MÜLANGPÜ 19:18 - DAÜLANGPÜ LAIHING (BSI)

¹⁸ Sinai Kahshang kemei awshiti jümteke; mehenangkü Shembüpai hapa kü aw mü yiüteke, bhaokhen mü jenteke.

MÜLANGPÜ 19:18 Referans Kwoze

SHAHPHENBÜTHÜ 5:5

Sinailei vamei hupü Shembüpa touei, Shembüpa, Israel Kahvang touei kahshangthüao jennyüke.

MENVIH KESHO 144:5

Oh Shembüpa, vangsho yamtüktü yiükei; awshit vamhen mü kahshangthü kü hongtuh.

SHAKEI VAMPÜ 15:8

hatü phopshemü Kahvangei müknyinshekhang, hatü büpalei ngan awshiti mateke, hatü vangsho phongshan nyet leipü cham nyet mangdoh thahshi üpayao phopshemei neshüaok.

MÜLANGPÜ 3:2

Halei Shembüpalei phongshan pünien kübü awlom kei büpa touei vamteke. Mosai pünien kü aw bahlangmao hapa pünien aw-i nehah-i ee.

JEREMIAH 4:24

Ngei kahshangthü kü veiteke, hatü veituh, hathüyü jenleyei nyuteke, shangchingthü haleipü halei shei shinteiyei nyuteke.

KAHBHAO 19:28

Sodom hi Gomorrah hatü kahji kahdok peü kü veishingkü awbhaong kübü awshit keiha awshit vamei eeteke.

MENVIH KESHO 104:32

Üpai kahdoknyü kü veijü kheünya, üpai kahshangthü kü hongjü awshit vamnya?

SHAHKÜP 33:2

Shembüpa Sinai Kahshang leipü peiteke, hatü jom shak kü vanghe keiha Edom leipü aongteke; Büpai Paran kahshang leipü khangteke. Büpai vangsho phongshan longi mü peiteke. Büpalei lakdah philei büpalei phongshan khong nyüke.

SHAHKÜP 5:22

Amphong kahshangei daishingkü aw, phum hatü shangmang kübü vamei Shembüpai amphong peü kü ngeüwong anei shuohpü shahkungnyüthü nyüke. Büpai lebü nevai-i ha shahkungthü shuohpeih, hatü büpai hathü yaongshung nyi kü nyangtü ngei kü yahphopeih.

MÜLANGPÜ 24:17

Israel am shingvaishi Shembüpalei müknyinshekhang bahpü aw hük leshi kahshangei nyuteke.

HEBREW 12:26

Hahepak kü büpalei ngeüi kahdoknyü jenhü, shejao shaang büpai, “Shao chem ngei kahdoknyü mon nevai, vangshothüao jenhühen” shei lahteke.

ISAIAH 6:4

Jomei ngeüi shaden kübü shemhathü hatü shakungthü jenteke, hatü Phopshemü awshiti maei nyuteke.

KAHBHAO 15:17

Mechem vanghe shüei nyakpa, dük keiha aw hük awlom kohshi vamei haüpü phai aa kü peih-ei dai.

2 PETER 3:10

Shejao Shembüpalei nyih gühpa hük leshi peikahen, hatü hapheikü vangshothü ngeü longpü mü peihdaihen, hatü vangsho leipü douthü kemei awi hahtükhen, hatü kahdoknyü hatü haleipü lemphü shamtükhen.

HEBREW 12:18

Amphongü laki honghen aokpü aw bahpü, shangmang, mongmang hatü vanglükpalei nyupü kahshangei nepei;

2 THESALONIKA 1:8

Hapayü Kahvang nenyingpüthü hatü jenei Shembüpa Jisulei shahjangmei nebangpüthü kü bhüh yemhen.

MATHI 24:7

Mehenangkü jati jat khüei, hatü ongchingi ongching khüei yaonghen, hatü shing peü philei shaühile hatü pedi vükpü nyukahen.

