MÜLANGPÜ 23:20 - DAÜLANGPÜ LAIHING (BSI)

²⁰ Ngei am shingvaishi tempü shingei müei daishingkü lemei am yomhen shingvaishi ngei am shekü vangsho phongshan hük shomphahen.

MÜLANGPÜ 23:20 Referans Kwoze

MÜLANGPÜ 33:14

Shembüpai, “Ngei am mü omshi daihen hatü ngei am kü aokpü shuohhen” shei eteke.

MENVIH KESHO 91:11

Mehenangkü Kahvangi büpalei vangsho phongshan shomei nüng dailem peü kü yomhen.

MÜLANGPÜ 32:34

Shaang, nüng leituh, hatü ngei nüng kü epü shingei nanglakthü müei daituh, hatü ngelei vangsho phongshan am shekü shongkahen. Shejoongpa, mechem hepak ngoihenshang ngei khüei mang thahpüthü jomei mang nangkü hanghihühen” shei eteke.

MÜLANGPÜ 14:19

Kahvangei vangsho phongshan üpa Israel veshanthü shekü kampa, jomei ngaümphei lemei leiteke, hatü jom shekü kamei nyupü phum shemnyü jom ngaümpheilei leiyei,

ISAIAH 63:9

Jomei shanghah peü kü phongmokbü nevaijü phongshani nevai, shejao büpa ompai jom yangpeih; Büpalei phahji yahyangi jom yangpeih, Büpai jom longei anshihpeih, hatü peihdaipü nyihthü peü kü büpai jom kü jungpeih.

MÜLANGPÜ 33:2

Ngei am shekü vangsho phongshan hük shomhen hatü Kanan am, Amor am, Hit am, Perizz am, Hiv am, hatü Jebus am peü changtükhen.

MATHI 25:34

Hahepak kü ongpai büpalei lakdah philei nyupüthü kü, “Peikei, amphong Opai moihimanpüthü, kahdoknyü chongnyiam lingshingkü am shing tempü ongching mükjüp yahtuh;

JOHAN 14:3

Ngei daiyei am shing shing hük tempheikü ngei nyipabü yiüei ngei mü nyuhen shingvaishi ngei am yahhen, hatü ngei melei nyu, halei amphongao nyuhen.

MALAKI 3:1

Veituh, ngei shekü lem temnüng ngelei phongmokbü shomphahen, hatü Shembüpa, üpa ammi yemnyüpa, ngangahük kü büpalei phopshemei peikahen; vangteishuwteipü phongmokbü, üpa kü am kennya, peikahen shei Shembüpa Kahvangi enyüke.

JOSHUA 6:2

Shembüpai Joshua kü, “Veituh, ngei nüngei lak kü Jeriko, haleipü ong hatü veshanthü shuohtepih.

BHEI-IE 20:16

shejao mechem hami Shembüpa kü leneiwongei phoppa, büpai hami lenpü danei vangsho phongshan hük shomei ham Ijip leipü müei daipeih. Shaang hamphong ammei kahmük vaungjung kübü Kadesh chingnyülei nyüpeih.

JOSHUA 5:13

Mechem Joshua Jeriko yopailei nyupa, ngangahük kü büpai veishuohshingkü shennyak hük yanlu notü yaongshi ee. Joshua-i büpa touei heih-ei, “Nüngü hamphong khong kübü veshan hük hi vepa hük ang?” shei phe.

MÜLANGPÜ 15:17

Nüngi jom müei lei, hatü jom nüngei kahshangei, Oh Shembüpa, nüng nyupü shingei, Oh Shembüpa, nüngei laki lingpü daülangpü shingei nüngi jom chongkhenei tuhphong.

KAHBHAO 48:16

ngei vongshüh peü kübü yangpü vangsho phongshani hapa naü nyi kü moihimantuh; Ngelei men hatü ngelei bühipa Abraham, Isakei men ha naü nyi homei nyuhütuh, hatü kahdoknyü kü hühihathü longi dahütuh.”

KAHBHAO 15:18

Ha nyih Shembüpai Abraham mü vangpüshuwpü hük ling, hatü büpa kü, “Nüngei hühihathü kü hapa kahdok Ijip yungyen kübü Euphrates yung thahshi,

KAHBHAO 24:7

Shembüpa, vangsho Kahvang, üpai ngei opalei shem, ngelei kahmük kübü müei dai, hatü ngei kü lah-ei, “Nüngei hühiha kü ngei hapa kahdok shuohhen shei epa, ngelei hapeü shing nüngi nyüha danghen mü büpai büpalei vangsho phongshan nüng shekü shomkahen.

KAHBHAO 24:40

Büpai ngei kü, ‘Ngelei hapeü shing nyüha hük ngelei mükhiphang hatü opalei shem am kübü danghen shingvaishi ngei ven danei kampü Shembüpai büpalei vangsho phongshan nüng mü shomhen, hatü nüngei yendai aokpü danghen.

MÜLANGPÜ 15:16

Nyemhühanhüpü jom shangkü peiteke; Oh Shembüpa, nüngei laklu wong longpai nüngei nanglakthü mangpei thahshi nüngi angei leipü, nanglakthü manghomkem thahshi, nyempai yaong keiha yaongdaiteke.

MÜLANGPÜ 23:23

Ngelei phongshani am sheshongkahen, hatü am Amor, Hit, Pirizz, Kanan, Hiv, hatü Jebus amei kahdokei müei leihen, hatü ngei jom mahtükhen,

BHEI-IE 22:22

Shejao Balaam daipü nangkü Kahvang mongshih, hatü Balaami büpalei gadu kü uotü büpalei chongphobü nyi müei daishingkü Shembüpalei vangsho phongshan yiüei lem bangei yaong.

SHAHKÜP 33:2

Shembüpa Sinai Kahshang leipü peiteke, hatü jom shak kü vanghe keiha Edom leipü aongteke; Büpai Paran kahshang leipü khangteke. Büpai vangsho phongshan longi mü peiteke. Büpalei lakdah philei büpalei phongshan khong nyüke.

JOSHUA 23:5

Shembüpa, ammei Kahvangi jom am toueipü hungei leitükhen, hatü am toueipü changtükhen, hatü Shembüpa, ammei Kahvangi lahpükei ammi jomei kahdok yahhen.

JOSHUA 5:14

Hapa shennyaki, “Mepayao nevai, shejao ngeiyü Shembüpalei veshan mübü hük leshi peipeih” shei e. Hahepak kü Joshua-i dhüm huei büpalei dhe thaungei shatü, “Büpa chongphobü kü Shembüpai mehe shahjang ehüpa?” shei khümei phe.

ZEKHARIAH 12:8

Hapa nyih, Shembüpai Jerusalem kü nyupüthü büpalei inyüshungi küpshi yangei tuhhen; jomphong khongkü peü mü wong nekohpübayü David kei nyuhen, hatü David am phangü Kahvang kei, Shembüpalei phongshanü jomei mübü vaihen.