MÜLANGPÜ 23:1 - DAÜLANGPÜ LAIHING (BSI)

¹ Ammi shahshem baongeiyaüei te-e. Pungpü shennyak kü ammi shahshem denpü shuoh-ei büpa dah teshakhü.

MÜLANGPÜ 23:1 Referans Kwoze

MENVIH KESHO 101:5

Joei chingyow kü lueilempü ngei mahtükhühen; changmeipü mongdang touei ngei nenteiaokei nenyuaoknyih.

KANDOK 19:5

Shahshem denpü shuohpüthü nehanghi-i nenyupih, hatü shahshem epüthü neyangaokpih.

MÜLANGPÜ 20:16

Nüngei chingyow khüei shahshem denpü teshuoh.

MENVIH KESHO 35:11

Shennyaktenthüi ngei khüei denpü shuohnyüke, hatü ngei nyingei neshiüpü shahhidou nangkü ngei nyonghünyüke.

SHAHKÜP 5:20

Shahshem denpü shuoh-ei laophülei chingyowpa tevüshih.

LEVI 19:16

Ammei nanglak khong kü shahshem langmaanei telongtei; chingyowpa lomohhütü nanglei danghen teyem. Ngeiyü Shembüpa nyüke.

SHAKEI VAMPÜ 12:10

Hahepak kü ngei vangsholei ngeü longpü hük eyei dan: “Shaang yemleipü hatü ngan, hatü jenei Kahvangei ongching, hatü büpalei Messiahlei wong peiteke. Mehenangkü Kahvang touei yaongtü, jenei jeihinaüthü kü nyakhingai thüngei thaüvaüpüba vangsho leipü yepei shüktükteke.

ROM SHAHSHA APPÜ 3:8

“Shejema mei vamhen shingvaishi jeni ten dükshah” shei mehekei ne-enya? (Hanei ami hami ha epeih shei vüshih-ei eteke.) Jomphongü nyonghühen shangteke!

KANDOK 19:9

Shahshem denpü shuohpüthü nehanghi-i nenyupih, hatü shahshem epüthü mahhen.

1 PETER 3:16

Shejao hapayü inyainyempai dhüm kohshi etuh. Am kü yaüpüthüi ammi Khrista kü doumei dükpü eeyei thaüvaüpüthü veühühen shingvaishi ammei chudeih mongdeih daülangi tuhtuh.

2 TIMOTI 3:3

hangku kü nebampü, mang netükteipü, ühingpü, dehilao vamhüpü, ungei-aeiyei neaokpü, meimongnyahmong jükpü, mei kü jiühitpü,

EPHESIA 4:25

Shejema shahshem yaktüktü jen peüi jenei chingyowpa mü shahhing eshah; mehenangkü jen hüki hük mü büm hük kü phaihan kukpong nyüke.

KANDOK 24:28

Ten yepaokpü neshiüshiüi nüngei chingyowpa khüei shahshem denpü teshuoh, hatü nüngei jubenyeijaangi lawlüpei te-e.

KANDOK 21:28

Shahshem denpeyü mahdaihen, hatü üami ha kü banghenshang den kü dihen.

KANDOK 10:18

Shahshem epü jubenyeijaangi jiühitnalai joei tuhnyeih, hatü üami lueilemei enya, hapayü ngapa khih.

KANDOK 6:19

Shahshem denpü shuohpü, hatü jeihinaü khongkü neshetnephen ngaihüpü nyüke.

MENVIH KESHO 15:3

üpalei yeijaangi nelunelemnya, hatü küphüthü kü ten nedüknya, nevaijü chingyow khüei shah nemeipü nebaongnya,

LEVI 19:11

Tegüh, tepeilei, shahshem te-e.

LUK SHAHSHA APPÜ 19:8

Zakhaeus yaongei Shembüpa kü, “Veituh, Shembüpa, ngelei mop hükkeishing taopathü kü shuohhen hih, hatü ngei hanei am kü lueilemei lemhük dangkao yah-ei nyujema, ngei shing ali nyeishi shemhen hih” shei e.

LUK SHAHSHA APPÜ 3:14

Hahepak kü veshanthü hanei büpa kü, “Hamphongiyao mehe dükhenang?” shei phe. Büpai jangei, “Amphongi üpa leipao lop te-aet nevaijü üpa kao shahshemi tenyonghü– nüngi mehe ang, ha kü mong hüshemei nyutuh” shei e.

MATHI 19:18

Büpai büpa kü, “Mepa shahkung?” shei e. Jisui büpa kü, “Nüngi tejü; Nüngi mükbongjuyung tedük; Nüngi tegüh; Nüngi shahshem denpü teshuoh;

JEREMIAH 20:10

‘Nyemhihan peü lemei nyüke! Büpa kü eshuohshah! Jeni büpa kü eshuohshah’ shei nümnümpü ngei dannyüke.” Ngelei mongkhen küphüthü peüi ngei huluh nyemshuohja shei dannyüke. “Üpai nyingpa, büpa kü lueilemhen aokpeih, hatü jeni büpa kü neütü bhüh yemhen aokpeih” shei enyüke.

KANDOK 25:23

Pehe vanglüki vang keipü keiha, shah luteipü shennyaki mongshihpü dhe hunyeih.

KANDOK 25:18

Chingyow khüei shahshem denpü shuohpeyü phung, yanlu hatü lahhan kei nyüke.

KANDOK 19:28

Ten denpü shuohpai shahhing küang eelanyeih; hatü mang jui ten lühnyüpeih.

KANDOK 17:4

Shennyaktenthüi ten epü kü bangnyüpeih, hatü shahshem ebüi shahshem shah kü bangnyüpeih.

KANDOK 12:17

Üami shahhing enya, hathüi shahhing denpü shuohnyeih, shejao shahshem denpai lueilemei enyüpeih.

MENVIH KESHO 120:3

Am kü mehe shuohhen? Mehe nyeinya am kü dükphahen Oh lueilempü yeijaang?

MENVIH KESHO 27:12

Ngelei vepathüi mongpü kü ngei teshuohtük, ngei khüei shahshem denpü shuohnyüke; hatü jomi dehilao ngainyüke.

2 SAMUEL 19:27

“Ngelei shembü ongpa touei büpai ngei kü lupeih. Ngelei shembü ongpayü Kahvangei phongshan kei nyüke; hanangkü nüng kü meipükei düktuh.

2 SAMUEL 16:3

Ongpai, “Nüngei shembülei hapeü melei nyüpa?” shei phe. Ziba-i büpa kü, “Büpayü Jerusalemei nyüke; mehenangkü büpai, ‘Shinnyih Israel phangi ngei kü obülei ongching nyokei yahphahen shei eküpeih’ ” shei e.

MÜLANGPÜ 23:7

Ammi shahshemi mih tevüshih; ammi mang neshiüpü nevaijü daülangpü shennyak tejü; mehenangkü ngei henüng mang netükpih.

JOHAN 7:51

“Shennyak hük büpai mehe dükpa hapa shong mangdani jenei shahkungi hanei am nenyonghünyih” shei e.

KAHBHAO 39:17

Hapheikü pinnyüi büpa kü hapa büshah ejateke: “Nüngi jenei leiküpü hapa Hebrew am chongphobüyü ngelei dungei shüei ngei kü mükshüngshenaamhen dükpeih,

KANDOK 14:5

Shahhing denpü shuohpai nelunelemnyih, shejao shahshem denpü shuohpai shahshem vamhünyeih.