MÜLANGPÜ 20:17 - DAÜLANGPÜ LAIHING (BSI)

¹⁷ Nüngi nüngei chingyowlei shem kü vaüei tedeih; nüngi nüngei chingyowpalei nyüha kü vaüei tevei, nevaijü jomei mohoh nevaijü gadu nevaijü nüngei chingyowpalei lemphüli kü vaüei tedeih.

MÜLANGPÜ 20:17 Referans Kwoze

ROM SHAHSHA APPÜ 13:9

“Nüngi mükbongjuyung tedük; nüngi tejü; nüngi tegüh; nüngi mük tehüh” shei epü shahkungnyüthü hatü lebü shahkung kemei, “Nüngi laophülei chingyowpa kü laophü kü kei bamtuh” shei epü shahkung kü peü kohshi nyüke.

LUK SHAHSHA APPÜ 12:15

Shao büpai jomphong kü, “Lituh! Maong nyeipü lemphü kübü am yanei nyutuh; mehenangkü mop changshi nyupai shennyak hük yangnyu nenyunyih” shei e.

HEBREW 13:5

Nüngei yangnyu lop bampü kübü yangei nyutuh, hatü mehe ang, ha kü mong hüshemei nyutuh; mehenangkü büpai, “Ngei nüng netuhphongpih nevaijü neyakphongpih” shei eteke.

KOLOSI 3:5

Hanangkü am kü nyupü kahdoknyü nyingnyoilei douthü peü dihütuh: iyjeiphailei, nedaüpü, iyhiphai-i napü, ten vaüpü, hahnempü (mepa yaongnaüya khümpü nyüpa),

EPHESIA 5:5

Iyjeiphailei, nedaünelangpü shennyak nevaijü hahnempü (hayü lajei kü khümpü hük) üpayao Khrista hatü Kahvang ongching kü mükjüp neshiüpih shei ha nyingtuh.

ROM SHAHSHA APPÜ 7:7

Shejema jeni mehe ehen? Shahkungnyü mang je? Lanshei nevai! Shahkungnyü nenyulangmeyü mangü meheshang ngei nenyinghah shepeih. Shahkungnyüi paoh, “Nüngi mük tehüh” shei ne-elang meyü mükhühpeyü meheang nenyinghah shepeih.

EPHESIA 5:3

Shejao iyjeiphailei hatü nedaünelangpü lemphü, nevaijü hahnempü henüng keipü ammi te-etei; mehenangkü daülangpüthü touei ha jiüpü nevai.

MATHI 5:28

Shejao ngei am kü enyeih, üpai nyüha hük kü vaüei veihenshang, büpai pinnyü mü mongdangei mükbongjuyung dükteke.

1 KORINT 6:10

gühpü, hahnempü, chokpümokpü, yaüeilungpü, hatü peileipüthü– hathü üpayao Kahvang ongching mükjüp nedangpih.

HABAKKUK 2:9

“Nyemhihan vongshüh kübü yanghen shingvaishi shahhing ne-epü mopi bükhishem jaan mü jaan mü vepüthü onyükei.”

MIKA 2:2

Jomi mih-ei kah kü vaünyüke, hatü aetlangnyüke; hatü shemthü kü mükhühnyüke, hatü yahlangnyüke. Jomi shennyak hatü büpalei shem, hatü büpalei mükjüp kü shüveinyüke.

JEREMIAH 5:8

Jomphongü het-i ngangei angpü koyei chebaong iyjeiphaileipükei, chingyowpalei nyüha lümnyüke.

JOB SHAHSHA APPÜ 31:9

Ngei lebü nyüha yahhüei, nevaijü ngelei chingyowpalei shemshelei büpalei shembünyü mü mükbongjuyunghen danei nyujema,

PHONGSHANTHÜ DOU 20:33

Ngei üpalei hon hi ngin nevaijü ashakviha kao mük nehühnyih.

PHONGSHANTHÜ DOU 5:4

Hapa neyui nyupü thahshi hayü nüngei kahdok nevaipü je? Ha yuphei kao hapa lopü nüngei nevaipü je? Henüng dou dükhen mehekei nüngei mongei lehüpa? Nüngi hamphong kü nevai, shejao Kahvang kü shahshem epeih” shei eteke.

LUK SHAHSHA APPÜ 16:14

Pharisee am lop kü bampüthüi ha peü dan, hatü jomi büpa kü yaüei e.

MATHI 20:15

Ngei mehe ang, ha yah-ei ngei deihpükei dükhen nemongnyu je? Nevaijü ngei nekaungi shuohpü kü ammi mükhühnyu je?” shei e.

EZEKIEL 33:31

Jomphongi nüng touei düngei peiteipükei peinyüke, hatü nüngi epü banghen nüng touei uonyüke, shejao jomi dou leiyei nedüknyu. Jui mon jom vaipü enyüke, shejao jomei mongdangü mop nempai maei nyüke.

