MÜLANGPÜ 25:8 - DAÜLANGPÜ LAIHING (BSI)

⁸ hathü yah-ei ngei jom mü nyuhen shingvaishi daülangpü shing hük lingshih.

MÜLANGPÜ 25:8 Referans Kwoze

2 KORINT 6:16

Kahvang phopshem mü lajei melei shepshaihen? Mehenangkü jenphongü vanyangyem Kahvangei phopshem; Kahvangi ha eteke: “Ngei jom kü nyuhen hatü jom mü kamhen; ngei jomei Kahvang vaihen, hatü jomphongü ngelei nanglak vaihen.

SHAKEI VAMPÜ 21:3

hatü ngei ong uoshing leipü ngeü longpü hük hapakei epü dan: “Veituh, shaang Kahvangei shemü hangku mü nyüke; Büpa jomphong mü jomei Kahvang vaishi nyuhen, hatü jomphongü büpalei nanglakthü vaihen, hatü Kahvangü jom mü nyuhen;

1 ONGPATHÜ 6:13

Ngei Israel nanglakthü mü nyuhen, hatü ngei jomphong netuhphongpih” shei e.

MÜLANGPÜ 29:45

Ngei Israel am khong mü nyuhen hatü ngei jomei Kahvang vaihen.

ZEKHARIAH 2:10

“Loktuh hatü mongongtuh, Oh Zion nela! Veituh, ngei am mü nyunüng peikünyeih” shei Shembüpai enyüke.

HEBREW 3:6

Shejao Khristayü hapeü hük keiha Kahvangei shem am kü mong phenei shuohpeih, hatü jeni ha mong kü pongpü kü hatü jeni monglempü kü mong hah-ei wongshongi shümjema jenü büpalei shem.

ZEKHARIAH 8:3

Shembüpai hapakei enyüke: “Ngei Zionlei nyokei leihen hatü halei nyuhen; Jerusalem kü shahhing chingnyü shei nyükhen, hatü Jeiyong Shembüpalei kahshang kü daülangpü kahshang shei nyükhen.

ISAIAH 12:6

Wongmü lentuh, hatü mongongpai kesho loktuh, Oh Zion nanglakthü; mehenangkü Israel amei Daülangpü Hük am mü nyüke.”

BHEI-IE 5:3

Ngei jom mü nyupü, jomei baümtap nenyethen shingvaishi nyüha vaituh, baha vaituh jom baümtap kübü deitüktuh” shei e.

LEVI 21:12

Kahvangei daülangpü shing tuhphongtü daipai hapa shing nenyethen; mehenangkü büpa Kahvangei mainga phuei daühüpeih. Ngeiyü Shembüpa.

LEVI 4:6

Büpai hapa iy kü büpalei lakjaang hüngtü hapa hanei daülangpü shingei haenpü ashak touei Shembüpa tou mü nyetpa haihen.

MÜLANGPÜ 15:2

Shembüpayü ngelei wong hatü ngelei kesho, hatü büpa ngelei yemleipüba nyüke. Büpa ngelei Kahvang hatü ngei büpa men longhen; Ngelei opalei Kahvang, hatü ngei büpa longei anshihhen.

LEVI 10:4

Mosai Aaronei chepa naü-eepa Uzzielei cheha Mishael hatü Elzaphan nyi nyükei jiji kü, “Hamü peikei, hatü am shem amei mahng daülangpü shing leipü baümtap haolei yah-ei lüdaituh” shei eteke.

PHONGSHANTHÜ DOU 7:44

Mechem büpai Mosa mü eteipa, Kahvangi lingtuh shei ngeükhüam shuohpü düklem büpai eepü aimü jahpanei jenei bühipathüi ashakshem angteke.

MÜLANGPÜ 29:46

Ngeiyü jom mü nyuhen shingvaishi Ijip kahdok leipü jom müei leipü Shembüpa, jomei Kahvang shei jomi nyinghen; ngeiyü Shembüpa, jomei Kahvang nyüke.

LEVI 26:11

Ngei am mü nyushing lingei nyuhen, hatü ngei am netuhphonghen.

SHAHKÜP 12:11

Hahepak kü Shembüpai büpa khümhen shingvaishi shing hük jephahen, hatü amphongi ngei epü lemphüli: jakpü moila, lebü lanei shuohpü moila, ammei ankhong moila, hatü ammi Shembüpa kü shuohhen shei lahpü lebü moilathü kemei koei peihen.

JOSHUA 22:31

Eleazar ngongpalei cheha Phinehas-i Reuben, Gad hatü Manasseh jatthü kü, “Shinnyih jen mü Shembüpa omshi nyüke shei nyingnyüke; mehenangkü hapa nangkü shei Shembüpa kü hingnelemi dükei mang nethahang. Shaang ami Shembüpalei lak kübü Israel am yangteke” shei e.

MÜLANGPÜ 15:17

Nüngi jom müei lei, hatü jom nüngei kahshangei, Oh Shembüpa, nüng nyupü shingei, Oh Shembüpa, nüngei laki lingpü daülangpü shingei nüngi jom chongkhenei tuhphong.

1 SHÜPPÜKENGPÜ 22:19

Shaang, ammei mongdang, laangha kempai Shembüpa, ammei Kahvang yemtuh. Ammi Shembüpalei Vangpüshuwpü Pela koei leihen hatü Shembüpalei men kü vehen phopshemei Kahvangei daülangpü douhinangthü leiyei tuhhen shingvaishi daülangpü shem vehen chongpangtuh” shei e.

EZEKIEL 37:26

Ngei jom mü chingmeivangmei vangpüshuwpü hük linghen; hapayü nedohnetenpü vangpüshuwpü vaihen; ngei jom kü moihimanhen hatü jom nanglak dahüshehühen, hatü ngelei phopshem düngei jomei kahdokei chonglingei tuhhen.

EZEKIEL 37:28

Mechem ngei ngelei phopshem düngei jomei kahdokei chonglingei tuhhenshang ngei Shembüpai Israel am jepü khih shei jatthüi nyinghen.

EZEKIEL 43:7

Büpai ngei kü, “Shennyak ha, hapayü ngelei ong uoshing hatü ngelei la shoupshing. Hatouei ngei ngelei nanglak Israel am mü düngei nyuhen. Israel phangi nevaijü jomei ongthüi mükbongjuyungpai nevaijü jomei ongthü dipü mahng homei ngelei daülangpü men nesheihhen.