MÜLANGPÜ 33:11 - DAÜLANGPÜ LAIHING (BSI)

¹¹ Küphü hüki hük mü eteipükei Shembüpai Mosa mü dhe dhe gongei etei. Hapheikü büpa baümtapei leihamteke; shejao büpa mü sheühteipü nethepa, Nunei cheha Joshua ashakshem leipü mechemao nelüdai.

MÜLANGPÜ 33:11 Referans Kwoze

BHEI-IE 12:8

Büpa meyü ngei dhe dhe gongei lekei eteinyüpeih, shejao dokei, nyieneinyangei nevaijü shahlapei ne-eteinyih, hatü büpai ngei mekei nyu ha eeteke. Ngei chongphobü Mosa khüei ehen anji mehekei nyemei nedeihpa?”

SHAHKÜP 34:10

Israel kü Mosa kei thibü üpayao nevamangpih; Shembüpai büpa mü dhe dhe gongei eteihampeih.

MÜLANGPÜ 33:9

Mechem Mosa ashakshem mongei shüdaihenshang phum shemnyü yiüei ashakshem shadenei yaonghamteke, hatü Shembüpai Mosa mü etei.

MÜLANGPÜ 24:13

Hanangkü Mosai büpalei sheühbü Joshua mü layaong, hatü Kahvangei kahshangei Mosa aongteke.

SHAHKÜP 5:4

Kahshangei Shembüpai aw kübü vamei amphong mü dhe dhe gongei eteke.

KAHBHAO 32:30

“Hanangkü Jakobi hapa shing kü Peniel shei men; mehenangkü büpai ngei Kahvang dhe dhe gongei eetepih shei e, shejao ngelei yangnyu yangei nyüpeih” shei e.

JAKOB 2:23

Hapakei Laihing jiühüteke shei enyüke: “Abrahami Kahvang kü hinglem, hatü hapai büpa kü daülangpü shei ieyeilem, hatü büpa kü Kahvangei mongjempa shei nyük.

JOHAN 11:11

Ha epheikü shao büpai jomphong kü, “Jenei küphü Lazar shidaiteke, shejao ngei büpa phuknüng halei dainyeih” shei e.

JOHAN 3:29

Yiükü yiükyahbülei nyüke. Yiükyahbülei küphüpai danei büpalei ngeü bangnyüke, hatü mechem büpai yiükyahbülei ngeü danhenshang mongongnyüke. Hayü ngelei mongong hatü ha changhüteke.

ISAIAH 42:8

Ngeiyü Shembüpa, hapayü ngelei men; Ngei ngelei müknyinshekhang üpa kao neshuohhen, nevaijü ngelei menvih lajeithü kü neshuohhen.

JOB SHAHSHA APPÜ 16:21

Küphü hük shingvaishi shennyak hanei khümpükei, ngei nang Kahvang kü etükkahen ngei hanei am nanyüke.

2 SHÜPPÜKENGPÜ 20:7

Oh hamei Kahvang, nüngi nüngei Israel nanglak toueipü hapa kahdok kü nyupü am nechangtükangpü je, hatü nüngei küphü Abrahamei hühihathü kü den shing neshuohangpü je?

MÜLANGPÜ 32:17

Mechem Joshua-i nanglakthüi leneiwongpü danpa, büpai Mosa kü, “Baümtapei vehok ngeü dannyüke” shei e.

MÜLANGPÜ 17:9

Mosai Joshua kü, “Jen shing shennyak hanei jetuh, hatü Amalek am mü hokhen daituh. Ngenyih ngei ngelei lakei Kahvangei lenshuoh notü yaongkahen” shei e.

MÜLANGPÜ 33:10

Mechem nanglakthü ashakshem shadenei phum shemnyü yiüei yaongpü eehenshang, nanglakthü peü aümei shaei laophü laophülei ashakshem shatüngei khümhamteke.

BHEI-IE 11:28

Hahepak kü Nunei cheha Joshua, üpa hashih mebü Mosalei küphü nyuhampa, mokei heih-ei, “Mosa, longbüpa, jijinyi dohtükhütuh” shei e.

BHEI-IE 12:7

Shejao ngei chongphobü Mosa meyü hapakei nevai; Büpayü ngelei Israel nanglak peü kü veihen ngei shuohpeih.

SHAHKÜP 31:14

Shembüpai Mosa kü, “Sheyü nüng didaihen nyih ngoikünyüke. Joshua kü nyüktuh hatü ngei büpa kü kangpü dousho shuohhen Ashakshemei müei deikei” shei e. Hanangkü Mosa hi Joshua nyi Ashakshemei peiteke.