MÜLANGPÜ 29:33 - DAÜLANGPÜ LAIHING (BSI)

³³ Jomei mang tükhen hatü jom daühüpü hahying jom moni hahhen, shejao lebü üpaiyao ha nehahhen; mehenangkü hapayü daülangpü nyüke.

MÜLANGPÜ 29:33 Referans Kwoze

BHEI-IE 18:4

Jomi nüng mü sheühteiyei ashakshem leipü dou peü jungeilangei dükhen, shejao lebü shennyak üpaiyao nüng yopailei neheihhen.

1 KORINT 11:26

Mehenangkü ammi meshükpa hapa aan hah, hatü hapa yungshong ying, büpa mangyiü thahshi ammi Shembüpa dipü baongnyüke.

1 KORINT 11:24

hatü büpai menvih shuohtü büpai ha bhaokei e, “Hapayü am shingvaishi mangpü ngelei büm; ngei deih-ei dangei ha hahtuh.”

MENVIH KESHO 22:26

Taopathüi hahhen hatü shümoh meihen, Shembüpa yempüthüi büpa vihhen. Jom düngei moihimanpü leihütuh!

BHEI-IE 18:7

Shejao nüng hatü anhapeüthüi mon ngongpa kei moidü hatü Longi Daülangpü Shingei chongphohen. Ngei nüng kü thintho hük vaishi hapa ngongdou shuohpeih. Üpai daülangpü douhinang yopailei heihhenshang dihen” shei eteke.

BHEI-IE 16:40

Aaron kü phaakpü hühihathü nevaipheikü üpaiyao moidü touei Shembüpa kü ayingshü jakhen nepeihen Israel kü shahvüng shuohpü hük nyuteke. Hei nevaijema Korah hatü büpalei shennyakthü kei dihen. Hathü kemei Shembüpai Mosa homei Eleazar kü epükei dükteke.

BHEI-IE 16:5

hatü büpai Korah hatü büpa phei müpüthü kü, “Ngenep Shembüpai üpa üpa büpalei, üpa üpa daülangpa ha huphahen, hatü üpa shennyak büpai jenya, büpa yopailei peihahkahen.

BHEI-IE 3:38

Mosa, Aaron hatü chehathüi ashakshem shemshe heongphi kü baümtap vehen eteke. Jomei dousho-ü Israel nanglakthü shingvaishi daülangpü shingei chongphohen nyuteke. Lebü üpai hapa yopailei heihhenshang jütükteke.

BHEI-IE 3:10

Aaron hatü yeshangthüi ngongpathü vaihen jetuh; lebü üpai hapa daülangpü shing yopailei heihhenshang dihühen” shei eshuohteke.

BHEI-IE 1:51

Mechem ashakshem shing chaiyei daihenshang, Levi ami ha koei daihen, hatü metou shingei ha yaonghen, Levi ami ha yaonghühen. Üpai hapa yopailei heihhenshang jütükhen.

MÜLANGPÜ 29:32

Ashakshem shadenei Aaron hatü chehathü hapa mi phai hatü mühdow leipü hapa aan hahhen shuohtuh.

LEVI 1:4

Büpai jakei shuohhen yemhalei shangjing kü büpalei laki dükhütuh, hatü hapayü büpalei mang tükhen shingvaishi hapa jakpü moila yahhen.

LEVI 10:12

Mosai Aaron hatü büpalei cheha, Eleazar hatü Ithamar, aopü hapeü nyi kü, “Shembüpa kü aw kü jakei moilapü hahying moila kübü aopü hahying yahtuh, hatü hapa daw neshih-i aan lingtü moidü touei hahtuh; mehenangkü hayü longi daülangpü nyüke.