MÜLANGPÜ 23:19 - DAÜLANGPÜ LAIHING (BSI)

¹⁹ Shembüpa, ammei Kahvangei shemei ammei lak kübü vampü shongpü betjük meipü moila deikei. Ammi mi nevaijü yum cheha chenyülei amma mü techeü.

MÜLANGPÜ 23:19 Referans Kwoze

MÜLANGPÜ 34:26

Ammei kah kübü shongpü betjük peü mü meipüba Shembüpa, ammei Kahvangei shemei koei peikei. “Ammi yum cheha chenyülei amma mü techeü.”

SHAHKÜP 14:21

Ammi hathüyü am mü lakeiloiyei nyupü am kü shuohhen aok, hatü jomi ha hahhen aok. Shejao amphongü Shembüpa, ammei Kahvang touei daülangpü nanglakthü nyüke. Ammi mi nevaijü yum cheha yahei chenyülei amma mü techeü.

SHAHKÜP 26:10

hatü shaang, ‘Oh Shembüpa, nüngi ngei kü yahphopü shongpü betjük nüng touei koei peikünyeih’ shei ehen. Hapheikü Shembüpa, ammei Kahvang touei hapa mühdow haühen hatü aümei khümhen.”

NEHEMIAH 10:35

Shao hami bong ieyei Shembüpalei shemei shongei vetpü hah hatü shongei shümpü betjük koei peihen tempeih.

MÜLANGPÜ 22:29

Nepheidai-i hepak jiüshi ammei puongmong kübü hahying hatü olive mainga moila shuohtuh. Ngei kü ammei hashongpathü moila shuohtuh.

SHAHKÜP 26:2

Shembüpa, ammei Kahvangi am kü shuohpü kahdok kü vampü lemphüli kübü shongpü betjük hanei mühdow kü shihtü Shembüpa ammei Kahvang khümshingei deituh.

SHAKEI VAMPÜ 14:4

Jomphongü nyüha mü nesheihpüthü; mehenangkü jom daüeilangei nyu; jomi Mi Cheha melei dai, halei müei dainyüke. Jomphongü hangku khong kübü Kahvang hatü Mi Cheha shingvaishi angei leilangpü shongpü betjükthü nyuteke,

1 KORINT 15:20

Shejao hingmei mü Khrista dipü kübü yangei leidai; dipüthü khongkü shongpü betjük.

JEREMIAH 10:3

Mehenangkü hathü nanglakthülei vanglemü yahlak neshiü; jomi phaü leipü pü agnyüke, hatü mistrithü peikha noshi ha shangnyüke,

KANDOK 12:10

Daülangpü shennyaki laophülei yemhimak kü jungnyüpeih, shejao nemeipüthüi bampeyü ühingpü vainyüpeih.

KANDOK 3:9

Nüngi angpü mophimo-i, hatü nüngei lak kü vampü shongpü betjüki Shembüpa kü dhüm shuohtuh;

MÜLANGPÜ 22:28

Ammi Kahvang kü teyaü, nevaijü ammei nanglakthü mübü kü tethaüvaü.

BHEI-IE 15:21

Hüdenhalenshi amphongi shongei ngümpü aan kübü Shembüpa kü moila shuohtuh.”

NEHEMIAH 10:36

Shahkungnyülei nyangei nyupükei shongei bühpü yeshang, shongei shaanpü yemha; mohoh, mi, yum, phopshem leipü ngongpa touei müei peiyei daühühen.

EZEKIEL 44:30

Betjük lemphü kübü shongpü betjükthü peü, hatü ammei moila kübü lemphü moila ngongpathülei vaihen; ammei shemei moihiman nyuhen shangmü shongei oukpü aan ngongpathü kü shuohtuh.

EZEKIEL 48:13

Ngongpathülei kahdok mü dheanei Levi amei kahdok vaihen; hapayü yangkü kilometer anpünyi mü bhaoei, hatü ba kü kilometer nga nyuhen. Hapa yang kempeyü yangkü kilometer anpünyi mü bhaoei, hatü ba kü kilometer nga nyuhen.

EZEKIEL 48:14

Jomi ha neyuhen nevaijü mih mü nejeiteihen; mehenangkü hapayü Shembüpa touei daülangpü nyüke.