ZEKHARIAH 14:5

Judah am ongpa Uzziah hepak kü pedi jenpü kü nyaipükei kahshang handaitü Azel thahshi vampü kahji kü am nyaiyei daihen. Hahepak kü Shembüpa, ngelei Kahvang büpalei phongshanthü büpa mü yiükahen.

MENVIH KESHO 114:7

Oh kahdok Shembüpa touei, Jakob Kahvang nyupü touei kheütuh;

MENVIH KESHO 77:18

Vangmuk khungei vampeyü alüngleple kü nyuteke; Klang nyeppai kahdoknyü vangngaihünyeih. Kahdoknyü kheünyeih hatü hannyeih.

MÜLANGPÜ 20:18

Mechem nanglakthü peüi klang vangteng, amit ngeü danpa, hatü kahshangei awshit vampü eepa, jom nyemei kheüteke, hatü tailuei yaongdaikem,

MÜLANGPÜ 19:13

Büpayü yaongi shükei nevaijü lahhani kapei jühen; büpa kü üpalei lakiyao nehonghen. Shennyak vaituh, yemhimak vaituh yemmü netuhhen. Shejao mechem amit luangi vüngkahen, hajü mon jom kahshangei aonghen aok” shei eteke.

2 THESALONIKA 1:7

hatü shangpongpü amphong kü nyiushemmei shuohhen, hatü ha hamphong kao shuohhen, hatü hapayü mechem Shembüpa Jisu vangsho leipü büpalei wong kohpü vangsho phongshanthü mü awlom kei peihenshang ha vamhen.

SHAKEI VAMPÜ 9:2

Mechem büpai shaongdoh neshiüpü kahsha appa, hapa kahsha leipü aw longi jakpü awshit kei vamei hapa kahsha leipü awshiti vanghe hatü phumshang manghdai.

KAHBHAO 11:5

Hahepak kü Shembüpai hapa chingnyü, hatü shennyakthüi vepü shangdü kü veihen yiüteke.

MÜLANGPÜ 19:17

Kahvang mü pongteinüng Mosai nanglakthü baümtap leipü müei dai, hatü jom kahshanglalei yaong.

MÜLANGPÜ 34:2

Nüngi ha nepnüng dhom mü temtuh hatü Sinai Kahshang shangtaolei ha ngei kü shuohhen aongkei.

SHAHKÜP 5:4

Kahshangei Shembüpai aw kübü vamei amphong mü dhe dhe gongei eteke.

ISAIAH 64:1

Oh nüng paoh vangsho shaden aptüktü yiükülangmeyü kahshangthü nyemei kheühah shepeih.

SHAHKÜP 4:36

Büpai am kü nyuh-aokhen shingvaishi büpai vangsho leipü büpalei ngeü am kü danhü; hatü kahdoknyülei büpai aw kübü vamei epü büpalei shah danteke.

NEHEMIAH 9:13

Nüng vangsho leipü Sinai Kahshangei yiü, hatü vangsho leipü etei, hatü jom kü jiüpü shahkung hatü meipü vanglem shuoh;

MENVIH KESHO 18:9

Büpai vangsho hanphongtü yiü; vangnyakü büpalei la phangei nyu.

MENVIH KESHO 68:9

Oh Kahvang, nüngi vang changshi keihünyüke, hatü cheü neshiüpükahdok shao kahcheü vamhünyeih.

MENVIH KESHO 77:19

Nüngei lemü yungching homei, nüngei lemnyü yung homei nyüke; shejao nüngei lameen ne-eenyu.

MENVIH KESHO 114:4

Kahshangthü yum keiha tungtei, shangchingthü mi keiha phauktei.

HABAKKUK 3:6

Mechem büpa yaongnya, kahdoknyü jennyüke; büpai veishuohjü jatthü kheünyüke. Aivang den mebü nyupü kahshangthü bhaokdainyüke, hatü nedohnetenpü shangchingthü demdainyüke. Büpalei lemnyü-ü nedohneteni nyüke.