MÜLANGPÜ 31:15 - DAÜLANGPÜ LAIHING (BSI)

¹⁵ Nyih vok ammi dou dükhen, shejao nyih nyetpabü-ü Shembüpa kü daülangshemsheyei themhen Sabbath nyih nyüke; üpai ha Sabbath thempü nyih dou dükhenshang jütükhen.

MÜLANGPÜ 31:15 Referans Kwoze

KAHBHAO 2:2

Nyih nyetpabü kü Kahvangi büpai dükpü dou peü tem, hatü dousho peü kübü büpai nyiumeiyei nyih nyetpabü kü them.

LEVI 23:3

Ammi nyih vok dou dükhen, shejao nyih nyetpabüyü nyiumeipü Sabbath nyih nyüke. Ha nyih dou nedükhen shejao khümnüng thaihen. Am melei nyuhenshang nyujao dou nedükhen; Sabbath nyih-ü Shembüpalei nyüke.

MÜLANGPÜ 16:23

büpai jom kü e, “Hapayü Shembüpai kangpü nyüke. Ngenyih-ü nyiumeiyei themhen nyih hük, Shembüpalei daülangpü Sabbath nyih nyüke. Hanangkü ammi mehe nemnohahhünya nemnohahtuh. Aopüthü kemei ngenep thahshi Mosai epükei aoei tuh.”

MÜLANGPÜ 34:21

Nyih vok thahshi ammi dou dükhen; nyih nyetpabü kü ammi han hokpü hepak vaijao, hahvet hepak vaijao dou tedük.

LUK SHAHSHA APPÜ 23:56

Hapheikü jomphong nyokei leiyei nyiohen meli hatü vong büpü meli tem. Shejao shahkung kü nyupükei jomi Sabbath themteke.

LUK SHAHSHA APPÜ 13:14

Shejao Sinagog mübüi Jisui Sabbath nyih meihüpü nangkü mongshih-ei khongkü, “Dou dükhen nyih vok nyüpeih, hathü nyih kü peiyei meihütuh, shejao Sabbath nyih nevai-i” shei nedoh-i eteke.

MÜLANGPÜ 35:2

Nyih vok ammi dou dükhen, shejao nyih nyetpabü kü am peü daülangpü Sabbath nyiumeiyei Shembüpalei men kü themhen. Üpai ha nyih dou dükhenshang jütükhen.

MÜLANGPÜ 31:17

Mehenangkü hapayü ngei hatü Israel am aa kü denshing nyangeihepü hük nyukahen; mehenangkü nyih vok kü Shembüpai vangsho hatü kahdoknyü lingteke, hatü nyih nyetpabü kü dou nedüki nyiumeiteke.’ ”

HEBREW 4:9

Halangmeyü Kahvangei nanglakthü shing sabbath thempeyü shaangao nyuhah shepeih.

EZEKIEL 46:1

Shembüpa Kahvangi hapakei enyüke: Heong philei meepü mongpa chingdung shadenü dou dükpü nyih vok mongkü küpshi tuhhen; shejao Sabbath nyih kü hatü Lenja Mo nyih kü ha apei tuhhen.

LEVI 23:32

Hapayü am shing nyiumeihen Sabbath nyih, hatü ha nyih nehahneyingi themhen. Hapa len nyih shüpabü om kübü nyihphei om dhüshi ammi Sabbath themhen.

MÜLANGPÜ 31:14

Ammi Sabbath themtuh; mehenangkü hapayü am shingvaishi daülangpü nyüke; üami ha sheihtükhenshang jütükhen; üami hapa nyih mangei dou dükhenshang, laophülei nanglak khong kübü katitükhen.

MÜLANGPÜ 16:26

Nyih vok thahshi ammi ha homhen shejao nyih nyetpabü Sabbath nyih kü ha meleiyao nechongkahen” shei Mosai eteke.

MÜLANGPÜ 23:12

Nyih vok ammei dou dükhahtuh, shejao nyih nyetpabü kü ammei mohoh hatü gadu ngü leihen, hatü am shemei bühpü aa hatü benhapa nyiumeihen shingvaishi dou nedüki nyiumeihütuh.

MÜLANGPÜ 31:16

Hanangkü Israel am peüi ngoikahen denshem peü shingvaishi nedohnetenpü shahkungnyü shei hapa Sabbath themtuh.

MÜLANGPÜ 35:3

Sabbath nyih kü ammi shemei aw dangkao tejak.

LEVI 16:29

Hapayü am shingvaishi düngeipü shahkung nyukahen: Nyetpabü len nyih anpabü kü bühü vaituh nevaijü am mü nyupü benha vaituh shüaeiyunglehen, hatü dou nedükhen.

SHAHKÜP 5:12

Shembüpa, ammei Kahvangi am kü epükei Sabbath nyih daülangi tuhtuh.