MÜLANGPÜ 28:29 - DAÜLANGPÜ LAIHING (BSI)

²⁹ Mechem Aaroni Daülangpü Shingei shühen, ngei, Shembüpai düngei ngelei nanglakthü deihhen shingvaishi büpai hapa jaküpnyiam kü Israel am phang men nyangpü owhen.

MÜLANGPÜ 28:29 Referans Kwoze

MÜLANGPÜ 28:12

Israel phang anpünyi lappü huei hapa yaong nyi yah-ei doknyü bhagthuh kü shihtuh, hatü deih-ei danghen shingvaishi Shembüpa touei Aaroni jomei menthü büpalei bhagchongei shahen.

MÜLANGPÜ 28:30

Jaküpnyiam kü Urim hatü Thummim shihtuh; hapa keiha mechem Aaroni ngelei Daülangpü Shingei shühenshang, büpai ha yah-ei shühen. Hapakei shejüang büpai Shembüpa tou kü Israel nanglakthü shing shahphen shuoh-aokhen.

ROM SHAHSHA APPÜ 10:1

Jeihinaü hatü nyahinaüthü, ngelei mongi lümpü, hatü ngei jom shingvaishi Kahvang kü phoppeyü jom yemleihen shingvaishi phopnyüpeih.

JEREMIAH 30:21

Jomei mübü jom khong kübü nyuhen, jomei vanglem lembü jom kübü vamhen. Ngei büpa yopailei heihhen, hatü büpa ngei ngoiyei heihhen, ngei nenyükpü kü ngei touei üpa heihaokhen? shei Shembüpai enyüke.

SOLOMONEI KESHO 8:6

Nüngei mongei ngeiyü füoshang shingpükei, nüngei bhagchong kü füoshang shingpükei tuhtuh; Mehenangkü bampeyü dipükei wong kohshi, mükhüh mongyungao mahngchong keiha phahji neshiü. Hapayü bahpü aw keiha, wong kohpü awlom kei hahtüknyüke.

MÜLANGPÜ 28:15

Shahphenhen shingvaishi am jaküpnyiam lahhinei lingtuh; doknyü bhagthuh kei hon, thüngla, manghshempü hatü iyshüm kei hakpü ashak hatü nyiükei lingpü nyemin ashaki lingtuh.

MÜLANGPÜ 28:28

Vü thüngla yah-ei jaküpnyiam leipü bakshangi doknyü bhagthuh leipü bakshang nyi shenteituh; hapai jaküpnyiam shüngshep shangkü nyuhen hatü hapa nedhaodaihen.