MÜLANGPÜ 22:26 - DAÜLANGPÜ LAIHING (BSI)

²⁶ Nüngi haneilei ashak vangeishuwei yahjema, vanghe mangshü shekü leiyeishuoh;

MÜLANGPÜ 22:26 Referans Kwoze

KANDOK 20:16

Yenthüngangpalei bheishe hang shemhen ehahpü shennyakei ashak yahlangtuh; Lemhaoei heüpü nyüha nangkü vangeishuwpü nangkü büpalei ashak tuhlangtuh.

AMOS 2:8

Phoppü shing peü kü jomi taopathü leipü hang nangkü yahpü ashak nyemtü lemnyüke; Jomi Kahvangei shemei hang kü yahpü yiü yingnyüke.

SHAHKÜP 24:6

Ammi bheishe hang nangkü yaong shemshak, hakei-üng ngümteipü dokpa yaong dangkao teyah; mehenangkü hapayü hangkulei shünyüshong vetlangpü kei nyüke.

EZEKIEL 18:16

Büpai üpa kao neshüveinyu, nevaijü mih kü hang lushuohtü lahtuh shei ne-enyu. Büpai negühnyu, shejao taopathü kü hahying shuohnyüke, hatü bümkong nyupüthü kü ashakviha shuohnyüke.

EZEKIEL 18:7

Büpai üpa kao neshüveinyu, shejao büpai lahtü luhahpü hang jiüshi shemtüknyüke, büpai negühnyu shejao taopathü kü hahying shuohnyüke, hatü bümkong nyupüthü kü ashakviha shuohnyüke.

KANDOK 22:27

Nüngi shemaokhen mü neshiüshiüi mehekei nüngei shinshingao noei deitükhen?

JOB SHAHSHA APPÜ 24:3

Jomi hashihhathülei gadu yahlangnyüke; hatü vaümnyülei mohohbaong bheishe kü yahlangnyüke.

SHAHKÜP 24:17

Yenpa-oupa nevaijü hashihhathü kü jiüpü hean ammi aetei teyah, nevaijü bheishe hang nangkü vaümnyülei ashak chüngei teyah.

EZEKIEL 33:15

büpai bheishe hang nangkü yahpü dou, nyokei shuoh-ei, büpai gühpü dou nyokei leishuohtü yangnyu shuohpü shahkung kü müjema, hatü mang nedükjema, hingmei büpa nedi-i yemmü nyuhen.

JOB SHAHSHA APPÜ 24:9

“Nyühaüm kübü hashihha aetei yahteipü shennyak hanei nyüke; taopalei naü bheishe hang kü yahlangnyüke.

JOB SHAHSHA APPÜ 22:6

Shahshemi nüngi nüngei jeihinaüthü leipü lop yahnyüke, hatü nüngi shennyakthü leipü büm-ow nyiukei yahtü bümkong tuhphongnyüke.

JOB SHAHSHA APPÜ 24:7

Jomi vangnyak bümkong ashakviha neshiüi paümnyüke, hatü haong kü ümhen meheyao neshiü.

JOB SHAHSHA APPÜ 34:28

shejao jom homei taopathü theppüyoungpü büpalei dhaongi danhü, hatü nehahneyingpüthüi lenpü büpai danhü.

MENVIH KESHO 10:14

Shejao Oh Kahvang, nüngi shanghah hatü mongshang nyingnyüke, hatü nüngi ha kü sheühhen temei nyüke; Neaoknethangpüthüi nüng kü lanei shuohnyüke; nüngü hashihhathü kü sheühnyeih.

MENVIH KESHO 34:7

Büpa kü nyempüthü kü vangsho phongshanthüi shinei yomnyeih, hatü yanglangnyeih.