MÜLANGPÜ 25:40 - DAÜLANGPÜ LAIHING (BSI)

⁴⁰ Ngei am kü kahshangei hapa mekei linghen hupa, hapakei linghen kentuh.

MÜLANGPÜ 25:40 Referans Kwoze

HEBREW 8:5

Jomi daülangpü shingei khümnyüke, hayü vangsholei nyupü dükhiling lajei nyuh-ei düknyüke. Hanangkü Mosai ashakshem vehen nyushingkü hapakei shahvüng shuohteke, “Kahshangei nüng kü hupü düklem kei linghen kentuh.”

PHONGSHANTHÜ DOU 7:44

Mechem büpai Mosa mü eteipa, Kahvangi lingtuh shei ngeükhüam shuohpü düklem büpai eepü aimü jahpanei jenei bühipathüi ashakshem angteke.

MÜLANGPÜ 26:30

Kahshangei ngei am kü huphopü küpjan aimü ammi ashakshem vetuh.

BHEI-IE 8:4

Awdükü she kübü shaong thahshi hon yah-ei shükei ling. Awshongao Shembüpai Mosa kü eshuohpükei lingteke.

MÜLANGPÜ 25:9

Ngei mekei am kü ashakshem hatü haleipü douhinang nangkü hupa, hapakei vehen vongbong.

1 SHÜPPÜKENGPÜ 28:19

“Hathü kemei dükei daihen shingvaishi Shembüpai ephopü aimü nyangei nyüpeih” shei Davidi e.

1 SHÜPPÜKENGPÜ 28:11

Hapheikü Davidi Solomon kü Phopshem shemshom, shembümnyü, dou tuhshing, jaandok dungthü, hatü Longi Daülangpü Shing vehen tempü peü shuoh.

MÜLANGPÜ 25:39

Awdük shemshing hatü hapalei douhinang linghen shingvaishi hon dok hapüanpünga yah-ei lingtuh.

MÜLANGPÜ 27:8

Ammi moidüyü taukta yah-ei sha kohshi lingtuh; kahshangei ngei am kü hupü aimü jiüshi lingtuh.

MÜLANGPÜ 31:11

hatü phuhen mainga hatü Daülangpü Shing shingvaishi vong meipü meli peü linghen lahhinlangnyai kon peü mistrithü kü shuohtepih.”

MÜLANGPÜ 36:2

Hahepak kü Mosai Bezalel, Oholiab hatü lahhinpü shennyakthü peü üam kü Shembüpai dükaokhen kon shuoh, hatü üami peiyei dou kü sheühhen deih, hathü kü nyükteke.

JOSHUA 22:28

“Hatü hami, ‘Jomi jen kü, nevaijü jenei hühihathü kü hapakei ephüjema, jakpü moila shuohhen nevai, nevaijü lebü moila shuohhen nevai, shejao am hatü ham aa kü denpü vaihen shingvaishi hammei bühipai lingpü Shembüpalei moidü lajei kü veituh’ shei ehen shangmü jen aa kü denpü vaishi moidü lingshah shei eteipeih” shei e.

2 SHÜPPÜKENGPÜ 4:7

Büpai hon awdük shemshing an eshuohpü keiha ling; nga pehe lemei hatü nga apsha lemei tuh.