngei shahhing kü kamhen; nüngei men kü dhüm shuohhen nehanpü mongdang yahshih.

SHAHKÜP 9:29

Shejao hathüyü nüngi nüng lompü vaihen shingvaishi jelangpü nanglakthü hatü nüngei laklu wong longpai Ijip leipü nüngi mülangpü nanglakthü khih.”

SHAHKÜP 9:26

hatü ngei Shembüpa kü phopteke, “Oh Jeiyong Shembüpa, nüngei laklu wong longpü nganhilongi nüngi Ijip leipü yangei leipü nüngei nanglakthü temahtük.

EPHESIA 1:17

Am büpa touei peishingkü kihikon, laangha hatü shakei vampü am kü shuohhen shingvaishi jenei Shembüpa Jisu Khristalei Kahvang, müknyinshekhangpü Pa kü ngei phopnyüpeih.

KOLOSI 1:10

Shejüang Shembüpa touei changpü yangnyu nyuei lem peü kü büpa mong hahhühen, doumei peü kü betjük jükei Kahvang nyingpü kü longhen nangkü hami phopnyeih.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

ISAIAH 30:21

Mechem laknyong nevaijü lakdah lemei lephenshang, ammei dhaongi am pheikü shah hük, “Lemnyü-ü hapa hih, hapa kü kamtuh” shei eyei danhen.

JOEL 2:17

Shembüpa chongphopü ngongpathüi phopshem shakung hatü moidü aa kü theptuh. Jomi, “Oh Shembüpa, nüngei nanglakthü yangtuh” sheiehütuh. Nüngi nüngei nanglakthü kü mih jatthüi ne-ienelemhen mü tetuhphong. Lebü shennyakthüi, “Ammei Kahvang melei nyüpa?” shei mehekei ehühen?

2 PETER 3:18

Shejao phahji hatü jenei Shembüpa hatü yemleipü Jisu Khrista nyingpü kü longtuh. Büpa kü shaang hatü nedohnetenpü nyih thahshi düngei müknyinshekhang vaituh! Amen.

MÜLANGPÜ 34:9

“Oh Shembüpa, nüngi ngei kü monghahjema, Shembüpa, nüng ham mü daikütuh shei khümnyüpeih. Hayü mong vaanpü nanglakthü vailangmao ham pungpü shaipü hatü hamei mang tükshih, hatü nüngei mükjüp yahhen nanglak leihüshih” shei büpai e.

ROM SHAHSHA APPÜ 11:28

Shahjangmei nangkü ammei men kü jomphongü Kahvangei vepathü, shejao jepü philei jomü chebü chepalei men kü bampüthü;

ISAIAH 63:19

Aivang den mebü hamü nüngei nanglak nyuhampeih; shejao luangi nüngi vanglem nelempü nanglakthü keiha, hatü nüngei men kü nenyükpü shennyakthü kei nyupeih.”

ISAIAH 63:17

Hami nüng kü nenyemhen mü mehekei ham nüngei lem kübü lemnyongei mülangnya, hatü hamei mong vaanhünya? Nüngei chongphobüthülei men kü, nüngei mükjüp jatthü men kü ham lemei lepkütuh.

MÜLANGPÜ 32:7

Hahepak kü Shembüpai Mosa kü, “Nüng chem leituh! Mehenangkü nüngi Ijip leipü müei daipü nüngei nanglakthüi ngei khüei mang thahteke;

MÜLANGPÜ 3:7

Hahepak kü Shembüpai, “Ijip kahdokei nyupü ngelei nanglakthü ponghahpü ngei eeteke; dou kü hienbüthüi shüveipü nangkü lenpüwongpü ngei danteke. Ngei jom ponghahpü nyingteke,

MÜLANGPÜ 3:10

Hanangkü ngelei nanglak Israel am Ijip kahdok leipü mülanghen ngei nüng Pharaoh touei shomhen” shei e.

MÜLANGPÜ 5:1

Hapheikü Mosa hi Aaron nyi Pharaoh ongpa touei peiyei, “Jahpanei jomi ngei kü mohitap linghen shingvaishi ngelei nanglakthü leishihtuh shei Shembüpa, Israel amei Kahvangi hapakei enyüke” shei e.

MÜLANGPÜ 32:12

Mehekei Ijip ami, ‘Jomü kahshangei jütükkemhen, hatü kahdok shak kübü li hümtükhen nangkü nemeipü küpjani müei deipeih’ shei ehühenang? Nüng mongshih anpü kübü, hatü nüngei nanglakthü kü shanghah koei peihen nyupü kübü mong leituh.

MÜLANGPÜ 32:14

Hahepak kü Shembüpai laophülei nanglakthü kü koei peihen shei tempü shanghah neshuohhen mong leiteke.

MENVIH KESHO 51:13

Shejüang ngei pungpüthü kü nüngei lemthü nyuhhen, hatü mangthü nüng touei mong lepei leikahen.

MENVIH KESHO 103:7

Büpai Mosa kü büpalei lemthü, hatü Israel nanglak kü büpalei douthü nyinghüteke.

2 SAMUEL 15:25

Hapheikü ongpai Zadok kü, “Kahvangei Vangpüshuwpü Pela chingnyülei leiyei tuhphongtuh. Shembüpai ngei kü phahjiei deihjema, büpai ngei shao halei müei leihen, hatü ngei hapa Pela hatü büpalei nyushing eehühen.