MÜLANGPÜ 25:20 - DAÜLANGPÜ LAIHING (BSI)

²⁰ Hapa cherubim nyi yang paanei shanglemei anpai shaküp kü bhüshi lingtuh. Ha cherubim nyi dhe dhe khangteiyei shaküp kü thaungei veishi lingtuh.

MÜLANGPÜ 25:20 Referans Kwoze

1 SHÜPPÜKENGPÜ 28:18

hatü ayingshü jakhen moidü linghen daülangpü hon meshük yahhen eshuohteke. Büpai koyei khari mepa cherubim yang paanei Vangpüshuwpü Pela kü dhümshi nyüpa, ha linghen deihpü küpjanao ejateke.

1 ONGPATHÜ 8:7

Cherubimei yang paanei heihpai Vangpüshuwpü Pela haüshing, Vangpüshuwpü Pela hatü hapa paipü kenh kao omei bhiüteke.

HEBREW 9:5

Ha shangkü müknyinshekhangpü cherubimi mang tükpü shing kü dhümshi nyuteke. Ha douthü nangkü jeni shaang peü lekei ne-eaokhen.

1 PETER 3:22

Büpa vangsholei aongei Kahvangei lakdah philei vangsho phongshanthü, wongthü mü uo, hatü nganthü peü büpa phangkü tuh.

1 PETER 1:12

Thihivamthüi jom shing chongphonyu nevai, shejao vangsho leipü shompü Laangha Daülangpai am kü shahjangmei chongvenpü ami am kü shaang ephopü douthü jung epai jomi am chongphoteke. Hathü dou vangsho phongshanthüi dangkao veihen ongyangnyüke.

HEBREW 1:14

Vangsho phongshanthü peü Kahvang chongphopü laanghathü, yemleipü mükjüp danghenthü touei büpai chongphohen nangkü shompüthü nevaipü je?

KOLOSI 2:10

hatü vanglem lempü hatü yemya yapü peüei shangjing kü am changpüshapü leihüei nyüke.

EPHESIA 3:10

shejüang attoi homei Kahvang kihikon lem laolao vangsholei vanglem lempüthü hatü yemya yapüthü kü nyinghühen.

1 KORINT 11:10

Ha vaipü nangkü hatü vangsho phongshanthü nangkü laophülei baha phangkü nyupü huhen nangkü shokuh kuhtuh.

1 KORINT 4:9

Kahvangi ham phongshanthü keyü shompü shing shuohpükei deihnyüke. Jütüknüng deipü shennyak kü kahdoknyü, vangsho phongshanthü hatü hangkuthüi nyemveinüng hupükei leidaiteke.

JOHAN 1:51

Shao büpai büpa kü, “Hingmei mü ngei nüng kü enyeih, nüngi vangsho shaden aptüktü Shennyak Ha shak kü vangsho phongshanthü aongpü leipü eehen hih” shei eteke.

MATHI 24:31

hatü büpai laophülei vangsho phongshanthü amit ngeü longpü mü shomei büpai jelangpüthü kahdok vaungjung aliphen kübü, hatü vangsho jung hük kübü hük dohpü thahshi thailanghen.

EZEKIEL 28:14

Ngei jepü cherub phongshani nüng yomei tuhpeih. Nüngü ngelei daülangpü kahshangei nyuhampeih, hatü nyangnyangpü yaongthü chi kü kamhampeih.

EZEKIEL 1:20

Melemei laangha dai, jomphongao halemei dai, hatü kharilathü jomphong mü daiteke; mehenangkü yemhathülei laanghayü kharila kü nyuteke.

2 SHÜPPÜKENGPÜ 3:10

Longi Daülangpü Shingei büpai cherubim nyi ling, hatü ha kü honi jümei ling.

MÜLANGPÜ 25:18

Hapa shaküp jungpongei kaoklaki dhüngei meishi shükei honi cherubim nyi lingtuh.

KAHBHAO 28:12

Büpai kahdok kübü vangsho thahshi thai chantü ha kü vangsho phongshanthü phungei aong, shüh-ei shaei mangh mü eeteke.

MÜLANGPÜ 25:19

Dangpong dohpü philei cherub hükbaong shaküp mü phaakei lingtuh.

1 ONGPATHÜ 6:27

Büpai cherubim nyiphen Phopshem mongpalei Longi Daülangpü Shingei tuh; cherubim nyiphenei yang paanei yang hük baongi bham kü hongshi, hatü yang hük baongi Phopshem jiam philei meeshi yang hüki hük kü hongteishi tuh.

1 ONGPATHÜ 6:23

Büpai Daülangpü Shing mongei olive pü yah-ei cherubim nyi meter 4.4 baong shaoshi ling.