MÜLANGPÜ 29:27 - DAÜLANGPÜ LAIHING (BSI)

²⁷ Aaron hatü chehathü daühen shingvaishi jüpü milei amma hatü shüng nüngi daühütuh hatü ha Aaron hatü chehathü shing tuhtuh.

MÜLANGPÜ 29:27 Referans Kwoze

BHEI-IE 18:11

Ha mü chemi, Israel ami hayaoha moila ngei kü shuohjema, hayao ammei vaihen. Den shingvaishi hayü ngei nüng kü, nüngei yeshangthü hatü yiükhathü üpa üpai hapa hah-aokhen mü daülangi nyu, hathüi hahhen shuohpeih.

LEVI 10:15

Jomi Shembüpa kü cheü yah-ei jakpü moila shuohshingkü bhaghishüng hatü amma yah-ei peikahen. Shembüpai epükei hapayü nüng hatü anhathü shing den kübü hean vaikahen.

SHAHKÜP 18:3

Nanglak üami mohoh nevaijü mi moila shuohhenshang, haleipü bhagchong, shaapdok shaapmai hatü thenleimongphang kemei ngongpalei hean vaihen.

HEBREW 7:28

Mehenangkü shahkungnyüi wong nekohpüthü ngongchongthü vaihen jepeih, shejao lahteipü shah mepa shahkungnyü pheikü peipa, hapai den kü changpüshapü Ha hük jepeih.

BHEI-IE 6:20

Hapheikü ngongpai hathü Shembüpa kü hayaoha thintho kei shuohhen, milei khaapa hatü shüüng ngongpalei hean nyüke, hatü ha mü chemi hathüyü daülangpü moila hean ngongpathü shing nyüke.

LEVI 9:21

Mosai epükei Aaroni amma hatü shüngdahphi yah-ei ngongpathü shing Shembüpa kü hayaoha thintho shuoh.

LEVI 7:37

Hathüyü jakpü moila, hahying moila, mang moila, pungpü moila, hayaoha jepü moila hatü mongjempü moila;

MÜLANGPÜ 29:26

Hapa milei amma yahtuh hatü Shembüpa kü hayaoha moila kei daühütuh, hatü hapa phaihanü nüngei vaihen.

MÜLANGPÜ 29:28

Hapayü Aaron hatü chehathü shingvaishi düngei Israel ammei phaihan nyukahen. Hapayü Israel ammi Shembüpa kü jomei mongjempü moila kübü shuohpü nyukahen.

LEVI 7:30

Büpai laophülei laki-üng Shembüpa kü aw kü jakpü moila koei peihen; büpai hapa yemhalei cheü mü amma koei peiyei Shembüpa kü hayaoha thintho kei shuohtuh.

1 SAMUEL 9:24

Hanangkü bhaong howbüi hayaoha tuhpü shüng yah-ei anei Saul touei haü. Samueli, “Hapayü nüng shing tuhpeih, hahtuh; mehenangkü hapayü ngei nyükpü yenthü mü shaang hahhen shingvaishi nüng shing jaoei tuhpeih” shei e. Hanangkü ha nyih Saul-i Samuel mü hahying.