MÜLANGPÜ 32:32 - DAÜLANGPÜ LAIHING (BSI)

³² Shejao shaang nüngi jomei mang tükjema– shejao hapakei nevaijema, nüngi nyangpü laitap kübü ngelei men thittüktuh” shei e.

MÜLANGPÜ 32:32 Referans Kwoze

MENVIH KESHO 69:28

Jom yangnyu laitap kübü thittüktuh; daülangpüthü mü jomei men omei tenyang.

SHAKEI VAMPÜ 21:27

Shejao halei nedaünelangpü, nevaijü jiühitnalai dou dükpü nevaijü shahshem meheyao neshüaokhen, shejao Mi Chehalei yangnyu laitap kü men nyangei nyupüthü mon shühen.

PHILIPPI 4:3

Hih, ngei am kao phenyeih, ngei mü pang hük paipü, hapa nyüha nyi kü sheühtuh; mehenangkü shahjang meipü dousho nangkü ngei mü jiji hatü Klement hatü chemi chongphopüthüi kheyei düktepih, hatü jomei men yangnyu laitap kü nyangei nyüke.

ROM SHAHSHA APPÜ 9:3

Ngelei iy hatü ngelei phai jeihinaüthülei men kü ngei kü Kahvangei thaüvaü nyemhet, hatü Khrista toueipü nyemkatitük shei deihpeih.

DANIEL 12:1

Hahepak kü longpü vangsho phongshan Mikhael, üpai nüngei nanglak yomnya, büpa peikahen. Jatthü chongpanghinüng hapakei chemao mangvampü shangpong yakying hepak hük peikahen. Shejao shangpong hepak kü nüngei nanglakthü üamei men laitap kü nyangei nyu, yanghen.

SHAKEI VAMPÜ 3:5

Ammi vehok neüjema, amphongao jomphong kei shola ow owhen, hatü ammei men vanyangyem laitap kübü nethittükhen; ngei ammei Opa hatü büpalei vangsho phongshanthü touei lahhen.

MENVIH KESHO 139:16

ngei lingpü dak manglangi nüngi ngei eeteke. Nyihthü pangshekü nüngi ngei shing nyih meshük ling, ha nüngi nüngei laithü kü nyangei tuhteke.

MENVIH KESHO 56:8

Ngei theppüyoungpü nyangei tuhtuh; nüngei laitap kü ngei mükphi yenpü nyangei tuhtuh. Hathü nyangei neshiüpü je?

SHAKEI VAMPÜ 17:8

Shelei nyupü nüngi eepü yemha, shaang nenyu; pinnyü shaongdoh neshiüpü kahsha leipü vamei mahhen temei daikahen. Kahdoknyü kü nyupü shennyakthü kahdoknyü chongnyiam lingshekü üamei men yangnyu laitap kü nyangei nenyu, hathüi yemha kü veitü yashanhen. Mehenangkü ha shelei chem nyu, shaang neshiü, pheilei shao vamkahen.

SHAHKÜP 29:20

Hapa keipü shennyak khüei nyukahen. Hapa laitap kü nyangei nyupü thaüvaü kemei büpa kü hethen, hatü vangsho phang kübü büpalei men thittükhen.

SHAHKÜP 25:19

Mechem Shembüpa, ammei Kahvangi am kü mükjüp shuohpü kahdok kü shonei nyupü vepathü kübü yangei nyuhen, vangsho phangkü üpaiyao deih-ei nedanghen shingvaishi ammi Amalek am jütüktuh. Ammi hapa tebetük.

SHAHKÜP 9:14

Ngei lak neyingi jom mahtükhen hatü vangsho phang kübü jomei men thittükhen, hatü ngei nüngü jom mü wong kohpü hatü longpü jat hük leihühen” shei ephüteke.

BHEI-IE 14:19

“Ijip leipü layaongpü hepak mebü shaang thahshi nüngi jomei mang tükpükei nüngei bampü longpü shangshi nanglakthülei mang tükeishuoh” shei e.

MÜLANGPÜ 32:10

Shaang ngei ngelei mongshih vamhen hatü jom mahtükkemhen. Ngei nüng kübü jat longpü hük linghen” shei eteke.

LUK SHAHSHA APPÜ 23:34

Hahepak kü Jisui, “Opa, jom kü mang tükeishuoh; mehenangkü jomi mehe düknya, jomi nenying” shei e. Jomi büpalei ashakviha hanteihen phongyom.

AMOS 7:2

Mechem jomi kahdok kübü phenha cha-ei hahtüki eepa, ngei eteke, “Jeiyong Shembüpa, mang tükshih! Mekei etü Jakob yemmü nyuaokhen? Jomü ahshi-üng maanpü am nyüke!”

EZEKIEL 13:9

Ngelei lak nejiüpü manghkhang eepüthü hatü shahshemi tetpüvanpü epüthü khüei nyüpeih; henüng keipü shennyakthü ngelei nanglakthü mü shahdep kü ne-omhen. Israel amei bühü men nyangpü laitap kü neshüaokhen; hathüi Israel kahdokei nyokei neleiaokhen. Shejüang ammi ngeiyü Shembüpa Kahvang khih shei nyinghen.

SHAKEI VAMPÜ 22:19

hanei ami hapa thihivam lai shah kübü yah-ei yaktükjema hapa lailei eyei nyupükei Kahvangi yangnyu pü kübü hatü hapa daülangpü chingnyü büpalei hean yahlanghen.

LUK SHAHSHA APPÜ 10:20

Shejoongpa, mang laanghathüi amphong kü bangpü nangkü mongte-ong, shejao vangsholei ammei men nyangei nyupü kü mongongtuh” shei eteke.

BHEI-IE 11:15

Nüngi hapakei ngei kü linghen vaijema, shaang-üng ngei jütüktuh shejao nüngi ngei kü phahjiei deihjema, ngei hapakei teponghü” shei eteke.

2 SAMUEL 18:33

Ongpai longi mongmang hatü büpa peshaden homei shangpa dung-amei aongei thep. Büpa aongyaki, “Oh ngelei hapeü Absalom! Ngelei ha, ngelei hapeü Absalom! Nüng nangjei ngei-ang dihah shepü-ü, Oh Absalom!, Ngelei hapeü, ngelei hapeü!” shei mahng thepteke.

ISAIAH 4:3

Zionlei tuhpüthü, Jerusalemei aoei yemmü men nyangei nyupüthü peü kü daülangpü shei nyükhen.

MALAKI 3:16

Hahepak kü üami Shembüpa kü nyemnya, jom hüki hük mü eteinyüke, hatü Shembüpai bang, hatü ha danteke. Büpa nyupü shingei deihen shingvaishi laitap hük kü Shembüpa kü nyempüthü hatü büpa kü dhüm shuohpüthülei men nyangteke.

MALAKI 3:17

“Jomü ngelei nanglakthü, hatü hapa nyih jomü ngelei thushong dounyü vaihen, hatü pa hüki laophü chongphopü hapeü yangpükei ngei jom yanghen” shei Shembüpa Kahvangi enyüke.

BHEI-IE 11:25

Hahepak kü Shembüpa phum shangkü yiü, hatü büpa mü etei, hatü Shembüpai Mosa kü shuohpü laangha hanei yah-ei mübüthü pejempüan kü shuoh. Mechem jom kü laanghai bakpüshang, jomi teteivanei e, shejao jomi neyei hapakei netetnevan.