MÜLANGPÜ 28:12 - DAÜLANGPÜ LAIHING (BSI)

¹² Israel phang anpünyi lappü huei hapa yaong nyi yah-ei doknyü bhagthuh kü shihtuh, hatü deih-ei danghen shingvaishi Shembüpa touei Aaroni jomei menthü büpalei bhagchongei shahen.

MÜLANGPÜ 28:12 Referans Kwoze

MÜLANGPÜ 28:29

Mechem Aaroni Daülangpü Shingei shühen, ngei, Shembüpai düngei ngelei nanglakthü deihhen shingvaishi büpai hapa jaküpnyiam kü Israel am phang men nyangpü owhen.

JOSHUA 4:7

ammi jom kü, ‘Shembüpalei Vangpüshuwpü Pela yungdang homshingkü Jordan yung nesha-i yaongdaipeih’ shei eyeishuoh. Ha yaongthüyü Israel am kü denden deih-ei danghen shingvaishi nyukahen” shei eteke.

BHEI-IE 31:54

Hanangkü Mosa hi Eleazar ngongpa nyi-i veshan mübüthü leipü hon owhiai kemei yah-ei Shembüpa tou kü Israel ami deih-ei danghen shingvaishi ashakshemei leiteke.

BHEI-IE 16:40

Aaron kü phaakpü hühihathü nevaipheikü üpaiyao moidü touei Shembüpa kü ayingshü jakhen nepeihen Israel kü shahvüng shuohpü hük nyuteke. Hei nevaijema Korah hatü büpalei shennyakthü kei dihen. Hathü kemei Shembüpai Mosa homei Eleazar kü epükei dükteke.

LEVI 24:7

Shembüpa kü jakpü moila aan nyangeihepü vaihen shingvaishi lüng ieyei kü ayingshü shihtuh.

PHONGSHANTHÜ DOU 10:4

Büpai büpa kü nyemei veitü, “Shembüpa, meheang?” shei e. Büpai, “Nüngi phoppü hatü nüngi mih kü sheühpü nebehen mü Kahvang ngoiteke.

LUK SHAHSHA APPÜ 1:72

Hapakei hamei bühipa kü büpai lahpü phahji huteke, hatü büpalei daülangpü vangpüshuwpü deih-ei dangteke.

LUK SHAHSHA APPÜ 1:54

Büpai laophülei phahji deih-ei dangtü laophülei chongphobü Israel am kü sheüh;

ISAIAH 62:6

Ammei bham kü, Oh Jerusalem, ngei yombü tuh-ei nyüpeih; Nyihnüng yanüng kemei jom nenmü nenyukahen. Am üami Shembüpa kü nyüknya, nyiumeiyei tenyu.

ISAIAH 12:2

Hingmei Kahvangü ngei yemleipü; ngei büpa kü hinglemhen, ngei nenyempih; mehenangkü Shembüpa Kahvangü ngelei wong hatü ngelei kesho; büpayü ngei yemleibü.”

ISAIAH 9:6

Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.

MENVIH KESHO 89:19

Chem nüngi manghkhang kü eteke, nüngei hinglempü nanglak kü eteke: “Shongnyü veshan hük kü ngei sheühtepih; nanglak khong kübü jepü nethe hük kü ngei ong uoshing shuohtepih.

MÜLANGPÜ 28:7

Ha chemi khaai-aokhen shangmü dohpü jung nyi kü hapei bhagthuh dhaong nyi nyuhen vongbong.

MÜLANGPÜ 13:9

Hapa mo homei am shingvaishi lak kü nyangeihepü hatü ammei shangba kü deihhenlehen nyangeihepü shapükei nyukahen; hapai Shembüpalei shahkungnyü ammei jubenyeijaang kü nyuhen; mehenangkü Shembüpalei wonghingani am Ijip leipü mülangpeih.

MÜLANGPÜ 12:14

Hapa nyih-ü am shingvaishi deih-ei dangpü nyih vaihen. Ammi hapayü Shembüpalei Mo shei hüdenhalenshi moteituh.

1 KORINT 11:24

hatü büpai menvih shuohtü büpai ha bhaokei e, “Hapayü am shingvaishi mangpü ngelei büm; ngei deih-ei dangei ha hahtuh.”

MÜLANGPÜ 28:11

Lahhinei hapa douvang yaong kukei Jakobei chehathülei men nyangaokhen shennyak yemtuh, hatü hapayü hon vaüptü haongtuh.

SHAHKÜP 33:12

Benjamin am nang büpai hapakei eteke: “Shembüpai bampü jat nyiushemmei kü hüshemei nyutuh, Büpai helu shoei jom yomnyüpeih, hatü Shembüpai bampüba büpalei lakmongei yangei tuhtuh.”

JOB SHAHSHA APPÜ 31:36

Hingmei ngei hapayü ngelei bhagchongei paihen, hatü hon athen keiha ngei ha thenhah shepeih.