MÜLANGPÜ 27:21 - DAÜLANGPÜ LAIHING (BSI)

²¹ Ashakshemei Aaron hatü chehathüi Vangpüshuwpü Pela touei haenpü ashak haolei om kübü dhom thahshi aw jakei tuhhen. Hapayü Israel ami hüdenhalenshi noteihen ngeükhüam nyüke.

MÜLANGPÜ 27:21 Referans Kwoze

BHEI-IE 19:21

Hüdenhalenshi ammi hapa shahkungnyü noteihen. Üpa shennyaki daühüpü yungi haishuohnya, büpaiyao laophülei ashakviha dhotükhen vongbong, hatü üpai daühüpü yung kü honghenshang om dhüshi nedaüi leihen.

BHEI-IE 18:23

Shaang mebü Levi ami mon ashakshem kü jungeilangei chongphohen hatü hapakei dousho kemei jomi kohen. Hapayü hüdenhalenshi dükhen shahkungnyü nyüke. Levi ami lebü Israel am kei mükjüp neyahhen.

2 SHÜPPÜKENGPÜ 13:11

Nepjeih yajeih jomi Shembüpa kü jakpü moila hatü ayingshü jaknyeih. Jomi daütükpü nükdü kü aan haüei tuhnyeih, hatü yajeih hon awdük kü aw jakei tuhnyeih. Hami Shembüpa, hamei Kahvangi mongpü düknyeih. Shejao nüngi büpa yakphongteke.

1 SAMUEL 3:3

Samuel payü Shembüpalei phopshemei Kahvangei Vangpüshuwpü Pela tuhpü touei awdük meishi nemettüki shishi nyu.

LEVI 16:34

Hapayü am shingvaishi düngeipü shahkung nyüke: Israel amei mang lemphü shingvaishi vangbong kü chem hapa mang tükhen moila shuohhen. Shembüpai büpa kü epükei Mosai dükteke.

LEVI 3:17

Am nyushing peülei hapayü hüdenhalenshi nedohneteni nohen shahkungnyü nyüke. Ammi cheü nevaijü iy meheyao nehahhen.

MÜLANGPÜ 30:8

Om kü mechem Aaroni awdük jakhenshang, büpai düngei Shembüpa tou kü hüdenhalenshi nyuhen shingvaishi ayingshü jakhen.

2 PETER 1:19

Hanangkü jen mü thihivamei shahthü longi lekei nyüpeih. Ammi ha kü meishi mong shuoh-ei dükaokhen; mehenangkü hapayü vangngai vamei nepnüng litha ammei mong kü mangkhang thahshi shangmang shing kü awdük nyapükei nyüke.

JOHAN 5:35

Büpayü bahpü hatü nyapü awdük nyuteke, hatü amphong kansho hük büpalei vangngai kü mongongshi nyu.

1 SAMUEL 30:25

Davidi hapayü shahkungnyü kei ling, hatü Israel kü shaang thahshi hapakei düknyüpeih.

MÜLANGPÜ 28:43

Mechem Aaron hatü chehathüi ashakshemei shühenshang jomi hapa owhen, nevaijü Daülangpü Shingei chongphohen moidü yopailei peishingkü ha owtuh, shejüang jom kü mang nehethen hatü jom nedihen. Hapayü Aaron hatü büpalei hühihathü shingvaishi düngeipü shing shahkung nyukahen.

SHAKEI VAMPÜ 2:1

Ephesia kübü Attoi leipü phongshan kü nyangtuh: Hapayü üpai büpalei lakdah philei litha nyet no, üpai hon awdük shemshing nyet chi kü kamnya, hayü büpalei shah:

2 KORINT 4:6

Mehenangkü Kahvangi, “Vangnyak kü vangngai khanghütuh” shei e, hatü Jisu Khristalei dhe kü Kahvang müknyinshekhang nyingpü vangngai jen kü shuohhen shingvaishi büpai jenei mongdang kü vangngai khangpeih.

LUK SHAHSHA APPÜ 12:35

“Dou dükhen temtüktü nyutuh, awdük jakei tuhtuh.

MATHI 4:16

Shangmang kü nyupü shennyakthüi vangngai longpü hük eeteke, hatü dipü yingdhüm kahdokei nyupüthü touei vangngai vamteke.”

MALAKI 2:7

Mehenangkü ngongpa hükei jubenyeijaang kü kihikon anghen vongbong, hatü büpalei ju kübü shennyakthüi nyuhpü venpü yemhen vongbong; mehenangkü büpayü Shembüpa Kahvangei shahjang kobü nyüke.

MENVIH KESHO 134:1

Peikei, Shembüpa kü moihimantuh, amphong Shembüpa chongphopüthü peü, amphong Shembüpalei shemei yanüng chongphopüthü!

BHEI-IE 8:9

hatü Israel am kemei thaihütuh hatü Levi am ashakshem shemshelei yaonghütuh.

