MÜLANGPÜ 3:17 - DAÜLANGPÜ LAIHING (BSI)

¹⁷ Ngei am Ijip kahdokei shangpong yakyingpü kübü amma hatü nyahjiü yenpü Kanan, Hit, Amor, Perizz, Hiv, hatü Jebus amei kahdokei mülanghen ngei temtepih.”

MÜLANGPÜ 3:17 Referans Kwoze

KAHBHAO 50:24

Hapheikü Joseph-i büpalei cheihinaüthü kü, “Ngei sheyü didaihen khih, shejao hingmei Kahvangi am kü junghen, hatü Abraham, Isak hatü Jakob kü lahpü kahdokei am müei leihen” shei e.

JOSHUA 24:11

Hapheikü am Jordan yung homei Jerikolei peipeih. Amor am, Perizz am, Kanan am, Hit am, Girgash am, Hiv am, hatü Jebus ami keiha Jeriko amiyao am mü hokpeih, shejao ngei ammei lak kü jom shuohpeih.

KAHBHAO 46:4

Ngeiyao nüng mü Ijiplei yiükahen, hatü shao ngei nüng müei anhen, hatü Josephei laki dükshi nüng müksho methühen” shei e.

KAHBHAO 50:25

Hanangkü Joseph-i Israel am kü hapakei lahhü: “Mechem Kahvangi am hapa kahdokei mülangnüng yiükahen, amphongi ngelei vangtao-ao hatoueipü koei leituh” shei e.

MÜLANGPÜ 6:6

Hanangkü Israel am kü, “Ngeiyü Shembüpa, hatü ngei am yanghen hatü Ijip amei aa vaipü laphen kübü bümei leihühen. Ngei jom kü shahphenpü yah-ei peihen nangkü ngelei nyempühanpü lak nohen hatü ngei am angei leihen.

MÜLANGPÜ 13:5

Mechem Shembüpai am Kanan, Hit, Amor, Hiv, hatü Jebus amei kahdok, amma hatü nyahjiü yenpü kahdok, mepa ammei bühipa kü shuohhen shei büpai lahpa, hapa kahdokei leishingkü ammi hapa shongpü len kü ha mo motuh.

MÜLANGPÜ 32:34

Shaang, nüng leituh, hatü ngei nüng kü epü shingei nanglakthü müei daituh, hatü ngelei vangsho phongshan am shekü shongkahen. Shejoongpa, mechem hepak ngoihenshang ngei khüei mang thahpüthü jomei mang nangkü hanghihühen” shei eteke.

MÜLANGPÜ 33:3

Amma hatü nyahjiü yenpü kahdokei daituh; shejao ngei am mü nedaikahen, hei nevaijema ngei lem jiamei am mahtükhen hih; mehenangkü amphongü mong vaanpü nanglakthü khih” shei eshuohteke.

BHEI-IE 13:27

Jomi Mosa kü, “Nüngi shompü kahdok thahshi ham aongtepih; kahdok kü kahcheü kohshi; halei amma hatü nyahjiü yennyüke. Haleipü betjükü hapa khih.

SHAHKÜP 6:3

Bangtuh, Oh Israel am, Shembüpa, ammei bühipa Kahvangi am kü lahpükei am meishi nyuhen hatü amma hatü nyahjiü mon yenpü kahdok kü am daeisheyei nyuhen shingvaishi büpai epü kenhingei bangtuh.

SHAHKÜP 26:9

Büpai ham hatou shingei leiyei amma hatü nyahjiü yenpü hapa kahdok ham kü shuohpeih;

JOSHUA 9:1

Mechem Jordan yungdang heshüphi kahshang hatü kahshangla hatü Mediterranean yungkung kahjishong kübü Lebanon apshaphi thahshi nyupü Hit, Amor, Kanan, Perizz, Hiv hatü Jebus ongthüi Israel ami vehok neüpü jung danpa,

JEREMIAH 32:22

Nüngi chebü chepa kü amma hatü nyahjiü mon yenpü kahdok shuohpeih.

LEVI 20:24

Shejao ngei am kü eshah, “Ammi hapa kahdok yahhen; ngei am kü amma hatü nyahjiü yenpü kahdok am kü mükjüp vaishi shuohhen. Ngeiyü Shembüpa, ammei Kahvang, hatü ngei lebü jatthü mü am hayaoha loukei jepeih.”

JOSHUA 5:6

Shembüpai epü nebangpü nangkü Ijip leipü vamei daishingkü veshan vaihen yienmeishem peü mangdidaikem thahshi Israel am jahpanei vangbong pinyi hükshing longtei; mehenangkü Shembüpai jomei bühipa kü amma hatü nyahjiü mon yenpü kahdok shuohhen shei lahpü ha ne-eehüpih shei lahteke.

1 SHÜPPÜKENGPÜ 1:15

Hiv, Ark, Sin,

MENVIH KESHO 102:21

Hanangkü Shembüpalei men Zionlei, hatü büpa vihpü Jerusalemei baongnyüpeih.

JEREMIAH 11:5

Shejüang ngei ambü ampa kü amma hatü nyahjiü yenpü kahdok mepa ammi shinnyih yah-ei nyüpa, ha shuohhen shei vangpü jiühühen” shei ngei etepih. Ngei jangei, “Amen, Shembüpa!” shei e.

EZEKIEL 20:6

Hapa nyih ngei jomphong kü Ijip kahdok leipü ngei jom shing yempü kahdok, amma hatü nyahjiü mon yenpü, kahdok peü shak kü müknyinshekhangpü kahdokei müei leihen lahpeih.