15 Nüngi tegüh.
“Nüngi mükbongjuyung tedük; nüngi tejü; nüngi tegüh; nüngi mük tehüh” shei epü shahkungnyüthü hatü lebü shahkung kemei, “Nüngi laophülei chingyowpa kü laophü kü kei bamtuh” shei epü shahkung kü peü kohshi nyüke.
Gühpathüi gühpü yaktüktuh; halei meyü taopathü kü lemhük dangkao shuoh-aokhen mü laophülei laki shahhing kü dou düktuh.
Tegüh, tepeilei, shahshem te-e.
Ammei chingyowpa kü telutelem nevaijü tegüh. Nepphei thahshi ammei kahlei nang shapü kü lat neshuoh-i tetuh.
Büpai büpa kü, “Mepa shahkung?” shei e. Jisui büpa kü, “Nüngi tejü; Nüngi mükbongjuyung tedük; Nüngi tegüh; Nüngi shahshem denpü teshuoh;
gühpü, hahnempü, chokpümokpü, yaüeilungpü, hatü peileipüthü– hathü üpayao Kahvang ongching mükjüp nedangpih.
Büpai hapayü taopathü kü kenpü nangkü nevai, shejao büpayü gühpa nyu; büpai khongei lop tuw noteke, hatü büpai haleipü güh-ei noteihamteke.
Dok gühpü kü Shembüpai jiühitnyeih, shejao dok jiüshi dokpü kü büpai mongongnyeih.
Shennyak hüki jempü Israel shennyak hük yepei daiyei aa kü kei noteijema hatü yutükjema, shennyak yeppü shennyakü jütükhen vongbong. Am toueipü henüng mang daütükhen vongbong.
hatü ha tata kü üpaiyao jeihinaü nevaijü nyahinaü hük kü nejiüi tedük; mehenangkü shelei hami am kü epü hatü shahvüng shuohpükei Shembüpai hapa keipü mangthü peü shing shennyakthü kü hanghi shuohhen.
Büpai jomphong kü, “Ha nyangei nyüke: ‘Ngelei shemü phoppü shem vaihen; shejao amphongi hapayü gühpathülei dung leitüknyüke’ ” shei e.
Jomei laki mehe ten, ha longi manshi düknyüke; Ongthü hatü shahphenbüthüi yawhdou yünyüke, hatü longhiongthüi jomi ehüpükei ten enyüke, hatü jom peü chemi phaüshah shownyüke.
Ha nanglakthülei shemü gühdou, hatü deyeilaoei aetpüshepü doui maei nyüke. Jomi mehe jiü, ha dükhen nenyingnyu shei Shembüpai enyüke.
Üpai shennyak hanei yutüknüng vaijao, nevaijü büpa mü aa kei tuhhen shingvaishi vaijao gühhenshang, hapa gühpa jütüktuh.
Mehenangkü mongdang kübü mang chudeih, jüpü, mükbongjuyung, iyjeiphailei, gühpü, shahshem denpü hatü lueilempü vamnyeih.
Amphongi tegüh.
