18 Ammi nyüha thi yemmü netuh-i jütüktuh.
Nyüha vaijao baha vaijao am khong mü lashüh tetpü nevaijü yimpi laang mü shah eteipü nyujema, hapa shennyak yaongi shükei jütükhen; jomei iy jom shak kü nyuhen.
Shaang, Samuel didai. Hanangkü Israel am kemei büpa kü mahng thepei nyu hatü büpayü büpalei jila Ramahlei vüphong. Sauli kahmük kübü thihivam hatü phongyomteipüthü kemei changtük.
Shennyak hanei-i yimpi laang mü shah eteipüthü nevaijü lashüh tetpüthü lemei daijema, ngei büpa laophülei nanglak khong kübü katitükhen.
Chingshelei nyupüthüyü shithü, phongyompüthü, mükbongjuyungpüthü, shennyak jüpüthü, lajei khümpüthü hatü shahshem kü bampü hatü ha dükpüthü.
Ammi yimpi laang mü shah eteipüthü nevaijü lashüh tetpüthü lemei tedai, hathü yemjema hathüi am mang thahhühen. Ngeiyü Shembüpa, ammei Kahvang.
Ammi iy kohshi mepa phai lemao tehah. Ammi phong teyomtei.
Ijip amei mong mahtükhühen, hatü jomei küpjan kong leitükhen. Jomi lajei hatü yimpi laangthü kü pheyuhen, laangthü hatü phongyompüthü kü pheyuhen.
lajei khümpü, phongyompü, jiühitteipü, mophicheü, mükhühpü, mongshihpü, dehilao, neshetnephen, hanteipü,
Phongyomteipüthü jomei lai thaiyei peüi eeshi aw kü jaktük; hatü aw kü jaktükpü laithülei bhei itshuohjü ngin haja pinyipüanei bhei nyuteke.
Hapa nyühai büpa kü, “Sauli mehe dükpa ha nüngi nyingei shiühen; büpai kahmük kübü phongyomteipüthü hatü nyüha thibüthü kemei changtükpeih. Ngei nyemdi shei nüngi mehekei ngelei yangnyu kü tai haennya?” shei e.
Hanangkü am kü, “Amphong mechemao Babylon ongpa chongnephopih” shei epü thibüthü, tetpüvanpüthü, mangh manghteipüthü, lashüh dokpüthü hatü phongyompüthülei shah tebang.
Jomi am kü shahshem teteivanei enyüke hatü hapai am ammei kahdok leipü tailuei daihen hean benhen; ngei am changtükhen hatü am mahhen.
Üpa baha nevaijü nyühaiyao yemhimak mü mükbongjuyung tedük, hatü hapai nüng tenyethü. Nyingnyoi kü neshiüpü dou dükpai nüng jiühitbenüng telei.
“Yemhimak mü jemteiyei mükbongjuyungpü shennyak kü thaüvaü hettuh” Hahepak kü nanglak peüi, “Amen!” shei ehen.
