MÜLANGPÜ 29:18 - DAÜLANGPÜ LAIHING (BSI)

¹⁸ Mi büm kemei moidü shangei jakei moila shuohtuh; hapayü Shembüpa kü jakpü moila nyüke; hapayü Shembüpa kü vong meipü aw kü jakpü moila shuohpü nyüke.

MÜLANGPÜ 29:18 Referans Kwoze

KAHBHAO 8:21

Hapa vong meipü jakpü moila Shembüpa kü büjapü kü büpai büpalei mongei, “Sheyü shinnyih pheikü shennyak hük hashih mebü mongdang kü ten mon deihjao, shennyak tata kü ngei kahdok kü nethaüvaüpih; nevaijü ngei shelei mahtükpükei sheyü yemhimakthü nemahtükpih.

PHILIPPI 4:18

Ngei kü changshi yahphütih, hatü changtü aoei nyüpeih; ngei kü changshi shuohteke, hatü ammi shompü thintho Epaphroditus leipü dangtepih. Hathüyü vong meipü moila Kahvang mongongbenüng jakpü moila khih.

EPHESIA 5:2

hatü Khristai jen kü bampü keiha, hatü Kahvang kü vong meipü jakpü büpa laophü nyingi jen shing shuohpü keiha ammi bampü yangnyu nyutuh.

MARK 12:33

hatü mongdang kempai, danaokpü kempai, hatü wong kempai büpa kü bamhen, hatü laophülei chingyowpa kü laophü kü kei bamhenü moila hatü jakpü moilathü mao nyeinya shongnyü hih” shei e.

JEREMIAH 6:20

Sheba leipü leipü ayingshü ngei shingvaishi mehe nadang, nevaijü tailu kahdok leipüyaangü mehe vaihen? Nüngei jakpü moila yahbenüng nevai, nevaijü nüngei moilathüyü ngei mongongbenüng nevai.

ISAIAH 1:11

Ammi moila hajükjük shuohpai shei ngei mehe vaihen? Moila shuohbenüng mithü, hatü het changshi üh-ei haümpü yemthü changtü nyeishi nyüpeih. Ngei mohoh chebaongei iy, mi iy, nevaijü yum iy kü mongneongnyih.

MENVIH KESHO 50:8

Ammei jakpü moila nangkü ngei am kü lohnyu nevai; ammei jakpü moila ngei touei nedoh-i nyüke.

1 ONGPATHÜ 18:38

Hahepak kü SHEMBÜPAleipü aw yiüei hapa moila, pü, yaong hatü kahdokao omei hah, hatü kahsha leipü yung dangkao laiyeilungei hahtük.

1 ONGPATHÜ 3:4

Ongpai Gibeonei moila shuohnüng dai; mehenangkü hapa shingei longi shongnyü moidü nyuteke. Solomoni moidülei haja longi moila shuoh.

1 SAMUEL 7:9

Hahepak kü Samueli amma aokshem mebü miha hük yah-ei Shembüpa kü dhaomü jakpü moila shuoh. Samueli Israel am shing lenei phop, hatü Shembüpai büpai phoppü kü jang.

LEVI 9:24

Shembüpa nyushing leipü aw vamei jakpü moila hatü moidü leipü cheü hahtük. Mechem nanglakthüi hapa eepa, jom peü mongongpai len, hatü dhe dhaongei shateke.

LEVI 1:17

Büpai hapa yang kü düktü yang nephentüki büm kü shaakhen, hatü hapa dhaomü moidülei jakhen. Hapayü Shembüpa kü vong meipü aw kü jakpü moila nyüke.

MÜLANGPÜ 29:25

Hatü nüngi jomei lak leipü hapa yah-ei Shembüpa touei vong meipü vamhühen shingvaishi jakpü moila mü moidü shangei haütü jaktuh; hapayü Shembüpa kü vong meipü aw kü jakpü moila nyüke.

KAHBHAO 22:13

Abrahami yaakei veishuohjü mi baongha hük phenha kü vaungi mantü ee. Abrahami heih-ei hapa mi yah-ei cheha nangjei jakpü moila shuoh.

KAHBHAO 22:7

Isaki chepa Abraham kü, “Opa” shei nyük. Büpai, “Oi, ngelei hapeü” shei jang. Isaki, “Aw hatü pü nyüke, shejao jakpü moila shuohhen mi melei nyüpa?” shei phe.

KAHBHAO 22:2

Büpai, “Nüngei halom Isak nüngi bampü ha müei Moriah kahdokei daituh, hatü ngei nüng kü huphahen kahshang hükei büpa jüei jakpü moila shuohtuh” shei e.

MÜLANGPÜ 29:17

Hatü nüngi miyü khih mü nih-ei dehtuh, hatü thenleimongphang hatü la peü paütüktuh, hatü hathü shangjing mü lebü heanlemao haütuh.

LEVI 1:9

shejao hapalei thenleimongphang hatü la shei yungi paütükhen, hatü ngongpai hathü kemei moidü shangei jakhen. Hapayü Shembüpa kü vong meipü aw kü jakpü moila nyüke.

LEVI 4:31

Büpai mongjempü moila kübü cheü nyiukpükei haleipü cheü kemei nyiukhen, hatü ngongpai hapa moidü shangei Shembüpa kü vong meipü moila jakhen. Hapakei ngongpai büpa shingvaishi mang moila shuohhen, hatü büpalei mang tükhen.

LEVI 8:21

Büpai thenleimongphang, hatü la yungi paü, hatü mi büm kemei Shembüpa kü moidülei vong meipü jakpü moila aw kü jakei Shembüpai Mosa kü epükei shuohteke.

KAHBHAO 8:20

Hapheikü Noah-i Shembüpa kü moidü hük ling, hatü daülangpü yemhimak hatü ou hanei yah-ei halei jakpü moila shuoh.