MÜLANGPÜ 32:21 - DAÜLANGPÜ LAIHING (BSI)

²¹ Mosai Aaron kü, “Nüngi hathü nanglakthü hajükjük longpü mang thahhen mü jomi nüng kü mehe lingphopa?” shei e.

MÜLANGPÜ 32:21 Referans Kwoze

KAHBHAO 20:9

Hapheikü Abimelekh-i Abraham nyükei shütü büpa kü, “Nüngi ham kü mehe düknya? Ngei hatü ngelei ongching kü hajük longpü mang koei peihühen mü ngei nüng kü mehe shaiphopa? Nüngi ngei kü nedükhen dou dükteke” shei e.

1 ONGPATHÜ 21:22

Ngei nüngei shemong Nebatei cheha Jeroboam, hatü Abijahlei cheha Baasha am shem kei leihühen; mehenangkü nüngi ngei mongshihhü, hatü Israel am mang thahhüteke.

1 ONGPATHÜ 14:16

Jeroboami thahpü büpalei mang hatü Israel am kao hapa mang thahhüpü nangkü Shembüpai Israel am yakphonghen shei e.

1 SAMUEL 26:19

Hanangkü shaang ngelei shembü ongpai nüngei chongphobülei shahthü kü banghümao. Shembüpai ngei khüei nüng shompü vailangmeyü büpai ngelei moila yahpai mongmeidaihen; hapayü shennyakthüi dükpü vaijema Shembüpalei thaüvaü jom kü hethen, mehenangkü jomi shinnyih ngei Shembüpalei mükjüp kübü changtüktü, ‘Daituh lebü kahvangthü chongphotuh’ shei hanpü khih.

KAHBHAO 26:10

Abimelekh-i, “Nüngi ham kü mehe lingphopa? Ngelei nanglak hanei-i anyüha mü shitü nyuhah shepü khih, hatü nüngi ham kü mang koei peihah shepü khih” shei e.

MÜLANGPÜ 32:20

hatü jomi linghahpü mohoh cheha yah-ei büpai aw kü jaktük, hatü khih mü ngümtü yungei haitük, hatü Israel am kü ha yingshuohteke.

MÜLANGPÜ 32:22

Aaroni, “Nüngi ngei kü ahshi mong teshihkei. Hathü nanglakthüi mang dou dükhen monghumpü nüngi nyingdaiphei.

1 SAMUEL 15:14

Shejao Samueli, “Shejema mehekei mohoh hatü mithü vaüpü ngei dannya?” shei phe.