MÜLANGPÜ 21:2 - DAÜLANGPÜ LAIHING (BSI)

² Nüngi Hebrew am aa hük shakjema, büpai nüng vangbong vok chongphohütuh, shejao vangbong nyetpabü kü büpayü meheyao hanghivong neshiüi bümei nanglak hük kei vetüktuh.

MÜLANGPÜ 21:2 Referans Kwoze

SHAHKÜP 15:18

Mechemao ammi aa hük bümei leiyei deitükhenü longi lomoh hatü douwong shei tedeih; mehenangkü büpai vangbong vok thahshi am chongphopeyü nang shanpü mü shing nyi nyeishi nanglei vaitepih. Hapakei düktuh hatü Shembüpa, ammei Kahvangi ammi dükpü lemphü kü moihimanphahen.

MÜLANGPÜ 12:44

shejao shakei tuhpü aa hüki shongei shuw jappheikü mon büpai hahhen aok.

NEHEMIAH 5:8

Jom kü, “Jeni aokpü thahshi jenei jeihinaü Jehoda am lebü kung jatthü kü yutükpü shakei leiteke, shejao shaang ammi jempü jeihinaü Jehoda am jom nyingi am kü yuhen mü ammi dou düknyüke!” shei eteke. Jomi shah leihen nedangpü nangkü nenmü nyudai.

SHAHKÜP 31:10

Hahepak kü Mosai jomphong kü, “Vangbong nyetpabü dohpü ieyei, bheishe hang katitükpü bong, Ashakshem Mo hepak kü hapa shahkungnyü ietuh.

SHAHKÜP 15:1

Bong nyetpabü dohpü ieyei am kü shemhen nyupü bheishe hang katitükhen vongbong.

MÜLANGPÜ 22:3

Büpai gühpü nangkü hang shemhen vongbong, shejao büpai hapakei neshemaokjema, güh hang shemei büpa aa hük vaiyei yutükhen. Shejao hapa sho mahpü nyihnüng vampü vaijema, jüpü shennyak kü mang nyüke.

1 KORINT 6:20

Mehenangkü amphongü bhei shuohtü shakpeih; hanangkü ammei büm kü Kahvang müknyinshekhanghütuh.

MATHI 18:25

hatü büpai ha neshemaokpü nangkü shembüi büpa kü chenyüha, hapeüthü hatü angpü mop kemei yutü shemhen eteke.

2 ONGPATHÜ 4:1

Shaang thibüthü khong kübü shennyak hükei nyüha hük peiyei Elisha kü, “Nüng chongphobü ngelei baha didaiteke, hatü büpai Shembüpa kü nyemshi nyupü nüngi nyingei nyüke. Shejao shaang hami hang shemshuohhen nyupü shennyak peiyei ngelei hapeü nyi hapa hang kü khaplükei aa vainüng yahlanghen enyüke” shei thepei e.

KAHBHAO 27:36

Esau-i, “Büpa keyü ha kü-üng Jakob shei menpü nevaipü je? Büpai shinnyihpai nyipa thahshi ngei kü lueilempeih. Büpai ngelei behepa hean yahlang; shaang shao büpai ngelei moihiman yahlangteke” shei e. Hapheikü büpai, “Ngei shing moihiman aoei neshiüpü je?” shei phe.

KAHBHAO 27:28

Kahvangi nüng kü vangsho nyien, hatü kahdok cheü nyemshuoh; hatü hapai hahying hatü yiü changshi nyemdanghü.

MÜLANGPÜ 21:3

Büpa shem neyempü vaijema, büpa shem neyemi daihen; büpa shem yemphei vaijema, nyühihayao büpa mü daihen.

MÜLANGPÜ 21:7

Mechem shennyak hüki laophülei yiükha aa hük vaishi yutükhenshang, pinnyü baha aa kei bümei nanglak leiyei nedeishihhen.

LEVI 25:54

Büpa mepa lemeiyao neleiaokjema, büpa hatü chehathü peü hapa jubilee bong laiyei bümei leihühen.