JEREMIAH 22:17

Shejao nüngei mükhimongü shahhing e-epü mop danghen, mang neshiüpü iy yenhen, mih kü shüveitü aettei daihen deihshi nyüke.

ISAIAH 57:17

Jomei hahnempü mang kü ngei mongshihpeih, ngei jom hanghihü, hatü mongshih-ei ngelei dhe jodaipeih, shejao jomi jomei lemthü kü mon nyokei leidainyüke.

ISAIAH 33:15

Üami kangshangi kamnya, hatü jiüpü enya, aetpüshepü homei nanglei dangpü üami yaktüknya, hatü yawhdou neyah-i laophülei lak yeplangnya, jüteishangteihen tempü küpjan kü dhaong neshaangnya, hatü nemeipü kü nevei-i laophülei mük ngühdainya,

CHONGVENBÜ 4:8

Hepak hük kü shennyak hük büpa monha, hapeü hatü jeihinaü neshiüi nyu. Büpai mechemao nedoh-i dou mon dük, shejao büpai büpa angpü mop kü mükmong nema. “Üpa kü ühnüng ngei hajükjük dou düknya, ngei mongongshi nyuhen neaoki mehekei ngei nyunya?” shei büpai phehahteke. Hapayao angsha hatü mongmangbenüng dousho khih.

KANDOK 4:23

Peü mü nüngei mongdang yomtuh, mehenangkü hapayü yangnyu yunglok khih.

MENVIH KESHO 119:36

Nüngei shahkungnyü philei ngelei mong lepei leituh; shejao ngei lomja nanglei danghen lem kü nevai.

MENVIH KESHO 10:3

Nemeipüthüi laophülei mongi lümpü kü changmeinyeih, hahnempü shennyaki Shembüpa kü thaüvaütü yakphongnyeih.

JOB SHAHSHA APPÜ 31:1

Nela hük kü ten deihshi vaüei neveihen ngei ngelei mük mü vangteitüktih.

1 SAMUEL 15:19

Shejema nüngi mehekei Shembüpai epü nebangpa? Mehekei nüngi doumei nangma koei leipa hatü Shembüpa touei mang dükpa?” shei e.

JOSHUA 7:21

Jeni yahpü douthü khongkü ngei Babylon amei bhagthuh meipü hük, ngin dok nyi hükshing, hatü hon dokbhao shei ahshi-üng mükhühshi eepü nangkü ngei hathü yahpeih. Hathüyü hamei ashakshemei kahdok shotü ngin peü mü phangei shihtü dungshi shepeih” shei Akhani e.

KAHBHAO 3:6

Mechem hapa nyühai hapa pü kübü betjükü hahhen meihen khih, veihenao meiangke hatü kihikon danghenao lümshi khih shei veiaokpa, pinnyüi maani yah-ei ha hah. Shao pinnyüi pinnyü mü nyupü chepaha kao hanei shuoh, hatü büpai ha hah.

PHILIPPI 3:19

Jom dohpeyü mahpü; jomei Kahvangü jomei shünyü, hatü jomei müknyinshekhangü jomei veüpong kü nyüke; jomei mongü kahdoknyü douthü kü tuh-ei nyüke.

KAHBHAO 34:23

Jomei yemhimakthü, jomei mopthü hatü lebü yemhimak kemei jenei nevaihen je? Hanangkü jomi epü kü jeni bangshah hatü jom jen mü nyukahen” shei e.

KAHBHAO 14:23

‘Ngei homei Abram shemmei leihüpeih’ shei nüngi ne-ehen shingvaishi ngei nüngei vilah hükao nevaijü lathuh vü hükao neyahpih.

SHAHKÜP 5:21

Ammi chingyowpalei nyüha kü mük tehüh. Amphongi chingyowpalei bükhishem, kahdok, büpalei aathü, büpalei mohoh, büpalei gaduthü nevaijü büpalei dou mehe kao mük tehüh.

SHAHKÜP 7:25

Ammi jomei kahvangei lajeithü aw kü jaktükhen. Hathü shihpü hon hi nginthü kü amphongi mük tehüh, hatü amphongi laophü shing ha teyah; hei nevaijema hapai aethitai vaikahen, hatü Shembüpa, ammei Kahvang touei hapayü jiühitbenüng nyüke.

1 SAMUEL 12:3

Ngei hammü nyüpeih. Ngei lemhük dangkao pungei dükei nyujema Shembüpa, hatü büpai jepü ongpa touei ngei khüei denpü shuohtuh. Ngei üamei mohoh nevaijü gadu dangkao yahlangphüla? Nevaijü ngei üam kü lueilemei nevaijü ühingei nyüpa? Üpalei lak kübü ngei yawhdou yahpai ngelei mük phüngei nyüpa? Ngei hathü hük dangkao dükei nyujema shemhen” shei e.

KANDOK 6:29

Hapa keiha mih-ei nyüha mü shipü shennyakü nyüke; Pinnyü kü hongpü üpayao nehanghi-i nenyuhen.