MÜLANGPÜ 33:1 - DAÜLANGPÜ LAIHING (BSI)

¹ Shembüpai Mosa kü, “Nüng hatü nüngi Ijip leipü müei daipü nanglakthü peü hapa shing tuhphongtuh, hatü layaongei ngei Abraham, Isak, hatü Jakob kü, ‘Ammei hühihathü kü shuohhen’ shei lahpü kahdokei daituh.

MÜLANGPÜ 33:1 Referans Kwoze

KAHBHAO 12:7

Shembüpa Abram touei vamei, “Nüngei lihila kü hapa kahdok shuohhen” shei e. Hanangkü büpa touei vamjapü Shembüpa kü hatouei moidü hük ling.

MÜLANGPÜ 32:13

Nüng chongphopü Abraham, Isak hatü Jakob hathü kü mekei nüngi lah-ei, ‘Ngei ammei hühihathü vangsho lithilen kei dahühen, hatü ngei lahpü kahdok peü ammei hühihathü kü shuohhen hatü jomi denden kü hapa jomei mükjüp vaihen shei epü deih-ei dangtuh’ ” shei eteke.

MÜLANGPÜ 32:7

Hahepak kü Shembüpai Mosa kü, “Nüng chem leituh! Mehenangkü nüngi Ijip leipü müei daipü nüngei nanglakthüi ngei khüei mang thahteke;

KAHBHAO 26:3

Hapa kahdokei kanja nyutuh, hatü ngei nüng mü nyuhen hatü moihimanphahen. Nüng hatü nüngei hühihathü shing hapa kahdok kemei shuohhen, hatü ngei ampa Abraham kü lahpü ha jiühühen.

MÜLANGPÜ 32:34

Shaang, nüng leituh, hatü ngei nüng kü epü shingei nanglakthü müei daituh, hatü ngelei vangsho phongshan am shekü shongkahen. Shejoongpa, mechem hepak ngoihenshang ngei khüei mang thahpüthü jomei mang nangkü hanghihühen” shei eteke.

MÜLANGPÜ 32:1

Mechem nanglakthüi Mosa kahshang leipü nelei-i longi pheidaiteke shei veiaokpa, jomi Aaron shonei thaiyei büpa kü, “Ham Ijip leipü müei daipü hapa Mosa naühayü mehe heühahpa nenyingang. Peikei, ham kü lem müphahen shingvaishi kahvang hük lingshih” shei eteke.

MÜLANGPÜ 17:3

Shejao nanglakthü longi yungle hatü nedoh-i Mosa khüei langmaan. Jomi, “Mehekei nüngi ham Ijip leipü yunglepai ham, hamei hapeüthü hatü yemhimakthü jühen müei daipa?” shei e.

KAHBHAO 15:18

Ha nyih Shembüpai Abraham mü vangpüshuwpü hük ling, hatü büpa kü, “Nüngei hühihathü kü hapa kahdok Ijip yungyen kübü Euphrates yung thahshi,

PHONGSHANTHÜ DOU 7:36

Büpai Ijiplei, Hakla Yungchingei hatü jahpanei vangbong pinyi thahshi thamapü hatü nyangeihepü douthü dükei büpai jom müei lüdaipeih.

KAHBHAO 26:1

Shelei Abrahamei hepak kü peipü münghishaü keiha shao hapa kahdok kü münghishaü pei, hatü Gerar leipü Philistia am Abimelekh ong touei Isak heih.

KAHBHAO 28:10

Jakobi Beer-sheba tuhtü Haranei layaongei dai.

LEVI 20:24

Shejao ngei am kü eshah, “Ammi hapa kahdok yahhen; ngei am kü amma hatü nyahjiü yenpü kahdok am kü mükjüp vaishi shuohhen. Ngeiyü Shembüpa, ammei Kahvang, hatü ngei lebü jatthü mü am hayaoha loukei jepeih.”

BHEI-IE 11:12

Ngei jom neling, nevaijü nebüh. Mehekei nüngi ngei kü kainaipü nyüi aküngnaüha lakei paümtü daipükei nüngi chebü chepa am kü lahpü kahdokei ngei jomphong poh-ei daihenang?

SHAHKÜP 1:8

Veituh, hapa kahdokü ngei am kü shuohtepih. Ammei bühipa Abraham, Isak hatü Jakob hatü jomei hühihathü kü Shembüpai shuohhen shei lahpü kahdokei shüei hapa yahtuh’ ” shei eteke.

KAHBHAO 50:24

Hapheikü Joseph-i büpalei cheihinaüthü kü, “Ngei sheyü didaihen khih, shejao hingmei Kahvangi am kü junghen, hatü Abraham, Isak hatü Jakob kü lahpü kahdokei am müei leihen” shei e.