MÜLANGPÜ 25:10 - DAÜLANGPÜ LAIHING (BSI)

¹⁰ Jomi akacia pü yah-ei pela hük yangkü meter 110 ba kü meter 66 hatü shaopü kü meter 66 shei linghütuh.

MÜLANGPÜ 25:10 Referans Kwoze

HEBREW 9:4

Hapa mongei ayingshü jakhen hon moidü hatü Vangpüshuwpü Pela kü shing peü lemei honi jümtü halei hondük kü manna shihtü, hatü Aaronei lenshuoh kü nien vamei hatü vangpüshuwpü yaongshungthü nyuteke.

SHAKEI VAMPÜ 11:19

Hahepak kü vangsho leipü Kahvangei phopshem apteke, hatü büpa Vangpüshuwpü Pela phopshem mongei ee, hatü halei klang nyeppü, klungpü hatü vangmuk khungpü, pedi vükpü hatü vihpü shüyaong nyuteke.

2 SHÜPPÜKENGPÜ 8:11

Solomoni Pharaohlei yiükha David Chingnyü leipü büpai pinnyü shing vepü shemei müei an. Büpai, “Ngelei shembünyü Israel am David ongpalei shemei nenyuhen; mehenangkü metouei Vangpüshuwpü Pela tuh, hapa shingü daülangpü leidainyeih” shei e.

MÜLANGPÜ 35:12

pela hatü hapalei kenh, shaküp hatü haenpü ashak;

BHEI-IE 3:31

Jomei dousho-ü pela, haüdü, awshong, moidü, daülangpü shingei chongpho shingkü noteipü douhinangthü, haenpü ashak hatü hathü mü shenpü douhinang lemphüli kü jungeilanghen.

BHEI-IE 4:5

Mechem baümtap shing chaiyei daihen mü vamhenshang, Aaron hatü chehathüi mongei shüei pela touei haenpü ashak nyiukei yah-ei pela kü jümhen.

MÜLANGPÜ 31:7

Ashakshem, Vangpüshuwpü Pela, ha shangkü shaküp kohtü hatü haleipü douhinang peü omshi,

MÜLANGPÜ 39:32

Hapa keiha ashakshem vepü dou peü tem; Shembüpai Mosa homei epükei Israel ami peü dük.

BHEI-IE 4:6

Jomphongi hapa shangkü meipü phaishuwi jümhen; ha shangkü thüngla ashaki jümhen, hatü paihen shingvaishi kenh shühen.