MÜLANGPÜ 30:10 - DAÜLANGPÜ LAIHING (BSI)

¹⁰ Vangbong kü chem Aaroni hapa moidü mang moila shuohpü yemhalei iy langei daühühen. Ammei hühiha den kemei hapa moila shuohpü iy yah-ei vangbong kü chem büpai hapa dükhen. Hapayü Shembüpa tou kü longi daülangpü nyuhen.

MÜLANGPÜ 30:10 Referans Kwoze

LEVI 16:18

Hapheikü büpa Shembüpa toueipü moidü touei vamei moila shuohhen. Büpai mohohbaongei iy hanei hatü yum iy hanei yah-ei moidü leipü vaung peü kü nyiohen.

HEBREW 9:25

Nevaijü büpai vangsholeiyü ngongchong hük bong ieyei laophülei nevaipü kü iy noshi Longi Daülangpü Shingei shüpükei büpa laophülei yangnyu leiyei leiyei moilahen neshü.

LEVI 23:27

Lenyang nyetpabü nyih anpabüyü mang tükpü moila shuohpü nyih nyüke. Hapa nyih shüaeiyungleyei khümnüng thaituh, hatü Shembüpa kü aw kü jakei moila shuohtuh.

HEBREW 9:7

shejao nyipabü dungeiyü ngongchongi bong kü chem mon büpa shing hatü nanglakthüi nenyingi thahpü mang shing shuohpü moilalei iy yah-ei shühamteke.

HEBREW 1:3

Büpayü Kahvang müknyinshekhang khanghüpü hatü Kahvang mekei nyu, büpa meimei anpü, hatü douthü peü büpalei ngan shah-i shümei tuhnyeih. Büpai mangthü daühüpheikü büpa vangsholei Jeiyongpalei lakdah philei uoteke;

SHAKEI VAMPÜ 9:13

Hapheikü vokpabü vangsho phongshani büpalei amit vüng, hatü Kahvang toueipü hon moidü leipü vaung ali leipü ngeü hük vamei,

MÜLANGPÜ 30:9

Ammi hapa moidü kü nedaüpü shie büpü nevaijü jakpü moila nevaijü hahying moila meheyao teshuoh, hatü hapa kü ammi yiü moila techei.

MÜLANGPÜ 30:11

Hahepak kü Shembüpai Mosa kü,

LEVI 16:2

Shembüpai Mosa kü, “Jiüpü hepak kü mon Longi Daülangpü Shing touei haenpü ashak touei peihen anjei Aaron kü eyeishuoh, mehenangkü Vangpüshuwpü Pela kübü shaküp shangkü ngei phum mü vamnyüpeih. Büpai hapa nebangjema, büpayao dihen.

LEVI 16:16

Hapa keiha büpai Israel nanglakthü nedaünelangpü hatü khüpü mang lemphüli shingvaishi Longi Daülangpü Shing daütükhen. Jom nedaünelangpü chi kü nyupü ashakshemao hapakei daütükhen.

1 ONGPATHÜ 1:50

Adonijah-i Solomon kü nyemei daiyei moidü vaungjung hük kü shoungteke.

1 SHÜPPÜKENGPÜ 6:49

Shejao Aaron hatü büpalei hühihathüi Kahvang chongphobü Mosai epükei Israel am shingvaishi Longi Daülangpü Shingei dükhen epü vanglem keiha jakpü moila shuohpü moidü hatü ayingshü moidülei moila shuohteke.

LEVI 4:7

Hapheikü ngongpai ashakshem mongei Shembüpa toueipü ayingshü jakpü moidü leipü vaung kü iy hanei nyiohen, hatü mohohlei iy aopü yah-ei büpai ashakshem shaden leipü moila jakpü moidü chongei langhen.

LEVI 4:18

Büpai ashakshem mongei Shembüpa tou kü haüpü moidü leipü vaung kü iy hanei nyiohen. Aopü iy yah-ei büpai ashakshem shaden toueipü jakpü moila jakteipü moidü chongei langhen.