MÜLANGPÜ 29:40 - DAÜLANGPÜ LAIHING (BSI)

⁴⁰ Shongpü mi mü wheat aung dok hük mü olive mainga dok hük mü nyettü moilatuh. Yiü moila dok hük ha kü shihtuh.

MÜLANGPÜ 29:40 Referans Kwoze

PHILIPPI 2:17

Shejao jakpü moila hatü am hinglempü moila kü ngei yiü cheipü keiha ngei am peü mü mongongnyeih hatü mongmeinyeih,

JOEL 2:14

Üpai nyingpa, büpa mong leiyei Shembüpa, ammei Kahvang kü hahying, hatü yiü moila shuohhen am kü moihiman changshi yahphahen aokpeih.

EZEKIEL 46:14

Büpai düngei dhom mü hahying moila atta dok nyi mü hapa atta kü nyethen shingvaishi olive mainga dok hük shuohhen. Shembüpa kü shuohpü hapa moilayü den kü dükhen.

EZEKIEL 45:17

Shejao Israel jat kü jakpü moila, hahying moila, yiü moila, mohitap kü, Lenja Mo kü, Sabbath kü hatü lebü mothü kü ongpai hathü dükhen: Israel phangthülei mang tükhen shingvaishi ongpai mang moila, hahying moila, jakpü moila hatü mongjempü moila shuohhen.

ISAIAH 57:6

Kahji leipü nyülükpü yaongthü yah-ei kahvang vaishi khümnyüke, hathüyü ammei kahvangthü; Hathü kü ammi yiü moila langei, hahying moila shuohnyüke. Hathü kü ngei mongmeihen je?

LEVI 23:13

Hamü chemi ammi atta dok nyi olive mainga mü nyettü hahying moila Shembüpa kü aw kü jakpü vong meipü moila shuohtuh; hatü hamü chemi ammi yiü moila liter hük shuohtuh.

JOEL 1:13

Dhoila ashak ümtuh hatü theptuh, Oh ngongpathü; youngtuh, am moidülei chongphopüthü. Peikei, vangnyak dhoila ashak ümtü phoptuh, amphong ngelei Kahvang chongphopüthü; Mehenangkü Shembüpalei phopshem kübü hahying, hatü yiü moila shümlangteke.

JOEL 1:9

Shembüpalei phopshem leipü hahying moila, hatü yiü moila dohdaipü nangkü, Shembüpa chongphopü ngongpathüi mahng thepnyüke.

EZEKIEL 46:11

Hahyingpü nyih hatü mohitapthü peü kü mohoh hatü mi baongha ieyei mü hahying moila dok anpünyet mü bhaoei, hatü mi ieyei mü mehe shuohhü, ha shuohhen. Hahying moila ieyei mü olive mainga dok jem shuohhen.

EZEKIEL 46:7

mohoh hatü mi baongha ieyei mü hahying moila dok anpünyet mü bhaoei, hatü mi cheha ieyei mü ongpai mehe shuohhü, ha shuohhen. Hahying moila ieyei mü olive mainga dok jem shuohhen.

EZEKIEL 46:5

hatü mi baongha ieyei kü büpai hahying moila dok anpünyet mü bhaoei shuohhen, hatü mi baongha ieyei mü büpai mehe shuohhü, ha shuohhen. Hapa keipü hahying moila mü olive mainga dok jem shuohhen.

EZEKIEL 45:24

Jakpü moila shuohpü mohoh baongha hatü mi baongha ieyei shing hahying moila dok anpünyet mü bhaoei, hatü olive mainga dok jem shuohhen.

EZEKIEL 20:28

Ngei jom kü shuohhen shei lahpü kahdokei mechem ngei jom müei leipa, jomi melemei shangtao hatü phenlak ngetpü püthü eepa, hatouei jomi jakpü moila shuohhampeih; halei jomi vong meipü ngü bühüei, yiü moila shuohhampeih.

EZEKIEL 4:11

Nüngi nyih kü yungao dokei yinghen; nyih kü yungshong nyi hepak itei yinghen.

SHAHKÜP 32:38

Ammi hathü kü ammei moila kübü cheü ühhamteke, hatü yinghen yiü shuohteke. Hathü peiyei nyemsheühpha, hathüi am loishing nyemyahpha.

BHEI-IE 29:16

Am shingvaishi mang tükhen mang moila shuohhen yum chebaong hük nyihjeih shuohpü jakpü moila, hahying moila, hatü yiü moila shuohtuh.

BHEI-IE 28:24

Hapa keiha nyihjeih nyih nyet mongkü Shembüpa kü aw kü jakei vong meipü hahying moila shuohhen temtuh. Hapayü nyihjeih shuohpü jakpü moila hatü yiü moila mü üei moilatuh.

BHEI-IE 28:10

Hapayü nyihjeih shuohpü jakpü moila hatü yiü moila mü üei Sabbath ieyei hapa jakpü moila shuohhen.

BHEI-IE 28:5

hatü ha mü chemi hahying moila atta dok hük, olive mainga mü nyettü shuohtuh.

BHEI-IE 15:24

hatü hapayü khongi nenyingi shaitükpü vaijema, jomi Shembüpa kü vong meipü jakpü moila mohohbaong hük mü nyingnyoi kü kei hahying moila hatü yiü moila hatü mang moila shuohhen yum chebaong hük shuohhen vongbong.

BHEI-IE 15:7

hatü ha mü chemi yiü dok hük mü bhaoei shei omshi shuohhen. Hayü Shembüpa kü vong meipü bühen shingvaishi moilatuh.”

MÜLANGPÜ 30:24

vong büpü cassia meli dok vok phopshemei dokteipü dok aimü, hatü olive mainga dok hük yahtuh.

MÜLANGPÜ 16:36

Omer hükü ephah hük kü phaihan an kü hük nyüke.

KAHBHAO 35:14

Kahvangi shah eshuohpü shing kü Jakobi yaong shemnyü hük haong, hatü büpai hapa kü yiü moila shuoh hatü mainga langteke.

MÜLANGPÜ 29:39

Mi hük dhom mü moilahen, hatü mi hük om kü moilahen.

MÜLANGPÜ 29:41

Hükpa mi om mü moilatuh, hatü dhom mü shuohpükei wheat aung, olive mainga, hatü yiü moila shuohtuh. Hapayü Shembüpa kü vong meipü aw kü jakei shuohpü moila nyüke.

2 ONGPATHÜ 3:20

Nepphei, nepnüng moila shuohpü hepak kü ngangahük kü Edom phi leipü yung yenei sha, hatü kahdok kü yungi mateke.

HOSEA 9:4

Jomi Shembüpa kü yiü moila neshuohhen, nevaijü moila koei nepeiaokhen. Hakeipü moilayü jom shingvaishi mangh kü jeetükpü hahying kei nyuhen; Hapa hahpüthü peü nedaü-i leihen. Hapa hahyingü jom shingvaishi mon chongkahen, hapa Shembüpalei phopshemei noei nepeikahen.

LEVI 6:13

Moidülei aw düngei nemettüki bah-ei anghen vongbong.

BHEI-IE 4:16

Aaron ngongpalei cheha Eleazari aw jakhen mainga, ayingshü, hahying moila hatü nyiohen mainga kü veihen. Ashakshem kempü kü hatü haleipü douhinangthü lemphü kü büpai veihen.