MÜLANGPÜ 26:31 - DAÜLANGPÜ LAIHING (BSI)

³¹ Ammi nyemin ashak thüngla ow, manghshempü ow, hatü iyshüm kei hakpü ow kohpü ashak hük lingtuh, hatü hapa kü lahhinei dükaokhen shennyak hüki cherubim hiuei shihtuh.

MÜLANGPÜ 26:31 Referans Kwoze

MATHI 27:51

Hahepak kü phopshemei haenpü ashak sho kübü la laishi nyi anei shaakdai. Kahdoknyü jenteke hatü yaongnyüthü bhaodai.

2 SHÜPPÜKENGPÜ 3:14

hatü Solomoni thüngshingpü, manghshempü, iyshüm kei hakpü ashak hatü nyemin ashak yah-ei haenhen ashak lingtü ha kü cherubim lajei bakei ling.

MÜLANGPÜ 36:35

Jomi thüngla, manghshempü, hatü iyshüm kei hakpü ashaki hatü nyemin ashak nyiükei, ha kü cherubim meishi hoiyei shihtü haenhen ashak ling.

LEVI 16:2

Shembüpai Mosa kü, “Jiüpü hepak kü mon Longi Daülangpü Shing touei haenpü ashak touei peihen anjei Aaron kü eyeishuoh, mehenangkü Vangpüshuwpü Pela kübü shaküp shangkü ngei phum mü vamnyüpeih. Büpai hapa nebangjema, büpayao dihen.

MÜLANGPÜ 36:8

Mistrithü khongkü lahhinpü shennyakthü peüi ashakshem kü haenpü ashak pha an ling; hathüyü nyemin ashak thüngla, manghshempü, hatü iyshüm kei hakpü ashaki nyiükei hathü kü meishi hoiyei cherubim shih-ei lingteke.

MÜLANGPÜ 26:1

Ammi ashakshem hük vetuh hatü mongei haenpü nyemin ashak pha an thüngshingpü ow, manghshempü ow, hakla ow shihtü dakpü, ha kü cherubim lajei hoitü lingtuh.

EPHESIA 2:14

Mehenangkü büpayü jenei chingmei; büpalei phai kü khong nyiphen hük leihü, hatü baong hanpü lappai, jen aa kü ve kei nyupü bham bentükpeih.

MARK 15:38

Hahepak kü phopshemei haenpü ashak sho kübü la laishi nyi anei shaakdai.

SOLOMONEI KESHO 7:1

Lathuh thuhjü nüngei la meshük meipüang, Oh Onglanyü! Nüngei shüngkungü yüknyü leshi, doumin dükpü amei lakdou kei shüke.

MENVIH KESHO 137:5

Ngei nüng betükjema, Oh Jerusalem, ngelei lakdahphi shaoktüktuh!

LEVI 16:15

Hapheikü büpai nanglakthü shingvaishi mang moila shuohhen yum jühen, hatü büpai mohohbaongei iy yah-ei dükpükei Longi Daülangpü Shingei heihhen, hatü shaküp hatü Vangpüshuwpü Pela shadenei haihen.

MÜLANGPÜ 40:21

hatü büpai hapa pela ashakshem mongei yah-ei shü, hatü Shembüpai büpa kü epükei ashak haen; hapa keiha Vangpüshuwpü Pela kü ashaki haenteke.

MÜLANGPÜ 40:3

Hapa mongei Vangpüshuwpü Pela haütuh, hatü nüngi ha kü ashaki haentüktuh.

MÜLANGPÜ 38:23

hatü büpa mü Dan am phang kübü yaong kukei nyangaokpü, hatü lemphü lahhinei dou dükaokpü, hatü thüngla, manghshempü hatü iyshüm kei hakpü nyemin ashak kü hoiyei ow shihaokpü Ahisamakhei cheha Oholiab nyuteke.

MÜLANGPÜ 35:35

Büpai jijinyi kü yaong shükei lingpüthüi hatü mistrithüi lingpükei hatü ashak thüngla, manghshempü hatü ashak hakla hatü nyemin ashak hoiyei dakpüthü kei dakhen lahhinei dükhen kon shuohteke. Jiji nyiyü lemphü mistri dou kü den ngoiyei manpü nyi nyüke” shei eteke.

MÜLANGPÜ 35:25

Lahhinpü nyühathü peüi jomi lingpü thüngla, manghshempü hatü hakla ashak hatü nyemin ashak koei peiteke.

MÜLANGPÜ 35:6

nyemin ashak, thüngla ow, manghshempü ow, mimum ashak hakla, yum mum,

MÜLANGPÜ 28:15

Shahphenhen shingvaishi am jaküpnyiam lahhinei lingtuh; doknyü bhagthuh kei hon, thüngla, manghshempü hatü iyshüm kei hakpü ashak hatü nyiükei lingpü nyemin ashaki lingtuh.

MÜLANGPÜ 25:18

Hapa shaküp jungpongei kaoklaki dhüngei meishi shükei honi cherubim nyi lingtuh.

MÜLANGPÜ 25:4

thüngshingpü, manghshempü hatü iyshüm kei hakpü ashak hatü nyemin ashak, yumha mum,

LUK SHAHSHA APPÜ 23:45

mehenangkü vanghe nenya-i manghdai, hatü Jerusalemei haenpü ashak nyi anei shaakdai.

MÜLANGPÜ 26:32

Hapayü honi jümtüktü, honi bakshang lingtü ngin ali yah-ei phangei leshi nyupü akacia püi lingpü shemnyü ali kü sheüeishuoh.

MÜLANGPÜ 27:21

Ashakshemei Aaron hatü chehathüi Vangpüshuwpü Pela touei haenpü ashak haolei om kübü dhom thahshi aw jakei tuhhen. Hapayü Israel ami hüdenhalenshi noteihen ngeükhüam nyüke.

MÜLANGPÜ 36:36

Ha haenhen ashak sheühen shingvaishi akacia pü yah-ei shemha ali ling; ha kü honi jüm, hatü hon lakdük shihteke. Hapa püthü kü sheemhen shingvaishi ngini lingpü lehen püle ali lingteke.

MÜLANGPÜ 27:16

Hapa chingshe shaden kü thüngla, manghshempü hatü iyshüm kei hakpü meishi nyiüktükpü nyemin ashak meter 9 lushi shihtuh; hapa kü shemnyü ali hatü ha kü phangei lehen ali lingtuh.

MÜLANGPÜ 35:12

pela hatü hapalei kenh, shaküp hatü haenpü ashak;

BHEI-IE 4:5

Mechem baümtap shing chaiyei daihen mü vamhenshang, Aaron hatü chehathüi mongei shüei pela touei haenpü ashak nyiukei yah-ei pela kü jümhen.