MÜLANGPÜ 29:14 - DAÜLANGPÜ LAIHING (BSI)

¹⁴ Shejao nüngi mohoh phai, leihilang, shuw yah-ei baümtap haoei daiyei jaktuh; hapayü mang moila nyüke.

MÜLANGPÜ 29:14 Referans Kwoze

LEVI 4:21

hatü büpai mohoh-ü baümtap haolei yah-ei daiyei shongpü mohoh jakpükei jakhen. Hapayü khong shingvaishi mang moila nyüke.

EZRA 8:35

Hahepak kü wüpküp leipü leipüthüi Israel Kahvang kü Israel am peü shingvaishi jakpü moila mohohbaong anpünyi, mi chebaongha büalipüanpüvok, mi cheha pejempüanpünyet, hatü mang moila yum chebaong anpünyi; hathü kemei Shembüpa kü jakpü moila shuohteke.

2 SHÜPPÜKENGPÜ 29:24

hatü ngongpathüi hathü yum jütü Israel am kempülei mang tükhen shingvaishi moidülei ha iy shuoh; mehenangkü ongpai Israel am peü shingvaishi jakpü moila hatü mang moila shuohhen ngeükhüam shuoh.

MÜLANGPÜ 30:10

Vangbong kü chem Aaroni hapa moidü mang moila shuohpü yemhalei iy langei daühühen. Ammei hühiha den kemei hapa moila shuohpü iy yah-ei vangbong kü chem büpai hapa dükhen. Hapayü Shembüpa tou kü longi daülangpü nyuhen.

BHEI-IE 7:16

mang moila shuohhen yum hük;

LEVI 16:27

Mang moila shuohpü mohoh hatü yum iy mepa moilahen shingvaishi Longi Daülangpü Shingei yah-ei shüpa, hapalei shuw, phai, hatü thenleimongphang kemei baümtap haolei yah-ei deiyei jakhen.

LEVI 16:11

Aaroni mohohbaongü büpa hatü büpalei shem am shingvaishi mang moila shuohhen,

LEVI 16:3

Büpai mang moila shuohhen mohoh chebaongha hük, hatü jakpü moila shuohhen mi cheha hük yah-ei Longi Daülangpü Shingei shüaokhen” shei eteke.

LEVI 9:2

Büpai Aaron kü, “Nüngei mang moila shuohhen mohoh chebaongha hük hatü jakpü moila shuohhen mi chebaongha hük kawhikang neshiüpü yahtuh, hatü Shembüpa kü hathü shuohtuh.

LEVI 8:17

Shejao hapa mohohbaong, hapalei shuw, phai hatü het peü Shembüpai Mosa kü epükei baümtap haolei yah-ei daiyei jakteke.

LEVI 6:25

“Aaron hatü chehathü kü etuh: Hathüyü mang moila nangkü shahkungnyü nyüke. Mang moilayü Shembüpa touei metou shingkü jakpü moila jünya, hatouei jühen vongbong; hapayü longi daülangpü nyüke.

LEVI 5:8

Büpai hathü kemei ngongpa touei yah-ei peihen; büpai shongei hük yah-ei mang moila shuohhen. Büpai hapalei üng kü vethen shejao chemjalak kü nephentükhen,

LEVI 5:6

hatü büpalei mang nangkü manglat mi nevaijü yum chebi yah-ei Shembüpa kü mang moila shuohhen vongbong. Büpalei mang shingvaishi ngongpai jakpü moila shuohhen.

LEVI 4:32

Büpai laophülei mang moila mi cheha yah-ei peijema, hayü kawhikang neshiüpü mi chebiha vaihen vongbong.

LEVI 4:29

Büpai hapa mang moila shuohpü yum shangjing kü büpalei laki dükhen, hatü hapa jakpü moila shuohpü shingei jühen.

LEVI 4:25

Ngongpai büpalei lakjaangi mang moila kübü iy hanei yah-ei jakpü moila shuohpü moidü leipü vaung kü nyiohen, hatü aopü iy kemei moidü chongei langhen.

LEVI 4:3

Thiteiphuei jepü ngongchongi mang thahjema, hatü hapai nanglakthü kü mang koei peijema, büpai thahpü mang shingvaishi Shembüpa kü meheyao kawhikang neshiüpü mohoh baongha yah-ei mang moila shuohtuh.

BHEI-IE 19:5

Büpai veishi hapa mohoh chehayü jakhen; hapalei shuw, phai, iy hatü thenleimongphang kemei yah-ei jakhen.

EZEKIEL 43:21

Nüngi hapa mang moila shuohhen mohohbaong yah-ei daülangpü moidoi haolei phopshemei mepa shing jeyei nyu, hatouei deiyei ha jütuh.”

MALAKI 2:3

Ngei ammei dhe kü ammi moilapü yemhimakei nühinami nyiohen, hatü am hapa nühinam shingei yah-ei daihen.