MÜLANGPÜ 32:1 - DAÜLANGPÜ LAIHING (BSI)

¹ Mechem nanglakthüi Mosa kahshang leipü nelei-i longi pheidaiteke shei veiaokpa, jomi Aaron shonei thaiyei büpa kü, “Ham Ijip leipü müei daipü hapa Mosa naühayü mehe heühahpa nenyingang. Peikei, ham kü lem müphahen shingvaishi kahvang hük lingshih” shei eteke.

MÜLANGPÜ 32:1 Referans Kwoze

PHONGSHANTHÜ DOU 7:40

Aaron kü, “Ham kü lem müphahen shingvaishi kahvangthü lingshih; Ijip kahdok leipü ham müei daipü Mosayü mehe vamjapüshang hami nenyingang” shei e.

SHAHKÜP 9:9

Shembüpai am mü lingpü vangpüshuwpü shahkungnyü yaongshung yahhen shingvaishi ngei kahshangei aongei meheyao nehahneyingi nyih pinyi ya pinyi halei nyuteke.

2 PETER 3:4

hatü jomi, “Büpa yiükahen lahpü melei nyüpa? Jenei bühipathü dikemteke, shejao chongpangpülei lingpü lakshing lemphüli shaang thahshi dainyüke!” shei enyüke.

MÜLANGPÜ 24:18

Mosai phum yingkü shüei kahshangei aong; halei büpa nyih pinyi ya pinyi nyuteke.

MATHI 24:48

Shejao nemeipü chongphobüi, “Ngelei shembü hepak luangi nyutü leikahen” shei eshi,

PHONGSHANTHÜ DOU 17:29

Hanangkü jenphongü büpalei lihilathü vaipü nangkü Kahvangü hon, ngin nevaijü yaong– hangkui deih-ei letü laki shangpü lajei kei nyüpükei jeni nedeih-ükhih.

PHONGSHANTHÜ DOU 19:26

Ammiyao eeteke hatü danteke, Ephesialei mon nevai shejao Asia kempülei hapa Pauli shennyakthü longi laki lingpü kahvangü kahvang nevaipih shei eshi yawh-ei leplangkemteke.

MIKA 6:4

Ngei amphong Ijip leipü müei leipeih, hatü ngei am aa laphen kübü angei leipeih. Ngei am mülanghen Mosa, Aaron hatü Mariam shompeih.

HOSEA 12:13

Shembüpai thibü hük shomei Israel am Ijip leipü mülang, hatü jom jungei yomteke.

MÜLANGPÜ 32:11

Shejao Mosai Shembüpa, büpalei Kahvang kü khümei eteke, “Oh Shembüpa, nüngei laklu wong longpai Ijip kahdok leipü nüngi müei leipü nüngei nanglakthü khüei mehekei mongshih vamnya?

MÜLANGPÜ 32:7

Hahepak kü Shembüpai Mosa kü, “Nüng chem leituh! Mehenangkü nüngi Ijip leipü müei daipü nüngei nanglakthüi ngei khüei mang thahteke;

MÜLANGPÜ 14:11

Jomi Mosa kü, “Ijiplei mahngchong neshiü shei nüngi hamphong jahpanei dihününg müei daipü je? Ijip leipü nüngi ham müei daiyei mehe lingphünya?

MÜLANGPÜ 13:21

Jom nyakhingai thüngei kamhen shingvaishi Shembüpai nyihnüngü jom mühen phum shemnyü, hatü yanüng jom kü vangngai shuohhen shingvaishi aw shemnyü jom shekü daiteke.

MÜLANGPÜ 16:3

Israel ami jijinyi kü, “Ijip kahdokei nyuyaki-üng Shembüpalei laki ham jütüklangmeyü shei deihpeih. Halei vailangmeyü phaidük touei uotü hami lümpü lümpü peü moh-ei hahhen vaipeih; shejao anjinyi-i khong kemei shüaeiyunglepai dihühen müei daipü khih” shei eteke.

KAHBHAO 44:15

Joseph-i jomphong kü, “Amphongi dükpü hayü meheang? Ngei shenshenpü shennyaki phongyomei hapa keipü dou dangaokhen shei amphongi nenyingpü je?” shei e.

