MÜLANGPÜ 3:1 - DAÜLANGPÜ LAIHING (BSI)

¹ Shaang, Mosai cheko Jethro, Midian am ngongpalei mi yomei nyu; büpai mithü müei yingnyü homei Kahvangei daülangpü Horeb Kahshangei aong.

MÜLANGPÜ 3:1 Referans Kwoze

1 ONGPATHÜ 19:8

Büpa paoei hahyingtü hapa hahpü wongi Kahvang Kahshang, Sinai thahshi nyih pinyi ya pinyi dai.

MÜLANGPÜ 17:6

Ngei am shekü Sinai Kahshangei yaong shangkü yaongshi chongkahen. Yaong kü bheiyeishuoh, hatü ha kübü nanglakthüi yinghen yung vamkahen” shei e. Epükei Israel am behethüi eeshi Mosai dükteke.

BHEI-IE 10:29

Mosai Midian am cheko Jethrolei cheha Hobab kü, “Shembüpai ham kü shuohhen shei lahpü shingei layaongei lüdainyüpeih. Shembüpai Israel am dahüshehühen shei lahpeih; hanangkü ham mü daishah hatü hami nüng kü lemphüli hanphahen” shei e.

MALAKI 4:4

Ngelei chongphobü Mosa-i nyuhpü venpü Israel am peüi banghen shingvaishi Sinai Kahshangei ngei büpa kü shuohpü shahkungnyüthü deih-ei dangtuh.

SHAHPHENBÜTHÜ 4:11

Shaang, Ken am Heber, lebü Ken am, Mosalei cheshongpa Hobabei hühihathü mü yanei Kedesh yopailei Zaanannim püyingei ashakshem veteke.

MÜLANGPÜ 19:11

hatü nyih jempabü kü Shembüpa ngei, nanglak peüi eeshi Sinai Kahshangei yiükahen.

LUK SHAHSHA APPÜ 2:8

Hapa kahmükei mi yombüthü yanüng nyak kü mi yomei nyu.

MENVIH KESHO 106:19

Jomi Horebei mohoh cheha ling, hatü lajei kü khüm.

SHAHKÜP 4:10

Büpai ngei kü Sinai Kahshangei, “Jom hapa kahdokei nyupü thahshi ngei kü dhüm shuohhen nyinghen hatü jomei hapeüthü kü hapa nyuhhen shingvaishi nanglakthüi ngei epü banghen thaihütuh” shei eshingkü amphong Shembüpa touei yaongpü deih-ei dangtuh.

SHAHKÜP 1:6

“Jen Sinai Kahshangei nyushi Shembüpa, jenei Kahvangi jen kü hei epeih, ‘Amphongi hapa kahshangei nyuhüpüshük nyuteke.

MÜLANGPÜ 24:13

Hanangkü Mosai büpalei sheühbü Joshua mü layaong, hatü Kahvangei kahshangei Mosa aongteke.

MÜLANGPÜ 19:3

hatü Mosa Kahvang mü pongteinüng aong. Shembüpai kahshang leipü büpa kü nyüktü, “Nüngi hapakei Jakobei hühiha Israel am kü eyeishuoh:

MÜLANGPÜ 3:5

“Nüng yopailei teheihkei. Nüngei lathuh bhühtüktuh; mehenangkü nüng yaongpü shingü daülangpü shing khih” shei Kahvangi e.

MÜLANGPÜ 2:16

Midian am ngongpalei yiükhathü jom nyet nyu. Jomi chepalei mithü kü yinghen yung shonüng yungkukei heih.

AMOS 1:1

Hapayü Judah kü Uzziah ongpa hatü Israel kü Joashlei cheha, Jeroboam ong vaipü hepak kü pedi vükhen bong nyi shekü Israel am nangkü Tekoa am miyombü Amos-i eepü manghkhang nyüke.

MÜLANGPÜ 4:27

Shembüpai Aaron kü, “Mosa mü pongteinüng jahpanei daituh” shei e. Hanangkü büpai layaongei daiyei Kahvang kahshangei pongteiyei büpa kü om kü jüpteke.

MÜLANGPÜ 2:21

Mosai hapa shennyak mü nyuhen mongteke, hatü büpai laophülei yiükha, Zipporah Mosa mü shem yemhü.

MÜLANGPÜ 2:18

Mechem jomphong chepa Reuel touei nyokei leipa, büpai jomphong kü, “Shinnyih-ü mekei hajük lomshi leiküpa?” shei phe.

PHONGSHANTHÜ DOU 7:30

Mechem vangbong pinyi lompa, Sinai Kahshang jahpanei vangsho phongshan hük büpa touei pünien kü aw bah-ei awlom mü vam.

MÜLANGPÜ 3:12

Kahvangi, “Ngei nüng mü nyukahen; hatü ngei nüng shompü denpü hapa nyukahen: Mechem nüngi ngelei nanglakthü Ijip leipü müei daihen, ammi hapa kahshangei ngei kü khümhen” shei e.

MÜLANGPÜ 4:18

Hahepak kü Mosai cheko Jethro touei leiyei büpa kü, “Ngei Ijiplei nyupü ngelei nanglakthü shaang thahshi meishi nyülashangkü nyokei leiyei veishah” shei e. Jethro-i Mosa kü, “Meishi leite” shei e.

MÜLANGPÜ 18:12

hatü Jethro-i Kahvang kü jakpü moila koei pei; hatü Aaroni Israel am behethü peü müei peiyei Kahvang khümei hapa aan hahteke.

MÜLANGPÜ 19:2

Jom Rephidim kübü daiyei Sinai yingnyülei shüteke, hatü Israel ami Sinai shangla kü baümtap ve,

MÜLANGPÜ 33:6

Hanangkü Israel ami Sinai Kahshang hompheikü jomei owhiai nyiuktük.

SHAHKÜP 1:2

(Seir Kahshang lem kü daijü Sinai Kahshang lem kübü Kadesh-Barnea ngoihen nyih anpühük yahteke.)

BHEI-IE 10:33

Hanangkü jomi Shembüpalei daülangpü Sinai Kahshang kübü layaongei nyih jem thahshi dai. Jom metouei yaongei baümtap vehen, shing yemhen shingvaishi Shembüpalei Vangpüshuwpü Pela jom shekü daiteke.

1 SAMUEL 16:11

Hanangkü büpai Jesse kü, “Nüngei hapeüthü kempü hajük mon je?” shei phe. Jesse-i, “Shao-üng naüshompa hük nyüpeih, shejao büpai mithü kü veinyüpeih” shei e. Samueli, “Büpa kü nyükeishuoh; büpa mangngoikei thahshi ne-uohen” shei e.

1 ONGPATHÜ 19:19

Hanangkü Elijah hatoueipü daiyei Shaphatei cheha Elisha pongteke. Halei mohohbaong jora anpünyi han hokei chongjateke, hatü büpayü shompü anpünyipabü mohoh mütü han hokei nyuteke. Elijah-i büpa touei heihtü büpalei ashaki büpa kü ümteke.