MÜLANGPÜ 32:13 - DAÜLANGPÜ LAIHING (BSI)

¹³ Nüng chongphopü Abraham, Isak hatü Jakob hathü kü mekei nüngi lah-ei, ‘Ngei ammei hühihathü vangsho lithilen kei dahühen, hatü ngei lahpü kahdok peü ammei hühihathü kü shuohhen hatü jomi denden kü hapa jomei mükjüp vaihen shei epü deih-ei dangtuh’ ” shei eteke.

MÜLANGPÜ 32:13 Referans Kwoze

HEBREW 6:13

Mechem Kahvangi Abraham mü lahpü hük lingpa, büpai lahhen mü büpa dok kü longpü üpayao neshiüpü nangkü büpai laophü nyingi,

KAHBHAO 22:16

“Ngei, ngei nyingi lahtepih shei Shembüpai enyüke: Nüngi nüngei halom dangkao shümei nedoh-i ha dükpü nangkü,

KAHBHAO 12:7

Shembüpa Abram touei vamei, “Nüngei lihila kü hapa kahdok shuohhen” shei e. Hanangkü büpa touei vamjapü Shembüpa kü hatouei moidü hük ling.

KAHBHAO 15:5

Büpai büpa kü chingshelei ngaiyei, “Vangsholei ngangei veituh, hatü nüngi ieaokülashang lithathü ietuh” shei e. Hapheikü büpai, “Hapa keiha nüngei hühihathü nyuhen” shei e.

KAHBHAO 15:18

Ha nyih Shembüpai Abraham mü vangpüshuwpü hük ling, hatü büpa kü, “Nüngei hühihathü kü hapa kahdok Ijip yungyen kübü Euphrates yung thahshi,

SHAHKÜP 7:8

Shejao Shembüpai am kü bampü nangkü hatü büpai ammei bühipa kü lahpü nangkü büpalei laklu wong longpai aa vaihampü kahdok Ijip ongpa Pharaohlei lakmong leipü amphong angei leiteke.

LEVI 26:42

shejüang ngei Jakob mü vangeishuwpü deih-ei danghen, hatü Isak mü hatü Abraham mü ngei vangteishuwteipü deih-ei danghen, hatü ngei jom kü shuohhen lahpü kahdok deih-ei danghen.

KAHBHAO 48:16

ngei vongshüh peü kübü yangpü vangsho phongshani hapa naü nyi kü moihimantuh; Ngelei men hatü ngelei bühipa Abraham, Isakei men ha naü nyi homei nyuhütuh, hatü kahdoknyü kü hühihathü longi dahütuh.”

KAHBHAO 15:7

Hapheikü büpai büpa kü, “Ngeiyü nüng kü hapa kahdok shuohhen shingvaishi Babylonia kahmük Ur leipü nüng müei daipü Shembüpa” shei e.

SHAHKÜP 9:27

Nüng chongphobü Abraham, Isak hatü Jakob hathü deih-ei dangtuh. Nanglakthü mong vaanpü, jomei douten hatü jomei mang kü khah-ei kawei teveikei.

KAHBHAO 12:2

“Ngei-i nüngü jat longpü hük leihühen, hatü ngei nüng kü moihimanhen. Ngei nüngei men longpü leihühen, hatü nüngü moihimanpü leihen.

KAHBHAO 17:8

Kanan kahdok kempü, melei nüng shaang benha kei nyunya, hayü ngei nüng hatü nüng phei kübü nüngei hühihathü kü den shing vangei shuohhen, hatü ngei jomei Kahvang vaihen” shei e.

KAHBHAO 24:7

Shembüpa, vangsho Kahvang, üpai ngei opalei shem, ngelei kahmük kübü müei dai, hatü ngei kü lah-ei, “Nüngei hühiha kü ngei hapa kahdok shuohhen shei epa, ngelei hapeü shing nüngi nyüha danghen mü büpai büpalei vangsho phongshan nüng shekü shomkahen.

MÜLANGPÜ 13:5

Mechem Shembüpai am Kanan, Hit, Amor, Hiv, hatü Jebus amei kahdok, amma hatü nyahjiü yenpü kahdok, mepa ammei bühipa kü shuohhen shei büpai lahpa, hapa kahdokei leishingkü ammi hapa shongpü len kü ha mo motuh.

MÜLANGPÜ 13:11

Mechem Shembüpai am hatü ammei bühipa kü lahpükei Kanan kahdokei müei leiyei am kü ha yahphahenshang,

MÜLANGPÜ 33:1

Shembüpai Mosa kü, “Nüng hatü nüngi Ijip leipü müei daipü nanglakthü peü hapa shing tuhphongtuh, hatü layaongei ngei Abraham, Isak, hatü Jakob kü, ‘Ammei hühihathü kü shuohhen’ shei lahpü kahdokei daituh.

SHAHKÜP 1:10

Shembüpa, ammei bühipa amei Kahvangi amphongü vangsho lithathü kei dahüpü khih.

KAHBHAO 22:17

ngei nüng kü moihimanhen, hatü nüngei lihila vangsho lithathü kei hatü yungching bhihhiphang kei daeisheyei leihühen. Nüngi ngelei shah bangpü nangkü nüngei hühihathüi vepathülei chingnyüthü kaamlanghen,