MÜLANGPÜ 22:28 - DAÜLANGPÜ LAIHING (BSI)

²⁸ Ammi Kahvang kü teyaü, nevaijü ammei nanglakthü mübü kü tethaüvaü.

MÜLANGPÜ 22:28 Referans Kwoze

PHONGSHANTHÜ DOU 23:5

Pauli, “Jeihinaüthü, büpayü ngongchong khih shei ngei nenyingangpih; ‘Ammei nanglak vanglem lembü kü ten te-e’ shei nyangei nyüpeih” shei e.

CHONGVENBÜ 10:20

Nüngi mongei dangkao ongpa hük vüshih-ei tedeih, nevaijü nüngei shinshingei shemmeipa khüei tethaüvaü; Mehenangkü piteipü ouha-i nüngei shah koei lüdaihen, nevaijü yang kohpü yemi hapa shah baongtükkahen.

JUD SHAHSHA APPÜ 1:8

Hapa aihük mü hathü mangh manghteipüthüi laophülei büm sheihtüknyüke, Kahvangei wong kü ne-ienelemnyu, hatü vangsho leipüthü kü yaünyüke.

2 PETER 2:10

anyei vaishi üami laophülei phai iyjeiphailei mang kü mü, hatü Kahvang ngan yaktük hathü shingvaishi nyuhen. Jomphong mahmong longei changmeinyüke, hatü jomi müknyinshekhangpü vangsho shanthü kao yaüeilunghen nenyemnyu.

MÜLANGPÜ 21:17

Üpai laophülei nyü hatü pa kü thaüvaühenshang jütüktuh.

1 PETER 2:17

Peü kü jiüshangi dhüm hutuh. Vaipü küphüthü kü bamtuh; Kahvang kü nyemtuh hatü ongpa kü dhüm hutuh.

PHONGSHANTHÜ DOU 23:3

Hahepak kü Pauli büpa kü, “Kahvangi nüng kü apphahen, nüng shola-i jintükpü bham! Shahkungnyü kü jiüpü aimü shahphenhen nüng hatouei uoshi nyüke, shejao nüngi-üng ngei kü üptuh shei ngeükhüam shuohpai shahkung mangnyu je?” shei eteke.

MENVIH KESHO 138:1

Ngelei mong kempai ngei nüngei men longnyeih, Oh Shembüpa; kahvangthü touei ngei nüngei menvih loknyeih.

MENVIH KESHO 32:6

Nüng danghen mü nyushingkü nüng kü hinglempüthü peü nüng kü phophütuh; mechem shanghah yungnyü büng longhen, hapai jom nethahhen.

1 SAMUEL 26:9

Shejao Davidi Abishai kü, “Büpa tejü; üpai Shembüpai jepü ong kü lak hethenshang, büpa pungpü nevaihen je?” shei e.

1 SAMUEL 24:10

Shinnyih mekei Shembüpai yaongdungei ngelei lak kü nüng shuohpa ha nüngei müki eeteke. Hanei-i nüng jütükhen nyeanphopeih shejao ngei jomphong kü, “Ngei ngelei shembü kü lak neshihpih; mehenangkü büpayü Shembüpai jepeih shei etü ngei nüng yangei tuhpeih.

1 SAMUEL 24:6

hatü büpalei shennyakthü kü “Ngelei shembü, Shembüpai jepü kü ngei hapakei dükhen, hatü ngei büpa khüei lak nohenü büpai nemongnyih; mehenangkü büpayü Shembüpai jepeih” shei e.

LEVI 24:16

hatü üpai Shembüpalei men thaüvaühenshang jütükhen; khong kemei-i büpa kü yaongi shükhen. Bühü vaijao benha vaijao Israel kü nyupü üpai Shembüpa kü thaüvaühen, khongi yaongi shükei jütükhen.

LEVI 24:11

Depü hepak kü hapa shennyaki Kahvangei men thaüvaüteke. Hanangkü jomi hapa shennyak Mosa touei müei dei,

LEVI 24:15

Israel am üpai Kahvang kü thaüvaühenshang, büpai ha mang kohen,

2 SAMUEL 16:5

Mechem David Bahurim ngoipa, Saul am phang shennyak hük Geralei cheha Shimei vamei David kü thaüvaüteke.

2 SAMUEL 16:9

Hahepak kü Zeruiahlei cheha Abishai-i ongpa kü, “Mehekei hapa shimahngi ngelei shembü ongpa kü hajük thaüvaühenang? Ngei heih-ei büpalei shangjing daklangküshah” shei e.

2 SAMUEL 19:21

Hahepak kü Zeruiahlei cheha Abishai-i, “Shembüpai jepü ongpa kü thaüvaüjao ha tata kü Shimei tejütük” shei e.

1 ONGPATHÜ 21:10

Büpai Kahvang hatü ongpa nyi kü eelapeih shei büpalei dhe kü nyeanshi thaüvaühen shingvaishi neveü gühshe shapü shennyak nyi büpalei dhe kü khangshi uohütuh. Hapheikü büpa chingmong leipü haolei müei daiyei yaongi shükei jütuh” shei e.

MÜLANGPÜ 13:2

“Ngelei men kü hashongpathü peü daühütuh; mehenangkü shennyak vaijao yemhimak vaijao shongei angpü peü ngelei” shei eteke.

MÜLANGPÜ 13:12

Ammi shongei angpü lemphüli Shembüpa shing yaongei tuhtuh. Shongei shaanpü yemhimak baongha kemei Shembüpalei.

MÜLANGPÜ 23:16

Ammei kah kü sheipü shongpü betjük vetei ammi Hatvet Mo motuh. Ammi kah kü sheipü betjük thailangkempheikü vangbong dohpülei Bang Mo motuh.

MÜLANGPÜ 23:19

Shembüpa, ammei Kahvangei shemei ammei lak kübü vampü shongpü betjük meipü moila deikei. Ammi mi nevaijü yum cheha chenyülei amma mü techeü.