MÜLANGPÜ 22:30 - DAÜLANGPÜ LAIHING (BSI)

³⁰ Hapa aihük mü ammei mohoh hatü mithü shuohtuh. Shaanpheikü nyih nyet chenyü mü tuhtuh; nyih shetpabü kü ha ngei kü shuohtuh.

MÜLANGPÜ 22:30 Referans Kwoze

LEVI 22:27

“Mechem mohoh, mi nevaijü yum cheha shaanhenshang, hapa nyih nyet thahshi chenyü mü anghen. Nyih shetpabü kü pangei Shembüpa kü aw kü jakpü moila vaishi yah-aokhen.

SHAHKÜP 15:19

Shembüpa, ammei Kahvang shingvaishi shongei shaanpü mohoh hatü mi chebaonghathü peü hayaoha khaatei tuhtuh; shongei shaanpü mohoh chebaonghai dou tedükhü nevaijü shongei shaanpü mi chebaongha kübü mum tejap.

LEVI 12:3

Nyih shetpabü hapa yeshang shaw japtükhen,

MÜLANGPÜ 13:12

Ammi shongei angpü lemphüli Shembüpa shing yaongei tuhtuh. Shongei shaanpü yemhimak baongha kemei Shembüpalei.

KAHBHAO 17:12

Ngoikahen den peü kü nüng mü nyupü bahanaü peü nüngei shemei bühpü vaijao, kung am nüngei li nevaipü lop shuohtü shakpü vaijao nyih shetpabü kü shuw japtüktuh.

LEVI 7:23

“Israel am kü hei etuh shei eteke. Ammi mi, mohoh hatü yum cheü nehahhen.

LEVI 7:24

Dipü yemha nevaijü shahhishuwi jüpü yemhalei cheü ammi lebü nadang kü noteihen aok, shejao hapa nehahhen.

LEVI 7:26

Melei am nyuhenshang nyujao ammi ou hatü yemhalei iy nehahhen.

LEVI 11:44

Ngeiyü Shembüpa, ammei Kahvang; am nyingi daülangi nyutuh; mehenangkü ngeiyü daülangpü. Kahdokei lüteipü yemhimak homei am nyingi nedaünelangpü telei.

LEVI 11:45

Ngeiyü ammei Kahvang vaihen shingvaishi am Ijip leipü müei leipü Shembüpa; hanangkü am daülangi nyutuh; mehenangkü ngeiyü daülangpü.

LEVI 17:15

Bühü vaijao benha vaijao üpai yemha mahng dangpü nevaijü shahhishuwi hahpü yemha mahng hahhenshang büpai laophülei ashakviha dhotükhen, hatü hangha laktükhen, hatü büpa om dhüshi nedaüpü leihen; hapheikü büpa daütükhen.

LEVI 22:8

Meishi dipü nevaijü shahhishuwi hahpü yemhalei phai nehahhen; hapai büpa nedaüpü leihen. Ngeiyü Shembüpa.

SHAHKÜP 14:21

Ammi hathüyü am mü lakeiloiyei nyupü am kü shuohhen aok, hatü jomi ha hahhen aok. Shejao amphongü Shembüpa, ammei Kahvang touei daülangpü nanglakthü nyüke. Ammi mi nevaijü yum cheha yahei chenyülei amma mü techeü.

EZEKIEL 4:14

Hahepak kü ngei, “Oh Shembüpa Kahvang! Hashih mebü shaang thahshi angkü dipü nevaijü phaüyemi jüpü phai hahtü ngei nedaünelangi neleiangpih; hapa keipü nedaüpü het manghahpih” shei eteke.