MÜLANGPÜ 28:41 - DAÜLANGPÜ LAIHING (BSI)

⁴¹ Hathü owhiai anjei Aaron hatü chehathü kü oweishuoh, hatü jomi ngei kü ngongpathü vaishi chongphohen shingvaishi lanei shuoh-ei mainga-i nyioei daühütuh.

MÜLANGPÜ 28:41 Referans Kwoze

MÜLANGPÜ 29:7

Nüngi nyiohen mainga yahtuh, hatü ha büpalei shangjing kü langei thiteiphutuh.

LEVI 10:7

Am ashakshem shaden peih-ei chingshelei nedaihen, hei nevaijema amao dihen; mehenangkü Shembüpalei mainga phupü am kü nyüke” shei e, hatü Mosai ngeükhüam shuohpükei jomi dükteke.

MÜLANGPÜ 40:15

hatü nüngi chepa kü nyiopükei jomiyao ngei kü ngongpathü kei chongphoaokhen shingvaishi mainga nyioeishuoh. Hapa mainga nyiopai jomphongü ngoikahen hepak peü shingvaishi ngongpathü leihühen” shei eteke.

MÜLANGPÜ 29:9

hatü jom kü shüngshep shepeishuoh, hatü jomei shangjing kü athen theneishuoh. Hapa keiha nüngi Aaron hatü chehathü thiteiphuhen. Jom hatü jomei hühihathü thahshi denden kü jomi ngei kü ngongdou dükei chongphohen.

HEBREW 7:28

Mehenangkü shahkungnyüi wong nekohpüthü ngongchongthü vaihen jepeih, shejao lahteipü shah mepa shahkungnyü pheikü peipa, hapai den kü changpüshapü Ha hük jepeih.

1 JOHAN 2:27

Am nang keyü ammi büpa leipü thiteiphupü dangpü ha am kü nyüke, hanangkü am kü nyuhhen üpayao nadang neshiü. Shejao büpai thiteiphupai dou peü am kü nyuhnyüke, hatü hayü shahhing, shahshem nevai, hatü am kü nyuhpükei shahhing nyüke; ammi büpa kü nyutuh.

1 JOHAN 2:20

Shejao amphongü Laangha Daülangpai thiteiphuteke, hatü am peüi shahhing nyingei nyüke.

HEBREW 5:4

Üpaiyao hapa dhüm laophü nyingi jeyei neyahnyih; shejao büpayü Aaron kü nyükpü keiha Kahvangi nyükpü mon vaihen vongbong.

JOHAN 3:34

Büpa üpa Kahvangi shom, büpai Kahvangei shah enyüke, mehenangkü büpai Laangha maei shuoh.

EZEKIEL 43:26

Nyih nyet thahshi moidü leipü mang daühen shingvaishi moila shuohhen, hatü ha daüdaihen.

ISAIAH 61:1

Shembüpa Kahvangei laangha ngei kü nyüpeih, mehenangkü Shembüpai ngei jepeih; Büpai ngei tokvaihanghipüthü touei shahjangmei kohen, mongdang mangdaipüthü meihühen, Wüpküpei nyupüthü kü bümei baonghen, hatü khoklatei nyupüthü laihühen;

ISAIAH 10:27

Hapa nyih ammei bhagchong leipü büpalei hanggovih bhühlanghen, hatü ammei bhagchong leipü büpalei kenh mangtükhen” shei enyüke.

BHEI-IE 3:3

Hathüyü Aaronei yeshangthülei men nyüke hatü jomphongü ngongpa dousho kü ngongpathü kei chongphohen shingvaishi thiteiphuei jeteke.

MÜLANGPÜ 29:35

Ngei nüng kü epükei nyih nyet kü Aaron hatü chehathü daüei temtuh.

MÜLANGPÜ 29:24

hatü nüngi hathü kemei yah-ei Aaron hatü chehathülei lakbha kü haüeishuoh, hatü jomi Shembüpa touei hayaoha moila kei shuohhütuh.

MÜLANGPÜ 28:4

Jomi linghen owhiai hathü nyüke: Jaküpnyiam, lalu bhagthuh hük, doknyü bhagthuh hük, hiupü bhagthuh hük, shangshak hük hatü shüngshep hük shei lingtuh. Anjei Aaron hatü chehathüi ngei kü ngongdou dükhen shingvaishi jomi hathü ow linghen,

MÜLANGPÜ 28:1

Israel am khong kübü ngei shing ngongdou dükhen shingvaishi anjei Aaron hatü chehathü Nadab, Abihu, Eleazar, hatü Ithamar hathü nyükei nüng touei peihütuh.

MÜLANGPÜ 40:13

hatü Aaron kü daülangpü ow owhütuh, hatü büpai ngei kü ngongpa kei chongphoaokhen shingvaishi büpa kü mainga nyioei daühütuh.

LEVI 16:24

Büpai daülangpü shingei hangha lakhen, hatü büpai düngei owteipü ow owhen, hatü büpa vamei büpa hatü nanglakthülei mang tükhen shingvaishi jakpü moila shuohhen.

MÜLANGPÜ 30:35

hatü vong büpü meli lingbüi lingpükei vong meipü meli lingtuh. Daüdaihen hatü daülangi leihen shingvaishi hüm shihtuh.

BHEI-IE 16:5

hatü büpai Korah hatü büpa phei müpüthü kü, “Ngenep Shembüpai üpa üpa büpalei, üpa üpa daülangpa ha huphahen, hatü üpa shennyak büpai jenya, büpa yopailei peihahkahen.