MÜLANGPÜ 3:20 - DAÜLANGPÜ LAIHING (BSI)

²⁰ Hanangkü ngei ngelei lak noei ngelei yashanyale dou peü dükei Ijip am kü bheihen; hapheikü büpai am deishihhen.

MÜLANGPÜ 3:20 Referans Kwoze

PHONGSHANTHÜ DOU 7:36

Büpai Ijiplei, Hakla Yungchingei hatü jahpanei vangbong pinyi thahshi thamapü hatü nyangeihepü douthü dükei büpai jom müei lüdaipeih.

NEHEMIAH 9:10

Nüngi yashanpü nyangeihepü, thamapü douthü Pharaoh, büpalei lakchongbüthü hatü jomei nanglakthü khüei shom; mehenangkü Ijip ami meshük changmeiyei hathü kü nemei-i dükpa, ha nüngi nying. Nüngi laophü shing menmei linghah, ha shinnyih thahshi nyüke.

SHAHKÜP 6:22

Ammei müki eeshi Shembüpai Ijip am hatü Pharaoh ongpa hatü jom shem khüei yashanyale, thamapü hatü nyempühanbenüng dükshuohpü eeteke.

MÜLANGPÜ 9:15

Ngei ngelei lak noei nüng hatü nüngei nanglakthü kü lakhünglangmeyü shaang keiyü am peü kahdoknyü kübü mahdaikemtü nyuhah shepeih.

MÜLANGPÜ 6:6

Hanangkü Israel am kü, “Ngeiyü Shembüpa, hatü ngei am yanghen hatü Ijip amei aa vaipü laphen kübü bümei leihühen. Ngei jom kü shahphenpü yah-ei peihen nangkü ngelei nyempühanpü lak nohen hatü ngei am angei leihen.

MENVIH KESHO 105:27

Büpai jom mü nyangeihepü dük, Ham amei kahdokei yashanyale dükteke.

MÜLANGPÜ 12:39

Jomi Ijip leipü koei daipü aanthüngi daw neshihpü aan oukteke; mehenangkü jomü Ijip leipü ngangahük kü changei deitükpü nangkü bhaonghow yunglakhen nevaijü daw shihpü aan oukhen hepak nedang.

EZEKIEL 20:33

Hingmei ngeiyü Shembüpa, vanyangyem Kahvang, ngei mongshihpai ngelei wong kohpü laki ngelei ngan kempai ngei am shak kü vanglem lemhen shei shahvüng shuohnyeih.

ISAIAH 26:11

Oh Shembüpa, nüngei lak haongjao, jomi ha ne-eenyu. Nüngi laophülei nanglak kü nyakpükenpü jomi nyem-ee, hatü hai danghütuh. Nüngi laophülei vepathü shing yaongei tuhpü awi jom hahtükhütuh.

ISAIAH 19:22

Shembüpai Ijip am kü cham peihüei tok shuohhen; büpai jom kü tok shuohhen hatü meitükhühen. Jomi Shembüpa touei lepei leihen, hatü jomi phoppü büpai danhen hatü jom meihühen.

MENVIH KESHO 106:22

Ham amei kahdokei thamapü dou longpü dükpü, hatü Hakla Yungchingei nyembenüng dou dükpü betük.

MENVIH KESHO 105:38

Jom lüdaijü Ijip am mongong, jom kü nyempü jom kü pei.

SHAHPHENBÜTHÜ 8:16

Büpai yingnyü leipü daümnyak hüh yah-ei leiyei jomphong kü hapai bheiyei hanghihüteke.

SHAHPHENBÜTHÜ 6:8

Shembüpai Israel am kü thibü hük shomei jomphong kü, “Shembüpa, Israel amei Kahvangi hapakei enyüke: ‘Ngei amphong Ijip kahdokei aa laphen kü nyupü kübü müei leipeih;

SHAHKÜP 4:34

Shembüpa, ammei Kahvangi ammei müki eeshi Ijiplei am kü dükpü douthü kei dokei, yashanyalepü hatü thamapü douthü huei, cham peihüei, hokei, büpalei laklu wong longpai longpü hatü nyempühanpü dou dükphongtü laophü shingvaishi jat hük leipü jat hük yangei mülangpükei lebü üpa kahvangiyao hapakei dükla?

MÜLANGPÜ 11:1

Shaang Shembüpai Mosa kü, “Ngei shao cham hük mon Pharaoh hatü Ijip am kü shomhen hih; mechem büpai am leishihhenshang, büpai am kü changphahen.

MÜLANGPÜ 6:1

Hahepak kü Shembüpai Mosa kü, “Shaang ngei Pharaoh kü mehe dükshuohhen ha nüngi eehen. Ngei ngelei laklu wong longpai jom leishihtükhen; hingmei-üng ngei ngelei laklu wong longpai jom büpalei kahmük kübü deishihtükhen” shei e.

KAHBHAO 15:14

Shejao jom aa vaishi chongphopü jat kü ngei hanghi shuohhen, hatü hapheikü jom mophimo longi kotü vamei daihen.

MÜLANGPÜ 4:21

Shao Shembüpai Mosa kü, “Nüng mechem Ijiplei nyokei leihenshang, ngei nüng kü Pharaoh touei dükhen shuohpü yashanpü dou peü düktuh; shejao büpai nanglakthü neleishihhen shingvaishi ngei büpalei mong vaanhühen” shei e.

MÜLANGPÜ 13:3

Mosai nanglakthü kü, “Am Ijip leipü aa vaipü kahdok leipü vamei daipü nyih, shinnyih deih-ei dangtuh; mehenangkü Shembüpai büpalei wonghingani am müei ngailangteke. Daw shihpü aan tehah.

MÜLANGPÜ 13:9

Hapa mo homei am shingvaishi lak kü nyangeihepü hatü ammei shangba kü deihhenlehen nyangeihepü shapükei nyukahen; hapai Shembüpalei shahkungnyü ammei jubenyeijaang kü nyuhen; mehenangkü Shembüpalei wonghingani am Ijip leipü mülangpeih.

MÜLANGPÜ 15:6

Nüngei lakdah kü, Oh Shembüpa, müknyinshekhang wong nyüke; Nüngei lakdah-i, Oh Shembüpa, vepathü nihtüknyüke.

MÜLANGPÜ 15:11

“Oh Shembüpa, kahvangthü khongkü nüng keipü üpa nyüpa? Daülangshemshepü kü nüng keiha den ngoipü, müknyinshekhang kü nyemshihanshi, yashanyale dükpü üpa nyüpa?

MIKA 7:15

Am Ijip kahdok kübü vamei daipü nyih kü kei ngei jom kü yashanpü douthü huhen.