MÜLANGPÜ 32:34 - DAÜLANGPÜ LAIHING (BSI)

³⁴ Shaang, nüng leituh, hatü ngei nüng kü epü shingei nanglakthü müei daituh, hatü ngelei vangsho phongshan am shekü shongkahen. Shejoongpa, mechem hepak ngoihenshang ngei khüei mang thahpüthü jomei mang nangkü hanghihühen” shei eteke.

MÜLANGPÜ 32:34 Referans Kwoze

SHAHKÜP 32:35

Bhüh yempeyü ngelei, ngei hapa bhüh yemhen, Jom dodaihen hepak ngoikahen; Mehenangkü jom shangponghen nyih ngoikünyüke, jom dihen lomi peikünyüke.

MÜLANGPÜ 23:20

Ngei am shingvaishi tempü shingei müei daishingkü lemei am yomhen shingvaishi ngei am shekü vangsho phongshan hük shomphahen.

MATHI 23:35

shejüang kahdok shak kü daülangpüthülei iy yenpü am shak kü nyuhen; Abel kübü heihdaipü phopshem hi moidü nyi aa kü ammi jüpü Barakhiahlei cheha Zekhariahlei iy thahshi nyuhen.

AMOS 3:14

Ngei Israel am jomei mang nangkü hanghihüpü nyih ngei Bethel leipü moidü peü mangtükhen, hatü moidü leipü shongnyü douthü mangtükhen, hatü kahdokei dodaihen.

JEREMIAH 5:29

Henüng keipü douthü kü ngei jom kü hanghi neshuohhen je? hatü hapa keipü jat kü ngei bhüh neyemhen je? shei Shembüpai enyüke.

JEREMIAH 5:9

Henüng keipü douthü kü ngei jom kü hanghi neshuohhen je? shei Shembüpai enyüke. Henüng jatli kü ngei bhüh neyemhen je?

ISAIAH 63:9

Jomei shanghah peü kü phongmokbü nevaijü phongshani nevai, shejao büpa ompai jom yangpeih; Büpalei phahji yahyangi jom yangpeih, Büpai jom longei anshihpeih, hatü peihdaipü nyihthü peü kü büpai jom kü jungpeih.

MENVIH KESHO 99:8

Oh Shembüpa, hamei Kahvang, nüngi jom kü jangteke; nüngü jom kü mang tükpü Kahvang nyuteke, shejao ten dükpü amkü bhüh yembü nyuteke.

BHEI-IE 20:16

shejao mechem hami Shembüpa kü leneiwongei phoppa, büpai hami lenpü danei vangsho phongshan hük shomei ham Ijip leipü müei daipeih. Shaang hamphong ammei kahmük vaungjung kübü Kadesh chingnyülei nyüpeih.

MÜLANGPÜ 33:2

Ngei am shekü vangsho phongshan hük shomhen hatü Kanan am, Amor am, Hit am, Perizz am, Hiv am, hatü Jebus am peü changtükhen.

MÜLANGPÜ 20:5

Ammi hathü kü aümei tesha nevaijü ha kü tekhüm; mehenangkü ngeiyü Shembüpa, ammei Kahvangü mükhühpü Kahvang. Ngei yaktükpü nyühipathülei hühihathü kü denshem jem, ali thahshi ngei hanghi shuohnyüpeih,

MÜLANGPÜ 3:17

Ngei am Ijip kahdokei shangpong yakyingpü kübü amma hatü nyahjiü yenpü Kanan, Hit, Amor, Perizz, Hiv, hatü Jebus amei kahdokei mülanghen ngei temtepih.”

MÜLANGPÜ 15:17

Nüngi jom müei lei, hatü jom nüngei kahshangei, Oh Shembüpa, nüng nyupü shingei, Oh Shembüpa, nüngei laki lingpü daülangpü shingei nüngi jom chongkhenei tuhphong.

MÜLANGPÜ 33:12

Mosai Shembüpa kü, “Veituh, nüngi ngei kü, ‘Ha nanglakthü müei daituh’ shei ephüteke, shejao nüngi üpa ngei mü shomhen nüngi ngei kü nenyinghü. ‘Nüngi ngei meishi nyingnyüpeih hatü ngei kü monghahnyeih’ shei eteke.

JEREMIAH 23:2

Hanangkü Shembüpa, Israel Kahvangi ngelei nanglak mi yombüthü kü hapakei enyüke: “Mehenangkü ammi ngelei mithü kü nejungnelangi haitük, hatü changtükpü nangkü, ammi dükpü douten tata kü ngei am kü hanghi shuohhen shei Shembüpai enyüke.

JEREMIAH 14:10

Hathü nanglakthü nangkü Shembüpai hapakei enyüke: Jomi paüeiyonei longteihen kü longi bamnyüke, jomi jomei la shongei netuhnyu. Hanangkü Shembüpai jom neyahnyu; Shaang büpai jomei mang deih-ei danghen, hatü jomei mang nangkü hanghi shuohhen.”

HOSEA 8:13

Jomi jakpü moila meipü shuohjao, hatü jomi phai hahjao, Shembüpai hathü neyahnyu. Shaang büpai jomei mang deihhen, hatü hapa mang shing jom hanghihühen; Jom Ijiplei nyokei shomtükhen.

AMOS 3:2

Kahdoknyü jatthü peü khongkü ngei am mon nyingpeih; Hanangkü ammei mang lemphü nangkü ngei am hanghihühen.