MÜLANGPÜ 20:7 - DAÜLANGPÜ LAIHING (BSI)

⁷ Ammi ngei, Shembüpa, ammei Kahvangei men angkü tenotei; mehenangkü ngei, Shembüpai büpalei men jiüjiükei noteipü kü hanghi shuohhen.

MÜLANGPÜ 20:7 Referans Kwoze

SHAHKÜP 5:11

Ammi Shembüpa, ammei Kahvangei men angkü tenotei; mehenangkü Shembüpai büpalei men angkü noteipü kü hanghi shuohhen.

LEVI 19:12

Ammi shahshemi ammei Kahvang men tenei tevangteshuw. Ngeiyü Shembüpa.

JAKOB 5:12

Peü shak kü, ngelei jeihinaüthü, ammi vangsho nevaijü kahdok, nevaijü lebü mepayao noshi tevang, shejao hih shejü hih, nevai shejü nevai shei etuh, shejüang am nyonghüpü kü nevühen.

JEREMIAH 4:2

hatü ammi, shahhing kü, hingshangpü, daülangpü kü, “Vanyangyem Shembüpa!” shei lahjema, büpai jatthü kü moihimanhen, hatü büpa kü jomi vih-eilühen, shei Shembüpai enyüke.

JOSHUA 9:20

Jeni lahtükpü nangkü jom yemmü tuhhen; jeni lahtükpü mangtükjema Kahvangi jen hanghihühen.

JOSHUA 2:17

Hapa shennyak nyi-i pinnyü kü, “Henjinyi-i nüng touei lahhüpü keiha hapa lahtükpü jiüshi nohen,

JOSHUA 2:12

Hanangkü shaang, ngei anji kü bampü hupü keiha, hamei shemongsha kü phahji huphahen shei Shembüpalei men kü lahshih.

KANDOK 30:9

Hei nevaijema, ngei longi anghen, hatü nüng yakphonghen khih, hatü “Shembüpayü üpaang?” shei ehen, nevaijü ngei taoei tuhjema ngei gühhen hatü ngelei Kahvangei men dhüm neshiüi leitükhen khih.

SHAHKÜP 10:20

Shembüpa, ammei Kahvang kü nyemtuh hatü büpa chongphotuh. Büpa kü wongshongi shongtuh hatü büpalei men vihtuh.

2 KORINT 1:23

Shejao am yanghen nangkü ngei nyipabü Korintlei nepeipeih shei ngei Kahvangü ngelei denbü vaishi nyüknyeih.

1 ONGPATHÜ 2:9

Shejao nüngi büpa kü mang neshiüpükei tedeih. Nüngü kon kohpü shennyak; büpa kü mehe dükhen ha nüngi nyinghahte, hatü nüngi büpalei shosho pungdaipü shangjingü iy homei mahngchongei vühütuh” shei e.

SHAHKÜP 6:13

Shembüpa, ammei Kahvang kü dhüm shuohtuh hatü büpa kü mon khümtuh, hatü büpalei men kü mon vangeishuwtuh.

2 ONGPATHÜ 5:20

Kahvang shennyak Elishalei chongphobü Gehazi-i, “Ngelei shembüi hapa Aram am Naamani koei peipü meheyao neyah-i ahshiüng yaüshole kü deishihtükteke. Vanyangyem Shembüpalei men kü ngei büpa phei mokei daiyei büpa leipü lemhük yahhen” shei deih.

MENVIH KESHO 139:20

Jomi nüng jung nemeipü enyüke, nüngei vepathüi nüngei men nemei-i noteinyüke.

JEREMIAH 34:16

Shejao shaang ammi ha kübü nyokei leiyei ngelei men sheihtükteke, hatü nyüha, baha aathü jomi mongpülei daihen ammi bümei hean shuohtükpüthü shao nyeanei aa leihüpeih.

EZEKIEL 39:7

Ngelei nanglak Israel am kü ngei ngelei daülangpü men nyinghühen. Hajük kü ngei ngelei daülangpü men nesheihhühen, hatü jatthüi ngeiyü Shembüpa, Israel amei Daülangpü Kahvang shei nyinghen.

KAHBHAO 27:20

Shejao Isaki cheha kü, “Hapeü, mekei etü hajük lomshi dangaokpa?” shei phe. Büpai, “Mehenangkü Shembüpa, nüngei Kahvangi ngei kü shuohpeih” shei e.

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.