LEVI 24:9

Hapayü Aaron hatü chehathü shing nyüke; jomi hapayü Longi Daülangpü Shingei hahhen; mehenangkü hapayü longi daülangpü Shembüpa kü jakpü moila kübü jomei düngeipü phaihan nyüke.

LEVI 24:3

Longi Daülangpü Shing leipü Vangpüshuwpü Pela touei haenpü ashak haophilei Aaroni yajeih om kübü nepnüng dhom ngoishi bah-ei nyuhen shingvaishi awdük jakhen. Hapa shahkungnyü hüdenhalenshi noteihen.

LEVI 3:8

Büpai hapa moilapü milei shangjing kü laki düktü ashakshemei jütuh, hatü Aaronei chehathüi hapalei iy yah-ei moidü shinei haihütuh.

MÜLANGPÜ 40:3

Hapa mongei Vangpüshuwpü Pela haütuh, hatü nüngi ha kü ashaki haentüktuh.

MÜLANGPÜ 30:36

Ha hanei yah-ei khih mü ngümtuh, hatü hapa ashakshemei yah-ei peiyei Vangpüshuwpü Pela touei haiyeishuoh, halei ngei am mü ponghen, hatü ha am shingvaishi daülangpü nyukahen.

MÜLANGPÜ 29:44

Ngei ashakshem hatü moidü daütükhen, Aaron hatü chehathüiyao ngei kü ngongpathü vaishi chongphohen shingvaishi ngei jom daütükhen.

MÜLANGPÜ 29:42

Hapayü hüdenhalenshi hepak peü kü ashakshem shadenei hapa jakpü moila shuohtuh.

MÜLANGPÜ 29:28

Hapayü Aaron hatü chehathü shingvaishi düngei Israel ammei phaihan nyukahen. Hapayü Israel ammi Shembüpa kü jomei mongjempü moila kübü shuohpü nyukahen.

MÜLANGPÜ 25:16

Ammi hapa pela kü ngei am kü yahphahen shahkungnyü yaongshung hütuh.

MÜLANGPÜ 16:34

Shembüpai Mosa kü kangpükei meishi nyuhen shingvaishi Aaroni Vangpüshuwpü Pela touei tuhteke.

KAHBHAO 1:8

Kahvangi hapa shingkong kü, “Vangshang” shei men, hatü om dhü, hatü dhom shei nyipabü nyih nyuteke.

KAHBHAO 1:5

Kahvangi hapa vangngai kü, “Nyihnüng” hatü vangnyak kü, “Yanüng” shei nyük, hatü om dhüei peihpheikü dhom vam, hapayü shongpü nyih nyuteke.

LEVI 24:2

“Israel nanglakthü kü awdük nemeti düngei bah-ei nyuhen shingvaishi olive kübü ngümpü daülangpü mainga nüng touei yah-ei peihen ngeükhüam shuohtuh” shei e.

BHEI-IE 18:5

Ngelei mongshih Israel am kü shao nepeihen shingvaishi nüng hatü anhathü moni daülangpü shing hatü moidü leipü dou peü dükhen.

MÜLANGPÜ 12:14

Hapa nyih-ü am shingvaishi deih-ei dangpü nyih vaihen. Ammi hapayü Shembüpalei Mo shei hüdenhalenshi moteituh.

MÜLANGPÜ 30:21

Jom nedihen shingvaishi jomi jomei lakhila phutükhen vongbong. Ngoikahen hühiha den kemei kü hapayü Aaron hatü chehathü shingvaishi noteihen shahkungnyü nyüke” shei eteke.

LEVI 6:15

Ngongpai atta lakpaoh hük hatü mainga, ha mü hahying moila leipü ayingshü peü yahhen, hatü hapa kean yah-ei moidülei Shembüpa kü vong meipü moila jakhen.

LEVI 7:36

Jom jepü nyih mebü Shembüpai hüdenhalenshi jom kü hapa hean düngei shuohhen Israel am kü shahkung shuohteke.

LEVI 10:9

“Nüng hatü anhanyi-i yiü nevaijü yiüji yingtü mechemao ashakshemei neshühen, hei nevaijema amphong dihen; hapayü hüdenhalenshi den shing shahkung chongkahen.

LEVI 17:7

Jomphongi hajük kü yum lajei kü yem jüei moila shuoh-ei mang dou nedükhen. Hapayü jom shingvaishi hüdenhalenshi noteihen shahkungnyü nyüke.”

LEVI 23:14

Ammei Kahvang kü ha nyih moila koei mangpei thahshi ammi hapa hahying thüngmü nevaijü aan ngouei nehahhen.

LEVI 23:21

Hapa nyi-üng ammi khümhen thaituh shejao nyingnyoi kü kei dou tedük. Am melei nyuhenshang, hapayü ami hüdenhalenshi noteihen shahkungnyü nyüke.

BHEI-IE 35:29

Am hatü ammei hühihathü melei nyuhenshang hapa shahkungthü am kü shashi nyüke.