MÜLANGPÜ 32:14 - DAÜLANGPÜ LAIHING (BSI)

¹⁴ Hahepak kü Shembüpai laophülei nanglakthü kü koei peihen shei tempü shanghah neshuohhen mong leiteke.

MÜLANGPÜ 32:14 Referans Kwoze

JONAH 3:10

Mechem Kahvangi jomi dükpü hatü mekei jomei mang lemthü kübü mong leppü eepa, büpai büpalei mong yeiya, hatü büpai dükhen shei tempü hanghi jom kü neshuoh.

JEREMIAH 26:13

Hanangkü shaang ammei lemthü hatü dükhiling yeiyatuh, hatü Shembüpa, ammei Kahvangei shah bangtuh. Shejüang am khüei Shembüpai shuohhen epü shanghah vongshüh neshuoh-i mong yeiyadaihen.

MENVIH KESHO 106:45

Jomei men kü büpai büpa vangtükpü deih-ei dangpeih, hatü büpai bampü shangshi bampü hupeih.

JEREMIAH 18:8

ngei shahvüng shuohpü jati mang kübü mong lepjema, ngei temei nyupü shanghah neshuohhen,

1 SHÜPPÜKENGPÜ 21:15

hatü Kahvangi Jerusalem am mahtükhen vangsho phongshan hük shom. Vangsho phongshani hapa dou dükei nyushingkü Shembüpai hapa lomoh aühaü pongpü eeyei mong kü tüngei vei, hatü hapa nanglakthü jüpü vangsho phongshan kü, “Hajük-üng! nüngei lak teno” shei e. Vangsho phongshan hahepak keyü Jebus am Araunahlei hahten shingei yaongshi nyuteke.

2 SAMUEL 24:16

Mechem vangsho phongshani Jerusalemao mangtüknüng shei lak nopa, nanglakthü dipü eeyei Shembüpai mong yeiya hatü nanglakthü hanghihüpü vangsho phongshanthü kü, “Hajük-üng! Amphongei lak leilangtuh” shei e. Shembüpalei phongshanthü ha hepak kü Jebus am Araunahlei hah tenshingei nyu.

JONAH 4:2

Büpai Shembüpa kü, “Oh Shembüpa, ngei shem leipü layaonghinüng hapakei dükküshasha hih shei ngei epü ha nevaiang je? Hanangkü ngei shüshülangi Tarshish lemei lüdaipeih. Nüngü phahjipü hatü yahyang shinshangpü Kahvang, mongshihhen youngmü, hatü bampü kü bhashahshi, shangpong yakying shomhen kübüao mang tükpü Kahvang shei ngei nying.

JOEL 2:13

Ammei ashakviha nevai, ammei mongdang shaaktuh. Shembüpa, ammei Kahvang touei mong leptuh; mehenangkü büpayü phahjipü hatü bampü nyüke; Mongshih anhen youngmü, hatü bampü kü changpüshapü nyüke, hatü büpai hanghi shuohhen kübüao mong leidainyeih.

JEREMIAH 26:19

Judah am Hezekiah ongpa nevaijü Judah ami ha tata kü Mikah jüla? Hezekiah-i Shembüpa kü nenyem hatü büpa bampü neyemangpü je? Büpai koei peihen shei jom khüei epü shanghah vongshüh neshuohhen Shembüpalei mong neyeiyaangpü je? Shejao jeni jen nyingkü shanghah vongshüh koei peihahnyu khih!

SHAHKÜP 32:26

Ngei jom chemjalak kü mahtükhah shepeih, hatü hangkunyüi nedeihnelehen mü thittükhah shepeih;

MÜLANGPÜ 33:13

Shaang nüngi ngei kü monghahjema, nüngei lemthü ngei kü nyuhshih; shejüang ngei nüng chongphohen hatü nedoh-i ngei nüng monghahhühen. Hapa jatliyü nüngei nanglakthü shei deihtuh” shei eteke.

1 SAMUEL 15:11

“Saul ong vaihüpü nangkü ngei mong bhagei deihnyüke, mehenangkü büpai ngei epükei nedüki ngei toueipü lepdaiteke” shei e. Samuel longi mongshih, hatü vangnyak büpai Shembüpa kü len.

KAHBHAO 6:6

Kahdoknyülei büpai hangku lingei tuhpü nangkü Shembüpa mongshang, hatü büpalei mong kü tüngteke.

BHEI-IE 14:20

Shembüpai jangei, “Nüngi phoppükei ngei jomei mang tüktih” shei e.

SHAHKÜP 10:10

Sheleipükei ngei nyih pinyi ya pinyi nyuteke, hatü Shembüpai hahepak kao ngei epü kü bangei am nemahtükpih shei ephüteke.

SHAHKÜP 32:36

Shembüpai laophülei nanglak dah shakhühen, Mechem jom wong kemhen, aa nevaijü bümei hükao ne-aoi wong kemdaipü büpai eehenshang, Shembüpai laophülei nanglak kü phahjihen.

SHAHPHENBÜTHÜ 2:18

Mechem Shembüpai jom shing shahphenbüthü jeyei ngaipa, Shembüpa shahphenbüthü mü nyu, hatü shahphenbüthü yemmü nyupü thahshi büpai jom vepathülei lak kübü yang; mehenangkü Shembüpai jom mih phangkü shüveidoidei hatü hanghi ponghahpü kü shinshangei deih.

MENVIH KESHO 106:23

Hanangkü büpai jom mahtükhen shei e; büpai jelangpü chongphobü Mosa paoh baong kü itei neyaonglang meyü büpalei mongshih nemeihüaokhenmü shepeih.

AMOS 7:3

Hahepak kü Shembüpa mong leiteke; “Hapa am kü nevamküpih” shei Shembüpai ephüteke.

AMOS 7:6

Hahepak kü Shembüpa mong leiteke; “Hapa am kü nevamküpih” shei Shembüpa Kahvangi ephüteke.