MÜLANGPÜ 22:25 - DAÜLANGPÜ LAIHING (BSI)

²⁵ Ammi am mü chemi nyupü taopü ngelei nanglakthü kü lop lushuohjema, ammi hathü kü hang sheshi nyupü am kü kei teno, hatü ammi hathü leipü lop kü lop bhü-ei teyah.

MÜLANGPÜ 22:25 Referans Kwoze

MENVIH KESHO 15:5

Üpai lop kü lop bhüei lop nelushuohnya, hatü nenyingpü am khüei yawhdou neyahnya, üpai hathü dou düknya, büpa nejenleni yangei nyuhen.

EZEKIEL 18:8

Büpai bhüei danghen kü lop nelushuohnyu, nevaijü lop bhüei neyahnyu. Büpai nemeipü dükhen kübü büpalei lak shümlangnyüke, hatü shahhing shahphenpü shuohnyüke.

KANDOK 28:8

Üpai mih-i lupü bheishe hang kü bhüpü longi üei yah-ei shemmei leinya, büpalei mopü taopathü kü bampü shennyakei lakmongei shüdaihen.

NEHEMIAH 5:7

Ngelei mongei lemhük payü dükhen khih shei deihtü mübüthü hatü lakchongbüthü kü, “Amphongü jeihinaüthü kü shüveinyu khih!” shei eteke. Hanangkü hapa nang eteinüng shahthai longpü hük nyükei,

EZEKIEL 18:17

Büpai mang dükhen kübü büpalei lak shümlangnyüke, hatü büpai lop kü lop bhüei longi neyahnyu. Büpai ngelei vanglem, hatü shahkungnyüthü noteinyüke. Büpa chepalei mang nangkü nedihen. Hingmei büpa yemmü nyuhen.

EZEKIEL 18:13

Büpai nanglei yemei mih kü hang lushuohnyüke, hatü lop longi bhüei yahnyüke. Hapa keipü shennyak yemmü nyuhen je? Büpa nenyuaokhen! Büpai hathü jiühitpü douthü dükpü nangkü, büpa hingmei dihen, hatü büpalei iy büpalei shangjingei kohen.

JEREMIAH 15:10

Onyükei! Mehekei onyüi ngei hapa kahdoknyü kü büh-ei tuhphongpa? Kahdok kü nyupüthü peü mü dehen, shah dakteihen mü vamteke. Ngei mih kü lop nelushuoh, nevaijü ngei luhahpüyao neshiüpih, shejao peüi ngei kü thaüvaünyüke.

2 ONGPATHÜ 4:7

Pinnyüi vamei Elisha thibü kü ha jung eja, hatü büpai pinnyü kü, “Daiyei ha mainga yutuh, hatü hang shemtüktuh, hatü hapa aopü lopi anhapeü amphongi hahshi nyuaokhen hih” shei e.

2 ONGPATHÜ 4:1

Shaang thibüthü khong kübü shennyak hükei nyüha hük peiyei Elisha kü, “Nüng chongphobü ngelei baha didaiteke, hatü büpai Shembüpa kü nyemshi nyupü nüngi nyingei nyüke. Shejao shaang hami hang shemshuohhen nyupü shennyak peiyei ngelei hapeü nyi hapa hang kü khaplükei aa vainüng yahlanghen enyüke” shei thepei e.

LUK SHAHSHA APPÜ 19:23

Shejema mehekei nüngi ngelei lop lop jaoshingei netuhpa? Hapakei vailangmeyü ngei leijü lop kü lop bhüpü omshi danghen vaipeih” shei e.

MATHI 25:27

Shejema nüngi ngelei lopü lop nopü am kü shuohhen vaipeih, hatü ngei nyokei leishingkü ngelei lop mü bhüpü danghen vaipeih.

EZEKIEL 22:12

Hapa chingnyülei shennyakthü mih jühen nangkü yawhdou yahnyüke; ammi nyeishi lop kü lop bhüei yahnyüke, hatü chingyowthü leipü aeteisheyei nanglei dangnyüke, hatü amphongi ngei betükteke shei Shembüpa Kahvangi enyüke.”

SHAHKÜP 15:7

Shembüpa, ammei Kahvangi am kü shuohpü kahdok kü jila haneilei dangkao taopü jeihinaü nyujema, büpa kü sheühhen kaungei nevaijü nemongi tenyu.

SHAHKÜP 24:13

Büpai yanüng ha kü shihen shingvaishi om dhüküjü yah-ei leiyeishuoh. Büpai am kü mongonghen, hatü hapa kü Shembüpa, ammei Kahvangi am kü mongonghen.

EZEKIEL 18:7

Büpai üpa kao neshüveinyu, shejao büpai lahtü luhahpü hang jiüshi shemtüknyüke, büpai negühnyu shejao taopathü kü hahying shuohnyüke, hatü bümkong nyupüthü kü ashakviha shuohnyüke.

AMOS 2:8

Phoppü shing peü kü jomi taopathü leipü hang nangkü yahpü ashak nyemtü lemnyüke; Jomi Kahvangei shemei hang kü yahpü yiü yingnyüke.