MÜLANGPÜ 23:24 - DAÜLANGPÜ LAIHING (BSI)

²⁴ ammi jomei kahvang kü aümei shaei nekhümhen nevaijü jomei dükhiling kü nemühen, shejao ammi jomei daülangpü shemnyüthü khih mü benei mangtüktuh.

MÜLANGPÜ 23:24 Referans Kwoze

MÜLANGPÜ 20:5

Ammi hathü kü aümei tesha nevaijü ha kü tekhüm; mehenangkü ngeiyü Shembüpa, ammei Kahvangü mükhühpü Kahvang. Ngei yaktükpü nyühipathülei hühihathü kü denshem jem, ali thahshi ngei hanghi shuohnyüpeih,

BHEI-IE 33:52

hapa kahdokei nyupü shennyakthü peü changtükkemtuh. Jomei lajeithü hatü yaongnaüyathü hatü jomei khümshing kemei bentüktuh.

SHAHKÜP 12:3

Jomei moidüthü, daülangpü yaong shemnyüthü khih mü nihtüktuh hatü jomei Asherah kahvangthü aw kü jaktüktuh; jomei kahvang lajeithü dehtükkemtuh hatü hathü shing kübü jomei menthü thittüktuh.

SHAHKÜP 7:5

Ammi jom kü hapakei dükeishuoh: Jomei moidüthü bentüktuh; jomei daülangpü yaong shemnyüthü nihtüktuh; jomei Asherah kahvang lajei mangtüktuh, hatü jomei lajeithü aw kü jaktüktuh.

2 SHÜPPÜKENGPÜ 33:9

Manasseh-i Judah am, hatü Jerusalem am lemnyongei mü; hapa keiha Shembüpai Israel am toueipü changtükpü jatthü mao nemeipüba mang jomi dük.

LEVI 18:3

Ammi am nyupü Ijip kahdokei jomi dükpü tedük, hatü shaang ngei am müei leipü Kanan kahdokei nyupü ami lingpükei teling. Ammi jomei dükhiling vanglem pheikü temü.

MÜLANGPÜ 32:20

hatü jomi linghahpü mohoh cheha yah-ei büpai aw kü jaktük, hatü khih mü ngümtü yungei haitük, hatü Israel am kü ha yingshuohteke.

EZEKIEL 16:47

Ammi jomei lemthü kü kamei jomei jiühitbenüng dükhiling kapiyei dükpü mon nevai shejao jom mao lem peü kü am-üng nemeipüba nyupeih.

MENVIH KESHO 101:3

Ngelei müksho kü ngei meheyao jiühitbenüng netuhpih. Hingnelempüthülei dou kü ngei jiühitnyeih; ngei hathü mü dükhen meheyao neshiü.

2 SHÜPPÜKENGPÜ 33:2

Shembüpai Israel am toueipü changtükpü jiühitnalai dou dükpü jatthü phei müei büpai Shembüpa touei mang dük.

MÜLANGPÜ 23:13

Ngei am kü epü lemphüli kenhingei bangtuh. Ammi lebü kahvang kü tephop; ammei ju kübü ha jung epü tedanhü.

MÜLANGPÜ 23:32

Ammi jom hatü jomei kahvang mü vangpüshuwpü meheyao nelinghen.

MÜLANGPÜ 23:33

Jom ammei kahdokei te-ang, hei nevaijema jomi ngei khüei am mang thahhühen; mehenangkü jomei kahvang kü khümpeyü am shingvaishi neyangaokhen aethitai vaikahen.

LEVI 26:1

Shembüpai eteke, “Ammi am shingvaishi yaongnaüya nevaijü lajei, nevaijü daülangpü yaongthü nevaijü ammei kahdokei shangpü yaongthü khümhen teling. Ngeiyü Shembüpa, ammei Kahvang.”

2 ONGPATHÜ 3:2

Büpai chenyü hi chepa nyi shük nevaijao mehe Shembüpa touei mang nyu, büpai ha dük. Büpai chepai lingpü Baal kahvangei lajeithü yaktük.

2 ONGPATHÜ 18:4

Büpai vaümchongthü, daülangpü yaongthü, hatü Asherah kahvangei lajeithü yaktük. Büpai Mosai lingpü melangnyiam biü khih mü mangtük; mehenangkü hapa hepak thahshi Israel ami hapa kü ayingshü jakei moila shuohhamteke. Hapa kü Nehushtan shei nyükteke.

MÜLANGPÜ 20:3

ngei mü lenei ammi lebü kahvangthü tekhüm.

BHEI-IE 25:2

Ha nyühathüi jomei kahvangthü kü moila shuohpü mohitap kü shennyakthü nyük, hatü Israel ami hapa hahying hah, hatü jomei kahvangthü kü khüm.

2 ONGPATHÜ 17:8

hatü Israel am peishingkü Shembüpai changtükpü jatthülei vanglem kü kam, hatü Israel am ongthüi nyuhpüvenpü dükhiling kü mü.

2 ONGPATHÜ 17:11

hatü Shembüpai jom shekü changtükpü jatthüi dükpükei vaümchongthü peü kü ayingshü jakei moila shuoh. Jomi nemeipü douthü dükei Shembüpa mongshihhü,

2 SHÜPPÜKENGPÜ 14:2

Asa-i Shembüpa, büpalei Kahvang touei mehe mei hatü jiü, ha dük.

2 SHÜPPÜKENGPÜ 25:14

Amaziah-i Edom am jütü leishingkü büpai Edom amei kahvangthü koei lei. Büpai hathü yah-ei büpalei kahvang vaihütü ha kü khümei jakpü moila shuoh.

HOSEA 10:2

Jomei mongdangü shahshem; jomei mang jomi-üng kohen. Shembüpai jomei moidü bentükhen, hatü yaong shemnyüthü mangtükhen.