MÜLANGPÜ 20:14 - DAÜLANGPÜ LAIHING (BSI)

¹⁴ Nüngi mükbongjuyung tedük.

MÜLANGPÜ 20:14 Referans Kwoze

HEBREW 13:4

Peüi bükhishem yempü kü dhüm shuohtuh, hatü shem yempü amei shinshing nesheih-i angtuh; mehenangkü Kahvangi iyjeiphailei hatü mükbongjuyung nyiphen shahphenhen.

SHAHKÜP 5:18

Amphongi mükbongjuyung tedük.

ROM SHAHSHA APPÜ 13:9

“Nüngi mükbongjuyung tedük; nüngi tejü; nüngi tegüh; nüngi mük tehüh” shei epü shahkungnyüthü hatü lebü shahkung kemei, “Nüngi laophülei chingyowpa kü laophü kü kei bamtuh” shei epü shahkung kü peü kohshi nyüke.

SHAKEI VAMPÜ 21:8

Shejao mong nelongpü, hingnelempü, sheihdaipü, shennyak jüpüthü, mükbongjuyungpüthü, phongyompüthü, lajei khümpüthü, hatü shahshem epüthülei shingü awkaong meli kü aw bahpü shemyungei nyuhen; hapayü nyipabü dipü.”

LEVI 20:10

Shennyak hanei-i laophülei chingyowpalei nyüha mü mükbongjuyungjema, jijiphen jütükhen.

LEVI 18:20

Nüngei chingyowpalei nyüha mü mükbongjuyung dükei nüng nyingi mang tethah.

JAKOB 4:4

Mükbongjuyungpüthü! Kahdoknyü mü mongjem pongpeyü Kahvang mü vepa shei ammi nenyingnyu je? Hanangkü üami kahdoknyülei küphü vaihünya Kahvangei vepa leidainyeih.

2 SAMUEL 11:27

Mahng theppü dohpheikü Davidi pinnyü shemei müei lei, hatü pinnyü büpalei shembünyü lei, hatü yeshang hük büh. Shejao Davidi dükpü doui Shembüpa mongmanghü.

MATHI 19:18

Büpai büpa kü, “Mepa shahkung?” shei e. Jisui büpa kü, “Nüngi tejü; Nüngi mükbongjuyung tedük; Nüngi tegüh; Nüngi shahshem denpü teshuoh;

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

JAKOB 2:11

“Ammi mükbongjuyung tedük” shei epü hüki shao, “Ammi tejü” shei eteke. Shaang ammi mükbongjuyung nedüki mih jüjema, ammü shahkungnyü kü pungpü leiteke.

MALAKI 2:15

Kahvangi am pinnyü mü büm hük hatü laangha hük shei nelingangpü je? Hapa kü Kahvangei mükhong mehe nyüpa? Mehenangkü Kahvangi büpa nyingpü hühiha yemteke. Hanangkü am nethe hepak kü lümei yahpü nyüha mü shahhing ne-e-i nenyuhen am nyingi yomtuh.

KAHBHAO 39:9

Hapa shem kü ngei mü longpü üpayao neshiü. Nüng mü lenei ngelei shembüi ngei kü neshuohpü meheyao neshiü; mehenangkü nüngü büpalei nyüha. Mehekei henüng keipü douten dükhen hatü Kahvang touei mang thahhen?” shei e.

BHEI-IE 5:12

Israel nanglakthü kü hapakei eyeishuoh shei eteke: Shennyak hükei shembünyü hük lem pungei lüdaijema hatü büpa mü shahhing kü nenyui,