JOSHUA 7:13

Daituh, nanglakthü daütüktuh, hatü jom kü laophü nyingi ngenyih shingvaishi daütüktuh; mehenangkü Shembüpa, Israel Kahvangi, ‘Oh Israel, amphong khongkü ngei mangtüktuh shei epü dou haneilei nyüke; am kübü hapa mangyaktük thahshi am vepa khüei neyaongaokpih’ shei hapakei enyüke.

MÜLANGPÜ 33:3

Amma hatü nyahjiü yenpü kahdokei daituh; shejao ngei am mü nedaikahen, hei nevaijema ngei lem jiamei am mahtükhen hih; mehenangkü amphongü mong vaanpü nanglakthü khih” shei eshuohteke.

KAHBHAO 44:4

Jomphong chingnyü kübü luangi yanei mangdai-i Joseph-i büpalei chongphobü kü, “Nüngi jomphong phei changei daituh, hatü nüngi jomphongei she yeiyei heihtü hathü kü, ‘Hami mei dükjü mehekei ten shuohnya? Ngelei ngin yungshong mehekei gühpa?

KAHBHAO 39:8

Shejao büpai ha nemongi büpalei shembülei chenyüha kü, “Veituh, ngelei shembüi shemei nyupü mepa kao mongne-aanyih; büpai angpü peü ngelei lak kü shuoh-ei nyüpeih.

KAHBHAO 19:14

Hanangkü Lot daiyei yiük phepüthü kü, “Shülangi hapa shing kübü lüdaishah; mehenangkü Shembüpai hapa chingnyü mahtükhenja” shei e. Shejao yiükhathülei bahathüi nyienei enyeih shei deih.

MATHI 24:43

Shejao ha nyingtuh: Shem shembüi mepa hepak kü gühpa peihen ha nyingei nyulangmeyü büpa neshi-i nyuhen, hatü shem mangei gühpa neshühen vaipeih.

KAHBHAO 21:26

Abimelekh-i, “Ha üpai dükpa, ngei nenyingangpih; nüngiyao ngei kü ne-epha; ngeiyao shinnyih-ang ha dannyeih” shei e.

MÜLANGPÜ 20:23

Ammi ngei mü lenei hon nevaijü ngin yah-ei kahvang teling.

MÜLANGPÜ 32:23

Jomi ngei kü, ‘Ham Ijip kahdok leipü müei daipü Mosa naühayü mehe ponghahpa, nenyingang; ham kü lem müphahen shingvaishi kahvang hük lingshih’ shei ephopeih.”

BHEI-IE 14:22

Shejao ngelei müknyinshekhang eepüthü, hatü Ijiplei hatü jahpanei yashanyalepü dou dükpü eepüthüi ngelei shah nebang hatü jomi ngei kü anpa anpa dokpeih.

EZEKIEL 20:8

Shejao jomi ngei khüei yaong hatü ngei epü kü nebang; jom üpayao jomei mük mopü jiühitpü douthü neyaktük, nevaijü jomi Ijip amei lajeithü netuhphong. Hahepak kü jom Ijiplei nyushiüng ngei ngelei mongshih jom kü khüphühen shei deihteke.

MÜLANGPÜ 24:12

Shembüpai Mosa kü, “Ngei touei kahshangei aongkei, hatü hamü dantuh; hatü ngei nanglakthü kü noteihen shingvaishi nyangpü shahkungnyü kemei kohshi yaongshung nyi yahphahen” shei e.

MÜLANGPÜ 32:22

Aaroni, “Nüngi ngei kü ahshi mong teshihkei. Hathü nanglakthüi mang dou dükhen monghumpü nüngi nyingdaiphei.

SHAHKÜP 9:1

Oh Israel am, bangtuh! Shinnyih ammi Jordan yungdang homei am mü longpü, hatü wong kohpü jatthü vangsho kü shongshi penyü showtükpü chingnyüthü yahhen hepak ngoinyüke.

SHAHKÜP 31:8

Shembüpa, büpa nyingi am shekü daihen hatü am mü nyuhen; büpai mechemao am netuhphonghen. Hanangkü am tenyem, tehan.”

MENVIH KESHO 106:19

Jomi Horebei mohoh cheha ling, hatü lajei kü khüm.