MÜLANGPÜ 20:6 - DAÜLANGPÜ LAIHING (BSI)

⁶ shejao ngei kü bampü hatü ngelei shahkungnyü ven bangpüthü kü denshem haja haja ngei bampü hunyüpeih.

MÜLANGPÜ 20:6 Referans Kwoze

SHAHKÜP 7:9

Shembüpa, ammei Kahvangü Kahvang nyüke; büpayü hingshangpü Kahvang; büpa kü bampüthü hatü büpalei shah bangpüthü kü denshem haja haja kü büpai lahpü bampü hunyüpeih.

1 JOHAN 5:3

Büpalei shahkungthü bangpeyü Kahvang kü bampü hih, hatü büpalei shahkungthüyü hanggovih nevai;

JOHAN 14:21

Üam kü ngelei shahkungthü nyu hatü hathü düknya, hathüyü ngei kü bampüthü, hatü üami ngei kü bamnya, hathü kü Opai bamhen, hatü ngei jom kü bamhen hatü ngei jom kü shakei vamhen.

PHONGSHANTHÜ DOU 2:39

Mehenangkü ha lahpeyü am, ammei hapeüthü hatü tailuei nyupüthü, üam kü Shembüpa, jenei Kahvangi nyük, hathü peü shingvaishi nyüke,

SHAHKÜP 5:29

Jomphong kü henüng thentoimongdang jükei ngei kü nyemei ngei epü bangphei küangü jom hatü jomei hapeüthü peü den kü meishi nyuhen.

SHAHKÜP 4:37

Mehenangkü büpai ammei bühipa kü bampü nangkü, büpai amphong jeteke, hatü büpalei wong longpai büpai amphong Ijip leipü müei leiteke.

JOHAN 14:15

Ammi ngei kü bamjema, ngelei shahkungthü banghen.

2 JOHAN 1:6

Jeni büpalei shahkung aimü kamhen khih; hayü bampü nyüke, hapayü chongpangpülei nüngi danei heihpü shahkung nyüke– nüngi ha kü kamtuh.

1 JOHAN 4:19

Büpai shongei jen kü bampü nangkü jeni büpa kü bamnyeih.

JAKOB 1:12

Dokpü peishingkü üpai hinglemei nyu, büpa moihiman. Hapa keipü dokpü kü aokpü shennyak kü Shembüpai büpa kü bampüthü kü shuohhen lahpü yangnyu athen shuohhen.

MÜLANGPÜ 34:7

Denshem haja haja kü bampü lakshing nyupü; Mang hatü pungpü shaipü mang tükpü, shejao nejiüpü am kü hanghi neshuoh-i netuhpü; Büpai hapeüthü hatü jomei hüpeüthü kü chebü chepai thahpü mang shingvaishi denshem jem ali thahshi hanghihünyeih” shei lenei peiteke.

BHEI-IE 14:18

“Shembüpayü mongshih anpü youngmü, hatü bampü kü bhashahshi. Mang hatü pungpüshaipü mang tüknyeih. Shejao büpai nemeipüthü kü hanghi neshuoh-i netuhphongnyih. Bühipai thahpü mang nangkü hühiha den jem den ali thahshi büpai hanghihünyeih.”

NEHEMIAH 1:5

Hahepak kü ngei, “Oh Shembüpa, vangpüshuwpü jiüshangi nopü hatü üami nüng kü bam hatü nüngei shahkung jiüshi düknya, hathü kü bampü hupü longpü hatü nyempühanpü vangsho Kahvang;

MENVIH KESHO 103:17

Shejao Shembüpa bampeyü nedohnetenpü kübü nedohnetenpü ngoishi büpa nyempüthü shing nyüke, hatü büpa daülangshemshepü hüdenhalenshi;

KANDOK 3:1

Ngelei hapeü, ngei nyuhpüvenpü tebetük; shejao nüngei mongdangei ngelei shahkungthü jaotuh;

JEREMIAH 32:18

Nüngi haja longi kü bamnyeih, shejao nyühipalei mang nangkü jomei hapeüthü kü nüngi hanghi shuohnyeih, Oh longpü hatü wong kohpü Kahvang, nüngei menü Jeiyong Shembüpa,

DANIEL 9:4

Ngei, Shembüpa ngelei Kahvang kü phopei hatü mang lahteke: “Oh Shembüpa, longpü hatü nyempühanpü Kahvang. Üami nüng kü bamnya hatü nüngei shahkungnyü ven bangnya, nüngi hathü kü vangpüshuwpü hatü bampü nedoh-i nyunyüke;