MÜLANGPÜ 29:41 - DAÜLANGPÜ LAIHING (BSI)

⁴¹ Hükpa mi om mü moilatuh, hatü dhom mü shuohpükei wheat aung, olive mainga, hatü yiü moila shuohtuh. Hapayü Shembüpa kü vong meipü aw kü jakei shuohpü moila nyüke.

MÜLANGPÜ 29:41 Referans Kwoze

DANIEL 9:21

ngei shelei manghkhang kü eepü Gabriel, ombaong kü moila shuohpü hepak kü ngei touei piyei shühküteke.

MENVIH KESHO 141:2

Nüng touei ngei phoppü ayingshü keiha yahtuh, hatü ngelei lak om kü shuohpü moila kei haongnyeih.

2 ONGPATHÜ 16:15

Ahaz ongpai Uriah ngongpa kü hapa ngeükhüam shuoh-ei, “Longpü moidü ja kü dhom mü hatü om mü jakei shuohpü moilathü, ongpalei jakpü moila, hatü hahying moila, hatü hapa kahdok kü nyupü nanglakthüi shuohpü jakpü moila, hahying moila hatü yiü moila kemei halei shuohtuh. Hapa moidü kü jakpü moilathülei iy hatü lebü moilalei iy kemei haituh, shejao melangnyiam moidüyü ngei phongyomteihen tuhtuh” shei e.

1 ONGPATHÜ 18:36

Moila shuohpü hepak kü Elijah thibüi moidü touei heih, hatü phopei, “Oh Shembüpa, Abraham, Isak hatü Jakob Kahvang, nüngü Israel Kahvang, hatü ngeiyü nüngei chongphobü, hatü nüngi epü nangkü hathü dükpeih shei shinnyih nyinghütuh.

1 ONGPATHÜ 18:29

Hamhah hepak peihdaijao jomi nedoh-i om kü moila shuohpü hepak thahshi teteivanei, leneiwongei phop, shejao jangpü nepei; ngeü hükao nedan.

MÜLANGPÜ 29:40

Shongpü mi mü wheat aung dok hük mü olive mainga dok hük mü nyettü moilatuh. Yiü moila dok hük ha kü shihtuh.

MÜLANGPÜ 29:42

Hapayü hüdenhalenshi hepak peü kü ashakshem shadenei hapa jakpü moila shuohtuh.

MÜLANGPÜ 12:6

Ammi hapa len nyih anpüali mangngoi thahshi hathü jungei tuhtuh, hatü Israel am nanglak peüi hapa omdhümbaong kü jütuh.

2 SHÜPPÜKENGPÜ 2:3

Solomoni Tyre am Hiramc ongpa kü hapa shahjang shomei e: “Ngelei opa David kü nüngi ongshem vehen cedar pü shompükei ngei kao cedar pü shomshih.